مأساة ست البيت .... الحقيقية

7
الحقيقية هنا عايده علي المأساه مش ست البيت ...كتوضيح لغة عربية

السؤال ده موجه الي كل ست بيت تفتكري ايه هي مأساتك الحقيقية ؟

وبشجاعة ادبية اجاوب واقول

لما بكون عملة طبخة حلوة ولسوء حظي او عوامل خارجية تتحرق ومش بس كده تنتهي تماما هي والحلة اللي اتعملت فيها وبكدا يكون الطبق الرئيسي باظ بس المأساه مش كدا وبس لأ لما يكون الزوج علي وصول ومش مستعده بالبديل ....:) :) :) :)

ياتري انتي ايه اهم عقبة بتعدي عليكي في يومك وتعتبريها مأساه

 

التعليقات

safaa 2011-07-31
جميل السؤال دة +1
loleta1 2011-07-31
+1 سؤال فى الجون
Noura 2011-08-01
ايون جيتي عالجرح:)
الباشمهندسة 2011-08-01
فين اجابتك يا لوليتا ... ايه ماعندكيش مأساي :p
عبد المنعم 2011-08-01
نتعلم نركز شوية ..
mora 2011-08-01
يادى الاحراج طبعا مش هجاوب لحسن تضحكوا عليا
mora 2011-08-01
+1
زغباوية 2011-08-01
ملعوبة ياباشمهندسة
عموما المأسي كتير هاخنار واحدة واقلكم عليها
loleta1 2011-08-01
لأ ياباشمهندسة عندى بس كنت بحاول أختصر المئاسى

الإجابات

6
انا مأساتي بقا لما ماما تخرج وتقول لبابتي اعملك الغدا يقولها لاء روحي انتي مشوارك وتخرج هي وتقولي خلصي يا نورا الشقة وبعدين اعملي الغدا يدوبك تخرج هي من هنا وبابتي يفتكر كل حاجة عايزة تتعمل الغدا وترويق الاوضة بتاعته و اعملي شاي وخلصي يانورا الغدا بسرعة ماشاء الله عليه عايز 10 تحت ايده وبردو ا مش هيعجبو زي انا كدا وبعد ما ترجع تتوقعوا ايه اللي ممكن يقولولهاانا عايز اتغدا وانتي اتأخرتي وهي مانتي طبعا ترد وتقوله مقولتش ليه لنورا يقولها عمالة تروق ومخلصتش من ساعة منزلتي :)
إضافة 2011-08-01
Noura
6608

التعليقات

الباشمهندسة 2011-08-01
انتي لسة شوفتي حاجة امال لما تتجوزي ان شاء الله هتعملي ايه :(
وبالمناسبة حلوة قوي الصورة دي .... لذيذة
Noura 2011-08-01
ربنا يخليكي شكرا دي انا تعبت لحد ما عملتها
mora 2011-08-01
+1
loleta1 2011-08-01
بجد أنتى سكر وفعلا روحى لبابا اللى مطلع عنيكى ده وبوسى أيده وروحى لماما اللى بتعمل ده كله وبوسى أيديها ورجلها لو قدرتى لأنك لما تتجوزى هتعرفى ان اللى كنتى فيه ده رحمة كانوا على الأقل بيقولوا شكرا لكن مع جوزك هتعملى كل ده وأكتر ومش هيتقال شكرا هيتقال واجب عليكى
صدقينى انا بعد الجواز أسعد لحظات بقضيها لما بأزور بابا وماما وماما تعاملنى فيها كبنت وتجرى تجيبلى اللبن ومش عايزانى أعمل حاجة ومش متخيلة أنى ممكن أعمل حاجة وكأنى لسة بنتها الصغيرة اللى مش مسئولة وتقولى مهما كبرتى انتى فعيونى كدة
فبتحسسنى انى مدللة أنما فى بيتى اناشغالة ليل نهار مع جوزى وبنتى وبيتقال ده واجب عليكى وانتى عملتى أيه يعنى ولوتعبتى تبقى مقصره ومتدلعه وألخ ألخ ولذلك كل مأروح عند بابتى ومامتى بأبوس ايدهم ورجليهم وبحاول أخدمهم برموش عينيا
4
عدى على أيديكى بقه بما أنى ست بيت قوى وفلحوسة فى كل حاجة كالعادة أقدملك خلاصة مئاسى شغل البيت:
1-التلميع:
طبعا بما أن مصر بلدنا بلد دخانى ترابى فأن كل بيت بيتكون عليه طبقة رقيقة من الغبار ولازم تلمعيها كل يوم أويوم من بعد يوم وطبعا تلميع التحف واللعب الرخاميةوالأسطح الزجاجية وبعد يوم شاق من التلميع يجى زوجك بكل بساطة ويفتح كل شبابيك البيت كلها عشان تهوى فتلاقى البيت أتردم غبار وكأنك ماعملتيش حاجة

2-الغسيل:
أبوخ حاجة لما تكونى نشرتى الغسيل وهو زى الفل وتيجى جارة لذيذة من جيرانك وتنشر فوقيه غسيل مبلول يبله أوتنفض شبابيكها ولاتقولك وتلاقى الغسيل بقى خرافةمن البهدلة

3-الشبابيك:
شبابيك بيتى ألوميتال وضخمة واخدة نص الحيطة لو فكرت أنظفها من جوة وبرة وهى فى مكانها ممكن أروح فيهاوأتزرع فى الأرض من رابع دور ولوطبعا فكتيها وشيلتيها ممكن تقع على حد ده غير وزنها البشع اللى بيقطم ظهرى ونظفتيها ولمعتيها وده بأعملة وركبتيها وبعد شوية لاقيتى أبن جارتك الصغنن الأمور رمى عصير ولا مية عكت الأزاز تانى بيبقى نفسى أبعتة مشوار لعزرائيل
4-القطط:
مخلوقات جميلة وزى العسل لكن مشكلتهم فى الحمام مابيحلاش عمل الحمام غير قصاد مدخل بيتى يعنى تبقى مخلية البيت بيبرق واللى جاى يزورك يتعطر بعطر القطط قبل مايدخل البيت وبالتالى لازم تنظفى المدخل كل شوية وترشى شطة ونشادر ومابيحوئش الكلام ده برضه فبيبقى نفسى أبعتها لنفس المشوار بتاع الولد اللى فات لولا أنه حرام

5- الستائر :
غسلهم وكويهم مصيبة لوحدة وده عشان انا حيبكية ومابحبش أشوفها فيها كسره

6- أنابيب البوتاجاز:
بأعمل طوارئ وهما داخلين البيت لأن بيبقى فيهم حشرات ولازم يترش القاعدة بتاعتهم قبل مادخلها البيت جوزى أوقات بيكسل فأفاجأ بزائر لطيف يفاجئنى ودى أكره حاجة عندى أنى ألاقى أى حشرة دخيله فى بيتى بيبقى يوما هبابا ولايمكن أحط رأسى على المخدة غيرلماأقضى عليه حتى لو نملة بس بأبقى هأتجنن
إضافة 2011-08-01
loleta1
14181

التعليقات

Noura 2011-08-01
ربنا معاكي
عبد المنعم 2011-08-02
ولو ما كناش اتجوزنا كان زمانا بنغنى ياليل ياعين .. وظل راجل ولا ظل حيطة !!!
loleta1 2011-08-02
بص ياعمو أنا شخصيا مؤمنة أن كل مرحلة عمرية وليها جمالها يعنى (الطفولةغير الشباب غير الجامعة والعزوبية غير الجواز غير الأمومةغير انك تصبحى جدة غير انك تبقى جد لأكثر من طفل) ودى دايرة وكل فترة ليها جمال وعيوب ويبقى هبل لو فضلت مرحلة عن مرحلة أو مسكت فى مرحلة وقلت يارينى ماكبرت أو ماأتجوزتش أو ماخلفتش أو أو أو
والأهم من ده أنى أن الست ماتبقاش ست غير بالراجل حتى لو ليه عيوب فهو ليه أكيد مميزات أكتر وكفاية انه بيديكى لقب بنت وأخت وزوجة وأم والأمومة دى موال لوحدها
الباشمهندسة 2011-08-02
علي فكرة ممكن افيديك في مأسأة القطط واقولك علي نصيحة ممكن تحطي في اركان السلم عندك زجاجات مياة بلاستيك شفاف وتمليها ميه وهي بدورها بتعمل علي اخافة القطط وبتبعديها عن الدور ده ... وطبعا الموضوع له نظرة علمية وهي ان المياه داخل الزجاجة المستديرة بتعمل زي العدسة المكبرة اول ماتقرب القطة منها بتشوف نفسها كائن ضخم وكبير طبعا بتخاف وتجري :p
الباشمهندسة 2011-08-02
وعلي فكرة حلوة الصورة بس صغيرة محتاجه تكبر شوية عشان التفاصيل تبان :(
loleta1 2011-08-04
مرسى يابش بش بس زجاجات المية ولاحوئت مع القطط خالص غير أن البواب بتاعنا بيشيلها كل مرة لما بيمسح العمارة والعفو على الصورة بس أنا طلعت روحى عشان أحطها فرضا قوى كده
2
من اهم المأسي اللي بتعدي علي اي ست بيت مرهقة وتعبانة وهلكانة انها تبقي لسه محمية العيال ومظبطاهم وهما يبهدلوا نفسهم بالعصير والاكل وتبقي مضطرة تقلع وتلبس تاني .... حاجة تقطم الظهر :(
إضافة 2011-09-06

التعليقات

safaa 2011-09-06
فعلا عندك حق ولا زمان مكانش فية بامبرز وكل شوية نغير اللفة والكافولة ...بس الحمد لله عدينا المراحل دى وجوزناهم كمان
عقبالك انتى كمان +ا
الباشمهندسة 2011-09-06
يارب .... في حياتيك ان شاء الله
4
مع اني مش ست بيت .. بس انا مأساتي هي اني بعد ما اقعد 3 ساعات في المطبخ وناكل كله يهرب واتدبس انا في المواعين :D
إضافة 2011-09-06
MaDa
11058

التعليقات

زغباوية 2011-09-06
اوحش حاجة المواعين
MaDa 2011-09-06
اي والله :)
زغباوية 2011-09-06
بس كويس علشان بعد كدا تساعد مراتك وتحس بيها
MaDa 2011-09-06
ههههههههههههههههههههه دي هي شكلها اللي هتساعدني :P
safaa 2011-09-06
+1
Noura 2011-09-07
ههههههههه الحمدلله مش انا لوحدي اللي مش بحب المواعين
بس مش خسارة في طيبة قلبك وحنيتك :P :D
MaDa 2011-09-07
هههههههههههههههههههههههههه ماشي ماشي يا نورا :D:P
zedony.com - A mmonem.com production. عن زيدوني - Privacy Policy