أعرب الجمـــــل الآتيــــــة .. سؤال لطالب مسطول

3
واحد مسطول طينـــــــــــــــه .. دخل امتحان عربي ... جاتله في الورقه

أعرب الجمل الآتيه :
1- ( سور الصين العظيم )
2- ( مرض جنون البقر )

اخينا تنح شويه ... وبعدين راح قايل ....

-اجابة البتاعه الأولانيه ( سور الصين العظيم )
سور: هو البتاع اللي بينط من فوقه الحرامي عشان يخش البيوت ويسرق

الصين: نوع من انواع الادوات المنزليه بس نوع مفتخر ... الطقم بيوصل ل
100 جنيه في العتبه

العظ: اللي بياكله الحيوانات ... واشهر حيوان معروف بالحاجه دي
هو الكلب

يم: تقريبا والله أعلم بحر او حاجه كده

يعني الجمله كلها معناها
لما ينط حرامي من فوق سور ... عشان يسرق طقم صيني .. الكلب هيعضه في البحر

-اجابة البتاعه التانيه ( مرض جنون البقر )
مر: دي الحاجه اللي طعمها بيجيب مراره في الحلق ويخليك تفصل دماغك قوام

ض: تقريبا حاجه زياده ... شوية حبر في الورقه ولا حاجه ... مالهاش لازمه من
الاعراب

جن: اللهم احفظنا من العفاريت والجن والحركات دي يارب ... احنا ناقصين مزاوله

ون: دي اصلا انجليزي ... ومعناها ( رقم واحد ) ... لغات انا برضه

ألب: دي جبال موجوده في بلاد بره ... وجبال عاليه قوي ... بتاع 200 كيلوجرام فوق سطح برج الجزيره

قر: ليها معنين حسب الجمله ذات نفسها
المعنى الأولاني : الحسد والقر والكلام ده .... ودي مش راكبه على الحوار
بتاعنا
التاني : اختصار لكلمة ( قرنفل ) ... على طريقه المعلم ( رضا )
انا باقص الكلا .... الكلام يعني ودي راكبه في الحوار ده

يبقى معنى الجمله دي
المراره لما تجيلك .. هات جني ( نمبر وان ) .. عشان يطلع جبال الألب ويجيبلك قرنفلايه

خلصنا الامتحان بالصلا عالنبي

 

إضافة 2011-08-14
MaDa
11058
غير محدد
تعديل 2011-08-14
MaDa
11058

التعليقات

محمد عبد المنعم 2011-08-14
أعتقد ان اللي حاطط الأسئلة مسطول هو كمان لأن اللي ذكرهم لاهم جمل ولا شبه جمل حتى
MaDa 2011-08-14
هههههههههههههههههههههههه عندك حق يا بشمهندس :D:D
عبد المنعم 2011-08-15
واسمح لى يامادا اديك بوكس فمراخيرك!!
yara 2011-08-15
جدامدة يا مادا بس على فكرة الاعراب ا كلة صح انا مش فاهمة انت بتتريق لية ا تلاقية طلع الاول :-P
MaDa 2011-08-15
اتفضل يا عمو X_X
MaDa 2011-08-15
بالظبط كده يا يارا .. ده طلع الأول بمرتبة الشرف كمان :D:D
yara 2011-08-15
مرتبة من غير لحاف اسكت دا طالب مجتهاد اخر حاجة ههههههههههه
MaDa 2011-08-15
هههههههههههههههههههههه
zedony.com - A mmonem.com production. عن زيدوني - Privacy Policy