السوس ؟

3
هو ليه الحاجات اللي بنخزنها زي الرز او الفول او الدقيق بتسوس لا وكمان فيه حاجات زي اللوز ولسان العصفور بتدود عايزة اعرف هل هي اصلا فيها يرقات ولا سوء تخزين والرطوبة وارتفاع درجات الحرارة وكل ده بيحصل في زمن بسيط جدا احيانا يعني شهرين تلاته اربعة بالكتير وطبعا الصلاحية لسه بدري عليها؟؟؟

ملحوظة
وياريت بقي طرق الوقاية من السوس والدود في حالات عدم وجود ديب فريزر وماحدش يقولي الحل شراء كميات بسيطة لان فعلا الكميات بتبقي بسيطة بس السحب كمان بيقي قليل او متقطع .

اكتشاف خاص
فيه حاجات ممكن تسوس ماتخطرش علي بالكو اخر حاجة بالصدفة البحتة هي النسكافية كنت جايبة برطمان نسكافية كبير ولما سبتة فترة من غير ما اخذ منه لقيت فيه يرقات صغيرة وطبعا اترمي كله ومن ساعتها بجيب برطمان كبير واخذ حبة حبة والباقي في الفريزر مابيجرلوش حاجة

 

إضافة 2011-07-20
غير محدد

التعليقات

زغباوية 2011-07-20
سؤال حلو اوى
واكتشاف احلى هاخد بالى بعد كدا من النسكافيه
loleta1 2011-07-21
ياسلام شوفى الأكتشاف الفظيع نفس اللى حصلك فى النسكافيه حصلى فى الشطه
الباشمهندسة 2011-07-21
الشطة ... مع انهم بيقولو ان الحاجات الحريفة زي الفلفل الاسود والشطة ماتربيش حشرات وحد قال في مقال انه بيرشهم عشان رائحتهم بطفش النمل ... الحشرات دي مش عاتقة حاجة الواحد يعمل ايه :(
زغباوية 2011-07-21
طيب النسكافيه ماشي سوس وعايز يعمل دماغ طب والشطة ايه بقى ؟ده المفروض يجري منها ههههههه
loleta1 2011-07-21
والله ده اللى حصل
loleta1 2011-07-21
يمكن عايز يبقى سوس سبايسى هههههههههههههه
زغباوية 2011-07-21
ههههههههه
زغباوية 2011-07-21
ده الجيل الجديد من السوس

الإجابات

5
اسمح لى توضيح شى بسيط جدا وهو ان السر يكمن فى طريقة التخزين حيث
اولا المكان المخزن فيه من الخشب و هو ماده عضوية وتكون فى ملاز لكل الكائنات المزعجة ومأوى ممتاز
ثانيا عند فتح اى معلبات او مكيسات معينة فإنها بذلك تعرض للهواء وحينها يجب استخدام الكمية بالكامل او حفظ ما تبقى منها فى مكان ذو درجة حرار منخفضة كالثلاجة مثلا مع التنبيه بإغلاقها جيدا ايضا
ثالثا نسبة الرطوبة بالجو تلعب دور اساسى فى تكاثر هذه الحشرات
كلما ذادت الرطوبة تزيد اعدادها والعكس
اتمنى ان تكون معلوماتى صحيحة وافادتكم
إضافة 2011-07-21

التعليقات

الباشمهندسة 2011-07-21
كنت متوقعة جزء منها بس المشكلة اني ماعنديش مكان في الثلاجة وماعنديش ديب فريزر ومضطرة احطها بره في الجو العادي فهل فيه طريقة زي مثلا اقلبها كل شويه او احطها في كيس من جوا كيس من جوا كيس ..... يعني حد يكون اكتشف حل وبنديلو فرص يشاركنا فيه
الباشمهندسة 2011-07-21
وطبعا اكيد مشكور علي الاجابة اللي بتقول ان فيه سابق خبرة بالموضوع +1
زغباوية 2011-07-21
+1 افادكم الله وشكرا لاول اجابة ليك في الموقع بس ممكن نعرف التخصص ايه؟
wael pauomi osman 2011-07-22
هو الحقيقة انا خريج تجارة انجلش وشغال مصمم جرافك
ورغم ان التخصص مختلف عن العمل مختلف عن الهواية
لكنى بحب المعلومات بإفراط والحمد لله انهارده وجدت منفذ جديد لصقل الموهبة
safaa 2011-07-22
معلش ..كنت ناسية +1
wael pauomi osman 2011-07-23
:(
زغباوية 2011-07-25
الحمد لله زدنا واحد بيحب المعرفة والمعلومات ياهلا بيك
wael pauomi osman 2011-07-26
هلا بالغالى والله
4

ممكن اضافة بسيطة لاجابة العضو الجديد وائل

هو استعمال اكياس من القماش لتخزين البقوليات والارز

اما الدقيق فيوضع فى علبة من الصاج ويضغط علية جيدا
إضافة 2011-07-22
safaa
50523

التعليقات

wael pauomi osman 2011-07-22
طبعا ممكن
افاده ممتازة ومكنتش اعرفها
زغباوية 2011-07-23
+1
zedony.com - A mmonem.com production. عن زيدوني - Privacy Policy