• اتجوز واحده عقليه و مثقفه .. يقولها العلم عمره ما كان مهم للبنت.. اهم حاجه انها تكون ست بيت .. !!
• اتجوز واحده ست بيت .. يقولها خليكي انتي بس في الطبيخ بتاعك.. !!
• اشتغلتي .. يقولك مش مشكلتي انك بتشتغلي محدش طلب منك .. أنا اللي اعرفه اني جاي من بره تعبان وعايز كل حاجه تكون جاهزه
• قعدتيله في البيت .. هيجي من بره يقولك .. انا طول النهار طالع عيني .. وانتي قاعده هنا في التكييف .. هتحسي بيا ازاااااااي حضرتك ؟؟!!
• اهتميتي بيه وأخدتي بالك منه .. يقول دي خانقاني ومش عارف اخد راحتي منها .. !!
• سبتيه علي راحته .. يقول مبقتش بتهتم بيا وهاملاني وهو انا متجوز عشان محدش يعبرني ؟؟ !!
• اتدلعتي عليه واهتميتي بنفسك .. يعتبرك فاضيه ومش حاسه بالدنيا وبالعيشه ولا حاسه أنه طالع عينه طول النهار ..!!
• تقلتي وكبرتي دماغك .. يقولك ده أنا متجوز واحد صحبي ..!!
• يفضل كل أما يشوفك يقولك انتي مش ملاحظه انك تخنتي أوي
• وهو أصلا قميصه مبيتقفلش من الكرش اللي عنده
• لبستي لبس عادي في البيت .. يبص للستات اللي لابسين سواريهات في بيوتهم "في التي في طبعا " ويقولك شايفه الستات عامله ايه لأجوازها ..!!
• قلتي خلاص هرضيه ولبستيله سواريه .. يقولك ايه اللي انتي عاملاه ده .. هي بعزقة فلوس وخلاص ..؟؟!!
• يجي يحكي عن زميلته اللي متألقه أخر حاجه وبتلبس علي سنجة عشره ..!!
• تلبسي كده وتيجي خارجه .. يقولك لا معنديش ستات تخرج كده بره البيت ..!!
• يقولك .. هو انتي نفس الشكل كل يوم من ساعة ما اتجوزنا .. مبتحاوليش تغيري من نفسك أبداا ؟؟!!
• تروحي تصبغي شعرك وتغيري قصته .. ولا بياخد باله أصلا ..!!
• يحطك في مقارنه مع كل الممثلات والمطربات .. ويقولك شايفه الستات عامله ازاي ؟؟!!
• ويزعل أوي ويتحمق لو بالصدفه جبتي سيرة مهند ..!!
والله مش قصدي أحبطكم
بس غالبا ده اللي بيحصل واللي هيحصل
ويبقي أنت اكيد اكيد في مصر
+1:-(
مش ملاحظ ان الرجالة كلهم التزمو الصمت !!! دي اسمها خبرة. على فكرة انا واخد راحتي في الكلام عشان مراتي لسه مدخلتش علي ال site اوريب اوي هالتزم الصمت زيهم. ماتفهمش غلط...ده مش خوف ولا حاجة... ده اسمه ذكاء. سمعت الي بيقول "
قبل الزواج: لا ينام الرجل مفكرا في كلام قد قالته المرأة
بعد الزواج: ينام فورا وقبل أن تكمل المرأة حتى كلامها معه"?
@ البرت / هو انا صحيح لسة ماتجوزتش بس هاروح منه فين هايجى هايجى :( وكمان كلامك مظبوط الرجالة التزمو الصمت وعلى فكرة الكلام المكتوب دة حقيقى وفكاهى فى نفس الوقت وانا علشان كدة حطيتة وابن أدم طبعه طماع ومش بيملى عينه عير التراب والستات عليهم حاجات اية!! دة ممكن يصدرو نكد ودة حصريا فى ستات مصر :(
+1 يا شودا