استر بعد ثلاثة ايام وست ساعات

3
حديث ماقدرش احكم انه صحيح ولو حتي في مفرداته وأول مايخلص تلاقي الوش العكر ولو مابعتش اليميل ده يبقى انت ابن ستين في سبعين وهاتسمع خبر زي الطين بعدثلاثة ايام و6 ساعات .....
أبعت واشارك في الدعاية الخفية عن طريق الميل واللي ممكن تنشر احاديث مختلقه والا ابعت جايز يكون ليا نصيب في حسنة بالنية الطيبة...??

 

إضافة 2010-11-19
Hatem
4635
غير محدد
تعديل 2011-05-31
hamada
9325

التعليقات

زغباوية 2011-05-30
هى المشكلة كمان لما حد يحلفك بالله انك تبعتها بتبقى بالنسبة لى مشكلة ومش بحب كدا خالص المفروض ان الناس تترك حرية الاختيار لان فعلا كتير الواحد مابيكونش عنده وقت يبعت حاجةاصلا
أم العيال 2011-05-31
ومش بس حكاية مافيش وقت ,,المشكلة انك تلاقي اللي الله يسامحو محلفك بالله انك تنشريها ومانتي اصلا معكيش رصيد

الإجابات

2
لا طبعا يا حاتم، دينك مش دين خزعبلات وترهات، دينك واضح وكامل والرسول عليه الصلاة والسلام قال:"ما تركت من خير إلا وأمرتكم به ولا من شر إلا ونهيتكم عنه"
وخلي بالك من حاجة: كل الإيميلات اللي بتقول لك ابعت لأكبر عدد من الناس إمسحها وانت مغمض لأنها في الغالب أسلوب خبيث من جهات ما لبناء شجرة معارفك وبالتالي استنباط البروفيل الخاص بيك( وبكل الناس التانية طبعا)
إضافة 2010-11-28
Diaa
951

التعليقات

زغباوية 2011-05-30
ده كلام صحيح جدا وخطير جدا
4
بالمناسبة فيه كتير من الاحاديث ده بتيقى موضوعه مالهاش اصل فى الدين
فلازم قبل نشر احاديث على المسلمين معرفه درجة صحة الحديث
مش معقول هتاخد اجر وانت بتنقل كذب افتراه ناس وقالوا انه من كلام النبى
وبعدين مفيش حاجة بتقول انك لو ما نشرتش الحديث هيحصلك ويحصلك
ده طبعا تخريف واضح
لازم نتعامل مع دينا بشيئ من العلم ونسيب بقه الخرافات وده مش هييجى الا لما نخصص وقت نتعلم فيه دينا زى ما بنخصص وقت لتعلم اللغات وباقى العلوم
إضافة 2010-12-03
3
أنا عن نفسى لما بيوصلنى رسالة زى دى على الموبايل أو الميل بامسحها ومن غير تفكير
ولا بقول بقى ممكن حاجة وحشة تحصلى ولا حاجة حلوة
انا أخدت المعلومة اللى فيها وخلاص
حبيت ابعتها هابعتها ولو ماحبيتش ابعتها مش هاكون خايفة ان حاجة تحصلى
إضافة 2010-12-05
tafatifi
5264
0
"قل لن يصيبنا إلا ماكتب الله لنا هو مولانا وعلى الله فليتوكل المؤمنين"
الآية دي لازم تكون اساس لحياتنا ومرجع لنا في كل امورنا
والمفروض ان احنا نشغل دماغنا لو حاجة متأكدين منها ماشي نبعتها والثواب والحسنات على الله يضاعفهاان شاء و كما يشاء بس تكون نيتنا ان الناس تتعظ وجايز تاخد بيها
اما اذا كنا مش متأكدين فماينفعش نبعت حاجة وقد تكون مش صحيحة والله اعلم بنية صاحبها
إضافة 2011-05-30
zedony.com - A mmonem.com production. عن زيدوني - Privacy Policy