الاعتـــــــــــراف اول الطريق للتغيـيــــــــــــــــــــــر

5
عايز تظبط نفسك؟؟
عايز تعدل من سلوكك؟؟
ياترى ايه هى الصفة او العادة السيئة اللى عايز تتخلص منها؟

الاجابـــــــــــة اختيارية:
بمعنى لو عايز تجاوب هنتشارك معاك فى حلها وتبقى الاجابة دى عبارة عن تنبيه ليك كل شوية لو انت نسيت ومحاولة جدية للتخلص من السلوك الخاطئ


انا عن نفسي اسواء صفة فيا اليومين دول وفعلا عايزة ابطلها
العصبية مع الولاد والصوت العالى مع انى عارفة كل الاضرار والمشاكل النفسية نتيجة هذا السلوك وعارفة كمان تأثيرها السلبى عليا انا شخصياً والندم بعد هذا السلوك السئ وعارفة برضوا كل السلوكيات الايجابية اللى بلاقيها نتيجة الهدوء والمعاملة الحسنة بس مش عارفة اتغير كما يجب

 

إضافة 2011-08-08
من تأليفي
تعديل 2013-04-16

التعليقات

MaDa 2011-08-09
جميل أوي أوي يا زغباوية .. انا كنت عايزها كلعبة وتبقى الأسئلة عامة في كرسي الاعتراف لكن الفكرة بتاعتك دي حلوة أوي :(
عبد المنعم 2011-08-09
واللى ما عندوش كرسى حضرتك ممكن يعترف وهو واقف ؟
زغباوية 2011-08-10
ممكن حضرتك وهو واقف او بياكل او بيعمل اى حاجة المهم يعترف
يامـــــادا اعملها وانا اغير اسم الموضوع ده مفيش مشكلة لانها فكرة ظريفة

الإجابات

4
كل إنسان في عيوب .. وأنا فيا عيب وحش أوي أوي وهو العصبية .. وخصوصا في الواقف اللي بحث فيها ان حد بيجني عليا أو بيظلمني أو بيفتري عليا وللأسف سعات كتير بضيع حقي بالعصبية دي :)

وكمان في عيب خطير أوي .. مش بحب أرفض لحد طلب أو أتأخر عن خدمة حد حتى لو هضر نفسي .. ساسعات كتير أوي كنت بضر نفسي بالموضوع ده .. يعني مثلا يبقى ورايا مسئوليات أو واجبات مهمة جدا بالنسبة ليا .. ممكن بكل بساطة أضيعها عشان خاطر أي حد تاني .. كتير كانوا بيقولولي ان ده غلط .. اكيد خدمة الغير حاجة كويسة .. بس برده مينفعش الواحد يضر نفسه .. ولسه برده مش عارف أغير النقطة دي .. مبعرفش أقول لحد لأ وسعات بعمل لنفسي مشاكل بكده

وأكيد في عيوب تانية كتير بس دول أكتر اتنين :)
إضافة 2011-08-09
MaDa
11058

التعليقات

زغباوية 2011-08-10
انا مش هاتكلم عن اول نقطة بس دى محتاجة ظبط للنفس بأى شكل وانا شخصيا بحاول اعمل كدا ومش بنجح

اما تانى نقطة لو بتعمل الحاجة دى للناس لله ربنا هايقضى لك حاجتك ومش هايضرك ابداً
MaDa 2011-08-10
وانا كمان مش بقدر أسيطر على نفسي .. كل اللي بقدر عليه اني بنسحب في هدوء واتوضا وأصلي ركعتين عشان اهدى وابعد الشيطان

وبالنسبة للموضوع التاني فربنا سبحانه وتعالى بيبقى عالم باللي في قلبي .. ويارب دايما أقدر أفيد وأساعد غيري دون أن أضر نفسي :(
loleta1 2011-08-14
+1 بالنسبة للعصبية كلنا بقينا كدة وبنبقى كدة بالذات عند الشعور بالظلم ده انا لما بأتظلم بأدعى من قلبى والحمدلله عمر ربنا ماردلى دعوة وانا مظلومة وبيردلى حقى اما انك خدوم انا كمان كدة والأعمال بالنيات بس برغم دة كله بأرتاح لما بأعمل كدة وبحس انى شخصية يعتمد عليها وسند للجميع وده سلاح ذو حدين المهم ان أحنا نوسطن استخدامة
MaDa 2011-08-15
انتي لمستي اللي جوايا بالظبط يا لوليتا .. :(
loleta1 2011-08-15
اصلى بأعانى من نفس الموضوع دة لأ وطبعا حب الناس دة أجمل حاجة فى الدنيا وبرضة سلاح ذو حدين
5
اولا انا ذوق زيادة عن اللزوم وبرضه مابقدرش أقول لحد لأ وخدومة لأبعد الحدود وفعلا اوقات بيكون ده على حساب وقتى وصحتى وأعصابى بس انا أتربيت كده
ثانيا انا متطرفة كتير مش عارفة أكون وسط يعنى هادية جدا جدا ولما بيطفح الكيل بتشوفى النقيض تماما صبورة جداجدا ولما بيأس بيبقى ماعنديش امل
ثالثا بأضحك فى أصعب المواقف وبأبقى لوح ثلج وبعالج الموقف بسرعة بس دة بيدى أنطباع للى قدامى أن مشاعرى فى ثلاجة
رابعا كثيرة الأخطاء بسبب انى عجولة ولأنى بأصر أجرب كل حاجة بنفسى ومابأقتنعش برأى الغير لازم أغلط وأتعلم وهكذا
خامسا شخصيتى جذابة وأجتماعية من الدرجة الأولى وده بيسببلى مشاكل كتييييييييييييير لاتحصى بس مش عارفة أكون غير كدة
يارب اتعالج من ده كله وربنا يتقبلنى بين عبادة الصالحين انا وانتم
إضافة 2011-08-14
loleta1
14181

التعليقات

MaDa 2011-08-15
والله انتي شخصية طيوبة جدا وتتحب .. ويارب دايما ربنا يبقى راضي عنك ويكرمك في حياتك :(
loleta1 2011-08-15
يخليك ليا يامادا يارافع معنوياتى بعد جلسة الأعتراف والصراحة دى وميرسى لذوقك
loleta1 2011-08-15
بس برضه مستنية الكرسى بتاعك:-D
MaDa 2011-08-15
انا الكرسي بتاعي فوقك على طول :D بس لو عايزاني اقعد تاني هقعد :-P
زغباوية 2011-08-15
جميل جميل
loleta1 2011-08-16
ياخلبوص أنا بأتكلم على كرسى الأعتراف اللى أنت عملهلنا مش عن أعترافاتك صحيح الكرسى ده جميل بس ده حسب الرغبة وأنت بتحدد هتعترف بأيه غير لما يجيلك سؤال عن حاجة معينة أو محددة أو مجال ومطلوب ترد بصراحة وصدق ده وضع تانى وأن كان على القعدة تانى كل ماتتزنق أقعد لو هترتاح أنا عن نفسى زبونة فى عيادة زيدونى للدكتورة قصدى العضوة زغباوية كل ما أتخنق أروح هناك
MaDa 2011-08-16
ااااااااااااه بس احنا قلنا هنلعبها بعد رمضان عشان يبقى التواجد كبير .. ومتقلقيش انا مش ههرب ولا حاجة :-P
zedony.com - A mmonem.com production. عن زيدوني - Privacy Policy