علشان الناس تحس ان الثورة قامت فاول حاجة اعملها انى امسك وزارة التموين دى وافرتكها من اساسها والغى امها وام الزفت اللى قرفونا بيه ده اللى اسمه الدعم والواقع انهم اول المتكسبين منه على حسابنا
والمبلغ المرصود للدعم اقسمه نصين ، نص ارفع به المرتبات الى حد الكرامة الانسانية والنص التانى ارجعه للدولة لحساب العلاج المجانى الذى هو واجب اساسى على الحكومة ..
الخطوة الثانية امسك ام السوق اللى التجار حولوه الى مولد هم اصحابه واضبط الكل .. هوامش الربح والاسعار سواء المستورد او المحلى ..
الخطوة التالتة احيل الى التقاعد مديرى الادارات وانت طالع لغاية المستشارين اللى خربينها بمعاش كامل .. ويفضل معانا المفتشين والمراقبين ..
التعليقات
والله انا أول حاجة هأعملها أنى هأشيل كل القيادات فوق سن الستين فى كل القطاعات واللى بيتواجدوا تحت مسمى أستشارى أو عضو منتدب وبيأخدوا مرتب كبير ممكن توزعوا على ثلاثة موظفين صغيرين
فكدة تحل شوية فى البطالة وتوفر فلوس
تانيا:فى بعض القطاعات بيعملوا أجتماعات لرؤساء مجلس الأدارة مالهاش لازمة وبيصرفوا فيها لكل عضو 5000 تلاف جنية وده فى كل أجتماع هألغى الموضوع ده لأن دى سرقة مقنعة
بالنسبة للوجه العام الناس عايزة حاجة ملموسة يعنى أكل أشرب أتعالج أشتغل
يبقى أول حاجة تتظبط هى المرتبات عشان الناس تهدأ تانى حاجة لأكل والشغل لية مانجمعش الشباب ويشتغلوا فى الزراعة بدل ماأحنا بنستورد أكلنا من برة
ولازم لازم لازم يتعمل حملات جامدة جدا على أسعار السوق والبائعين لأنهم ناس ماعندهاش ضميير بيستغلوا حاجة الناس ويعلوا الأسعار بمزاجهم وأعتقد أنهم شبعوا سرقة بما فيه الكفاية لو حصلت الحملات دى مش هيتخرب بيتهم
وكل ده كبداية
انا أول أمبارح شفت حاجة فى برنامج (بنى أدم شو )فظيعة الزبالة بتاعتنا ثروة لو أتعالجت بالطريقة الصح بدل ماالبلد بقت مليانة زبالة أعالجها وأبيعها تخيلوا فعلا أن الصين بتشترى زبالتنا وتعيد تصنيعها وتبعها لينا تانى
التعليقات
الزبالة :
اتكلمت عنها فى الموقع قبل كده .. لو الناس بتحب البلد باخلاص .. ممكن كل محافظة تطلع من زبالتها ملايين ..
اما بالفرز والتصنيف واعادة البيع
واما بفرزها ثم تحويلها الى اسمدة صحية وصديقة للانسان والنبات
واما بفرزها ثم تخميرها لتوليد غاز الميثان الممكن استخدامه كالغاز الطبيعى او فى توليد الطاقة الكهربية .
التعليقات
برضه لوكنت المتحكم هأعمل حاجتين
هوزع فى جميع محافظات مصر مبانى ملحقة بالوزارات والمؤسسات الرئيسية فى مصر وكمان هأعمل مستشفيات وكلليات ومبانى سكنية وأوفرلها الكهرباء والمية وأعمل جنبها مصانع أو أماكن للعمل عشان التكدس الفظيع اللى فى القاهرة ده كده أى حد عاوز حاجة أو ورقة يلاقيها فى محافظته مايضطرش للسفر ويبقى بين المراكز دى أتصال دائموكمان يتوفرله الشغل والبيت فمايضطرش يروح للقاهرة بحثا عن علاج أو شغل
التعليقات
- ارفع المرتبات للموظفين واخفض مرتبات كبار المسئولين
- ان اهتم بالعلم والعلماء واشجعهم واقدرهم
- ان اكلف وزير التربيه والتعليم بالاستعانة بكبار العلماء والمفكرين مثل
الدكتور احمد زويل فى تحديث وتطوير المناهج الدراسية
التعليقات
+1000000000000000