فى حد بيكلم نفسه ؟

6
يا جماعة عايز اسأل عن الكلام مع النفس ؟ وهل بصوت عالى ليه تأثير على التركيز اكتر ؟ وهل اللى بيتكلم مع نفسه انسان مريض ام طبيعى ام عالم؟ هل فى مواضيع معينة او مواقف معينة بتخلى الواحد يكلم نفسه؟

 

إضافة 2011-06-27
shady
8277
غير محدد

التعليقات

محمد عبد المنعم 2011-06-27
صح كده ... نبتدي نسأل شوية ... أكيد كل واحد مننا عنده 1000 سؤال محيره
shady 2011-06-27
صح يا باشا انا نفسى الناس تجاوب بس ونتناقش مع بعض ومحدش يطنش او يتكسف
محمد عبد المنعم 2011-06-27
100 100
shady 2011-06-27
وانا هبتدى بنفسى وهتكلم بكل صراحة
زغباوية 2011-06-27
+1 حلو اوى السؤال ده من الاسئلة اللى كنت عايزة اعرف اجابتها وخصوصا بالنسبة لعلم النفس
loleta1 2011-08-23
+1 ياسلام

الإجابات

5
انا فعلا ساعات كتير بتكلم مع نفسى وهو بالنسبالى طريقة من التفكير , وفعلا لما بيتكلم بصوت عالى بيكون ليه أثر على التركيز معايا (بركز اكتر) ودى بتحصل لما يكون فى موضوع مهم جدا و عايز اعرف هقول اية بالظبط وبدرب على الكلام بالطريقة اللى عايز اعملها , وساعات قدام مراية بس طبعا فى الحالتين لما بكون لوحدى :( بس هل كل الناس كدة , او حتى معظم الناس كدة ,, المشكلة ان حتى اقرب الناس ليك ممكن ماتعرفش طريقة تفكيرهم اية , على العموم دة اللى بيحصل معايا بالظبط
إضافة 2011-06-27
shady
8277

التعليقات

زغباوية 2011-06-27
جميلة الصراحة دى
زغباوية 2011-06-27
واعرف ناس بيكلموا نفسهم كتير وخصوصا لو عندهم مشكلة
loleta1 2011-08-23
بصرة+1
5
انا مش بكلم نفسي بس لما اكون متغاظة من حد بزعقله بس مع نفسي مش في وشه طبعا عشان مانضمنش عواقب الامور هاتكون ايه;-P
إضافة 2011-06-27

التعليقات

shady 2011-06-28
تضحك دى :(
loleta1 2011-08-23
هههههههههههههههه+1 سكر
4
بصوا ياجماعة انا أجدع واحدة طول اليوم بأكلم نفسى عشان أركز وأفتكر كنت عايزة أعمل أيه لأن ذاكرتى القريبه ضعيفة جدا
وساعات فعلا بأكلم نفسى قصاد المرايا برضه عشان أدرس أنطباعات وشى اللى مش عايزاها تظهر لحد وأعود نفسى على الكلام بطريقه معينه لأنى فضيحة وعيونى فضيحتين بس حد يبصلى يعرف مخبيه أيه من غير ماأتكلم سواءزعلانه أو فرحانه ويصر يعرف وانا مابكدبش وأضطر أقول لكن لما ببقى عاملة جريمة ببقى لوح تلج بسبب الأدرينالين الزيادة بس وبعد كده بقول عملت كده أزاى يلا صدف
وكمان بكلم نفسى كتير لما بأكون متضايقه وبترجم كلامى فى الكتابه لو دماغى حسيت أنها هتنفجر من الحزن لأنها بتريحنى كتير وبكلم نفسى بحاسبها على حاجه غلط وساعات نفسى بتكلمنى وبتلومنى على الغلط وده أبشع أنواع الكلام مش بأعرف أنام منه

وشكلى بعد كل اللى قلته ده هتبلغوا عنى مستشفى الأمراض النفسيه
إضافة 2011-08-23
loleta1
14181

التعليقات

زغباوية 2011-08-23
ماتقلقيش المستشفى كلها معانا
shady 2011-08-24
دة كلام كويس نا تخافيش انتى احسن من ناس كتير :(
4
اللي افتكره اني بكلم نفسي لما بلومها (ويبقى ناقص اضربها) على حاجة عملتها او موقف حصل وما عرفتش اخد حقي فيه كالعادةوالجملة المشهورة اللي دايما بقولها لنفسي هو ............
انا اللي جبت ده كله لنفسي
إضافة 2011-08-25

التعليقات

زغباوية 2011-08-25
+1 خلى بالك من نفسك
Noura 2011-08-25
تؤ تؤ اوعي تتهوري احسن تتعوري :D
zedony.com - A mmonem.com production. عن زيدوني - Privacy Policy