بديل الفول

5
معرفش انتو جربتوا تاكلوه قبل كده ولا لا بس ممكن اللي تعرفوا هي خالتو صفاء :( العدس أبو جبة المطبوخ .. بيبقى طعمه تحفة وعامل زي الفول وفيه قيمة غذائية عالية جدا وطريقته سهلة وبسيطة

الطريقة

1- بتسلقي العدس عادي جدا لحد ما يبقى نص سلقة كده

2- تعملي صلصة طماطم بحيث انها متكنش متسبكة أوي يعني برده تكون نص تسوية كده عشان متضرش المعدة ونستفاد بيها وتحتوي على فلفل أخضر وبصل وثوم مفرومين وتوابل زي ما تحبوا

3- بعدين نحط العدس في الصلصة لمدة 10-15 دقيقة على نار هادية

4- اغرفوا وكلوا بقى هههههههههههههههههههههه :D:D

ملحوظة : ممكن يتاكل بالعيش أو بالرز بس هو بالعيش ألذ وأحلى بكتير خصوصا العيش الشامي

وبالهنا والشفا

 

إضافة 2011-07-19
MaDa
11058
غير محدد

التعليقات

enas 2011-07-19
وكمان في طريقة ثانية ممكن تنقعي العدس ثم تصفية وتكوني شوحتي بصلاية في الزيت وتحطي عليها العدس وتقلبيه وتضيفى الملح والكمون والفلفل ثم تضيفي إليه الماء وسبيه لحد ما يستوى ويأكل بالملعقة أو بالعيش وبألف هنا
safaa 2011-07-19
اية الحلاوة دى ..دا انا هجربها النهاردة+1
زغباوية 2011-07-19
الله الله الله ايه الجمال ده وشكرا ايناس على الطريقة التانية انا مرة عملته بس كنوع من السلطة بعد النقع والسلق حطيت بصلة وليمون وتبلته بس بيبقى خفيف وجميل بس هاجربوا بطريقتيكم
الباشمهندسة 2011-07-19
@ enas طيب بعد نقع العدس مش القشرة هتفصل عنه ؟
enas 2011-07-26
لا مش هتنفصل بس لازم نقعه لأن أي بقوليات يجب نقعها قبل طهيها حتي لا تسبب أنتفاخ للبطن
safaa 2011-07-26
انتى شاطرة يانوسة..بارك الله فيكى
enas 2011-07-26
الله يكرمك ده بس من ذوقك
zedony.com - A mmonem.com production. عن زيدوني - Privacy Policy