الحشكــــــبــوللـــي

4
فى يوم من الايام اللى مطلعتلوش شمس دخلت و احدة زى القمر مطعم شيك ومحترم وكان معاها شنطة صغيرة فيها علبة صغيرة , دخلت و قعدت .. و اقعدت تنادى على المتر

بس بس بس انت يا متر

الراجل المتر جه و هو راجل محترم ابن ناس كدة زيكوا بس الزمن جار عليه و اشتغل متر بعد ماعيلته فلست و باع عربيته و متجوزش البت شلبية اللى كان بيحبها المهم مش دة موضوعنا

قاللها : اؤمري يا هانم
قالتله : عايزة واحد سكلوب و واحد سلطة
قالها : بس كده
قالتله : لا و كمان عايزة 2 جوز حمام و 3 كيلو كباب و فرختين

الراجل عينيه و سعت و قال بس هنعمل شغل النهاردة

و قالها : بس كل ده كتير يا هانم انتى مستنية حد ؟
قالتله : لا الكباب و الحمام و الفراخ للحشكبوللى الصغير

الراجل بص للسقف وقال حشكبوللي ؟
المهم قالها تحت امرك

الراجل مشى وعمال يفكر مين الحشكبوللي الصغير ده انا مش شايف معاها حد جاب الطلبات و مشى و قعد مستنى يشوف مين الحشكبوللي الصغير ده الست قعدت تاكل فى الاسكلوب و السلطة و سابت الباقى لحد ما تخلص

الراجل قال اكيد لسه الحشكبوللى موصلش

المهم الست خلصت و طلعت العلبة الصغيرة و قعدت تدخل الاكل جوة العلبة .. والراجل قاعد يتفرج ودماغه هتشت , الست تدخل الاكل و الاكل بيخلص و تدخل الاكل و بردة عمال يخلص وهى تتدخل الاكل و عمال يخلص

المهم الاكل خلص

خدوا بالكوا 3 كيلو كباب و 2 جوز حمام و فرختين

فقالتلوا: بس بس بس انت يا متر

الراجل راحلها بعد ما عينيه احوّلت وقالها : تحت امرك يا هانم
قالتله : معلش اصل الحشكبوللي الصغير لسه ماشبعش ياريت تجبلى كمان 3 كيلو كباب و 2 جوز حمام و فرختين

المتر قالها : انا امرك تحت يا فندم .. و مشى وهو بيعرج و جاب الاكل و حصل نفس اللى حصل و الست تتدخل الاكل فى العلبة و الاكل يخلص

راحت ندهتة تانى و راح الراجل قالها : اكيد الحشكبوللى لسه مشبعش اصل انا عارفة طفس

قالتله : وانت تعرفوا منين دة محدش شافوا قبل كدة امشى يلاّ هاتلى 2 دستة جاتوة و فرووت سلات و 3 ام على علشان الحشكبوللى الصغير عايز يحلّي


الراجل مشى و هو بيدعى على نفسه و يلعن اليوم اللى اتولد فيه وقال عليّا الطلاق من البت شلبية اللى ماتجوزتهاش ما انتى ماشية قبل ماعرف العلبة دي فيها ايه

و جاب الحاجة والست طبعا قعدت تدخل الاكل العلبة لحد ما الاكل خلص و ندهت المتر و قالتله : الحمام فين عايزة اغسل ايدى

الراجل ورّاها الحمام و قال بس فرصة افتح العلبة واشوف فيها ايه

المهم مكدّبش خبر و اول ما الست راحت الحمام راح يفتح العلبة

بيفتح العلبة و بص فيها لقى




























































لقى حشكبوللي صغيّر ..
:-P :-P :-P
اوعوا حد يضرب :D

 

إضافة 2011-07-30
MaDa
11058
غير محدد
تعديل 2011-07-30
MaDa
11058

التعليقات

محمد عبد المنعم 2011-07-30
الحكاية دي دايما هذكرها بخير ... دي غيرت حياتي تماما ... مليانة عبر بصراحة
mora 2011-07-30
طب احنا ذنبنا ايه طب اعمل ايه فيك دلوقتى يعنى انت ولوليتا خبطتين ف الراس توجع ما شى مردودة ان شاء الله
mora 2011-07-30
ع العموم+1
safaa 2011-07-30
اكثر حاجة حلوة فيك انك بتعرف تضحك اللى يقرأ لك +1
الباشمهندسة 2011-07-30
انت مش هتبطل الا لما تدخل تلاقي المقال -1 هتحرم تجيب الحشكبوللي و اصحابة عند موقع زيدونى تاني :p :p :p :p
MaDa 2011-07-30
حاسس بيك يا بشمهندس :-P

معلش يا مورا بس لوليتا هي اللي بدأت وانا كنت بطلت الكلام ده من زمان ومبقتش اعمله في حد .. بس هي اللي بدأت والبادي أظلم :D:D

ميرسي يا خالتو :(

لالالالالالالا الطيب أحسن يا بشمهندسة وأوعدك مش آخر مرة :D
zedony.com - A mmonem.com production. عن زيدوني - Privacy Policy