مسابقة (( الأسرة المسلمة )) .. تمت بحمد الله .. ها هي بين يديكم

9
بإذن الله انا بحضر لمسابقة دينية كبيرة هتبقى في شهر رمضان المبارك .. اللهم بلغنا إياه .. واخترت اسم مسابقة الأسرة المسلمة عشان المسابقة تبقى للأسرة كلها .. وده هيخلق جو إيماني جميل اوي بين أفراد الأسرة لما الكل يبقى قاعد يقرا ويبحث .. إن شاء الله هتبقى مسابقة جميلة وكلنا هنستفاد منها .. انا قربت اخلصها وإن شاء الله بحلول شهر رمضان تطلع للنور ويتم إعلان النتيجة في ليلة القدر بإذن الله

للبشمهندس محمد :
هيبقى في اكيدتواصل بيني وبين حضرتك عشان نشوف طريقة سير المسابقة لأنها مش مجرد سؤال أو سؤالين .. هتبقى مسابقة كبيرة جدا .. وعايزين يبقى ليها جوايز ولوحة شرف للفائزين في الموقع وافكار تانية كتير أوي وطريقة التقييم وهكذا

لكل أعضاء الموقع
عايز اقتراحتكو لو عندكو اي فكرة تخص المسابقة ياريت تتفضلوا تقولوها

*

تمـــــــــــــــــت بفضل الله

مسابقة (( الأسرة المسلمة )) .. الأسئلة .. طريقة سير المسابقة .. الجوائــز


لكل من واجه صعوبة في تنزيل أسئلة مسابقة ((الأسرة المسلمة)) .. إليكم الأسئلة


ملحق بــ (( مسابقة الأسرة المسلمة )) .. كيف ترسل إجابتك .. شرح كامل بالصور

للتواصل معايا عشان لو في أي استفسار أو مشكلة

[email protected]
[email protected]
او من خلال الفيس بوك https://www.facebook.com/MaDa.FCIH

 

إضافة 2011-07-14
MaDa
11058
غير محدد
تعديل 2011-08-18
MaDa
11058

التعليقات

الباشمهندسة 2011-07-14
انا بشجع الفكرة الجميلة دي .... بس فيه مشكلة واحدة ان ممكن ستات الموقع مايبقاش عندها وقت تدخل علي الموقع في رمضان عشان مقضينها مطبخ علي طول :(
MaDa 2011-07-14
التشجيع مش كفاية .. المشاركة هي الأهم .. وممكن تشتغلوا في المطبخ بالنهر والمسابقة باليل بعد صلاة التراويح وبعدين المسابقة إن شاء الله شاملة كل حاجة .. قرآن كريم وحديث وكل حاجة ممكن تتخيليها .. يعني هتشغل كل المشتركين وتنشطهم جدا :(
زغباوية 2011-07-14
وان كمان من المشجعين لهذه الفكرة
وياباشمهندسة المطبخ مش طول النهار كدا في رمضان ده حتى المغرب بيدن متأخر ووقتنا بيكون منتظم اكتر
كل عام وانتم بخير.... ربنا يبلغنا رمضان
الاستاذة 2011-07-14
المهم في المسابقة اكتر من الاجابات كمية المعلومات اللي هانطلع بيها من المسابقة يعني حتى لو ماجوبناش هانستفيد
شكرا للفكرة +1
محمد عبد المنعم 2011-07-14
يا MaDa Fcih لازم يكون فيه تواصل طبعا مش بس عشان المسابقة
أنا تليفوني 0103535886
زغباوية 2011-07-14
ههههههههه ياريس هاتلاقى العالم كله بيتصل بيك دلوقتى
MaDa 2011-07-14
@زغباوية: منتظر مشاركتك إن شاء الله في المسابقة :(
@monem : أكيد يا بشمهندس والرقم خلاص saved ;)
زغباوية 2011-07-14
ان شاء الله يامادا
safaa 2011-07-20
بارك الله فيك يامحمد+1
الباشمهندسة 2011-07-20
افكار بسيطة

1- ايات من القران وكل واحد يقول هي مذكورة في سورة ايه بس من غير بحث علي النت لازم يكون البحث من المصحف وممكن في اول الشهر نخليها من اول 3 او 4 اجزاء اللي الناس دايما تبدأ بيهم في رمضان والاجابة مش لازم تكون في نفس اليوم وان شاء الله Monem يخلي الاجابات محجوبة عشان ماحدش يبص علي اجابة حد.

2- اسماء لشخصيات ذكرت في القران ويكون السؤال ايه هو سبب ذكرهم والقصة باختصار بداية من الانبياء وصولا الي الكافرين مثل السامري و قارون مثلا.

3- بعض ايات القران واسباب نزولها لان فيه بعض الايات ليها قصص جميلة قوي مش معروفة وبنعدي علي الايه كده في السريع عند القراءة دون توقف عندها

4- الفاكهة والخضار والحيوانات والمدن والالوان التي ذكرت في القران عدد مراتها والسور التي ذكرت فيها ومعلومات بسيطة عنها.

5- ممكن ندخل في المسابقة حاجات زي اسماء الله الحسني ومعانيها وعدد مرات ذكر كل اسم منها وممكن العشرة المبشرون بالجنة مثلا.

يعني شوية خواطر كده مش مرتبة بس يمكن تساعدك
زغباوية 2011-07-20
برافو ياباشمهندسة
MaDa 2011-07-20
ربنا يكرمك ويبارك فيكي يا خالتو :(
MaDa 2011-07-20
مش عارف اقولك ايه يا باشمهندسة .. بجد رائعة كل الأفكار دي .. وفيها حاجات مكنتش حاططها في بالي خالص خصوصا رقم 4 و 5 :(
عبد المنعم 2011-07-21
حضراتكم دا موقع عمومى ... يعنى بتعمل حاجة للاسرة المسلمة يعنى تعمل حاجة للاسرة المسيحية .. لا مؤاخذة احنا بنتكلم مصرى
MaDa 2011-07-21
طيب وأنا هعملها إزاي .. ممكن الأخوة المسيحين برده يعملوا نفس الفكرة مفيش أي مشكلة :(
عبد المنعم 2011-07-21
ادعوا اصحابكم المسيحيين يدخلوا هنا .. مش نفضل نرد على بعض فى مواقع مختلفة ..
MaDa 2011-07-21
حاضر :( بس المهم هتشترك معانا في المسابقة ولا لا .. وعلى فكرة .. الجوايز هتبقى على حضرتك :D:D
زغباوية 2011-07-21
دعوة حلوة ياعبد المنعم
بس الفكرة ان رمضان جاى وكل سنة ومصر والعالم العربى بخير
loleta1 2011-07-21
يامادا انا بقترح ان ندخل الخلفاء الراشدين والآئمة والشخصيات التاريخية الأسلاميه فى المسابقة لان كتير مننا مايعرفهمش
وكمان تفسير كلمات فى القرءان
وكمان العبادات زى أيه الفرض وايه السنة فى الصلاة والوضوء والغسل وغيره
safaa 2011-07-21
الجوايز هتبقى من عندى انا... يعنى من جيب العضو عبد المنعم
MaDa 2011-07-22
تمام يا زغباوية :(
MaDa 2011-07-22
أيون كده يا لوليتا .. كنتي فين .. جميلة أوي الاقتراحات دي خصوصا الأول وقالت عنها برده الباشمهندسة :(
MaDa 2011-07-22
والله انتي زي السكر يا خالتو صفاء هههههههههههههههههههه .. احنا عيزين بقى جوايز مادية وعينية ومعنوية من كل الأنواع :D:D
أوعى تضرب يا عمو عبد المنعم .. انت حبيبي والله :-P
عبد المنعم 2011-07-22
لا مؤاخذة بس .. بعد اذنكم .. اللى عاوز يفندر ، يفندر من ديبه !!!
MaDa 2011-07-22
هههههههههههههههههههههههههههههههه انا مقلتش حاجة .. خالتو هي اللي قالت .. انا بهدي النفوس على فكرة :D:D:D
safaa 2011-07-22
لا تقلق عليا ياحمادة ..هدى النفوس زى ما انت عايز..انا بعرف اتصرف فى المواقف اللى زى دى
MaDa 2011-07-22
وانا واثق في قدرة حضرتك يا خالتو :(
mora 2011-08-01
اولا فكرة حلوة جدا يا مادا بس فى رمضان الكمبيوتر مش اساسى يعنى هتكون فى اولويات
mora 2011-08-01
ثانيا انت بتهدى النفوس كتير قوى اليومين دول ع العموم يا طنط هو قصده خير هههههههههههههه
mora 2011-08-01
+1
MaDa 2011-08-01
فاهماني يا مورا :-P
وبالنسبة لرمضان وان الكمبيوتر مش من الأولويات زي ما قلتي .. بس المسابقة دي هتعمل نشاط ديني محصلش في البيت كله .. تخيلي لما الأسرة كلها قاعدة ماسكة المصحف أو كتاب عشان تدور على إجابة سرال .. تخيلي الجو الإيماني اللي هيبقى عامم المكان .. صدقيني هتبقى جميلة أوي وهتدخليها إن شاء الله بس ذاكري وشدي حيلك :(
mora 2011-08-01
ان شاء الله
الباشمهندسة 2011-08-02
منتظرين ... يا مسهل ... يا كريم ... :(
زغباوية 2011-08-02
منتظرين ومتشوقين نعرف الجوايز ايه:P
safaa 2011-08-02
الجوائز من عندى انا بس يالا شد حلكم
MaDa 2011-08-02
ان شاء الله هتنزل كراسة الشروط وكل حاجة عن المسابقة وموعد تسليم الإجابات وكل حاجة إن شاء الله قبل السحور :(
safaa 2011-08-02
براحتك يامادا ماتستعجلش علشان الحاجة تكون مظبوطة
الباشمهندسة 2011-08-05
كان لازم تحط الرابط مع التعيل ... ماتشيلش هم انا حطيته
مسابقة (( الأسرة المسلمة )) .. الأسئلة .. طريقة سير المسابقة .. الجوائــز
MaDa 2011-08-05
معلش فاتتني دي .. تسلمي يا بشمهندسة :(
MaDa 2011-08-05
ناقص بس البشمهندس يثبت المشاركة طول فترة إقامتها عشان تبقى دايما قدام الناس والا هضطر كل شوية اعمل تعديل عشان تبقى موجود دايما لحد معاد الانتهاء !!
محمد عبد المنعم 2011-08-05
هنزلهالك كرابط دائم تحت أخبار الموقع ... ايه رأيك؟
MaDa 2011-08-05
ياريت .. فكرة جميلة جدا
MaDa 2011-08-05
يلا كلو يشترك يا جماعة .. مستني تواصلكم معايا
زغباوية 2011-08-06
اول المشتركين زغباوية بس اكون فاضية علشان امخمخ الاول
MaDa 2011-08-06
أيوة كده يا زغباوية بقى :(
zedony.com - A mmonem.com production. عن زيدوني - Privacy Policy