الكيك

5
طريقة عمل الكيك

 

إضافة 2011-06-16
mero
115
غير محدد

التعليقات

زغباوية 2011-06-16
طيب ممكن تحددي عايزة كيكة ايه بالظبط؟؟؟
safaa 2011-06-17
+1
زغباوية 2011-06-17
+قلب احمر علشان شكل الموضوع ده هايكون مجمع لكل طرق الكيكة
mero 2011-06-17
قصدك ايه
زغباوية 2011-06-17
بصي ياستى عندك في اى موضوع تحت +1 و -1 قلب لو دوستى عليه هايبقى لونه احمر ومعناه انك اضفتي الموضوع ده لمفضلتك وكل ماتحبى ترجعيله هاترجعي لايقونة مفضلتى في الصفحة الرئيسية وضحت ولا لسة؟؟؟
زغباوية 2011-06-17
وكمان هاتلاقى تحت اى قلب رقم الرقم ده بيدل على عدد الاعضاء اللى حطو الموضوع في مفضلتهم
الباشمهندسة 2011-06-27
فينيك يا mero مختفية بقالك 10 ايام لعل المانع خير

الإجابات

2
انا كان ليا مشاركة لعمل الكيكة ممكن تدوسي على العنوان التالى علشان تشوفيها
طريقة عمل كيكة سهلة المقادير وتتعمل فى 5 دقايق وتقدرى تغيرى من نكهتها
إضافة 2011-06-16
1
ممكن الرابط دة هيجبلك كذا طريقة وجميلة لعمل الكيك


طريقة سهلة لعمل الكيكة الأسفنجية بتاعة التورتة؟
إضافة 2011-06-16
safaa
50523
5
أنا هارد عليكي علي طول
أول حاجة سخني الفرن قوي قوي .......وبعدين نسمي الصينية بمادة دهنية ورشة دقيق بحيث تبقي كل الصينية متغطية وماتشوفيش لونها الطبيعي
وبعد كده
تجيبي 4 بيضات وكيس فانيليا وكوب سائل لطيف علي زوقك(ممكن لبن ممكن عصير برتقال أو فراولة )
2كوب سكر
نص كوب زيت
كل اللي فات ده حطيه في الخلاط واضربيه كتير لحد أما يهيش ويعلا
بعد كده
في طبق بلاستيك للعجن حطي
3كوب دقيق
كيس بيكنج بودر ورشة ملح
(ممكن معلقتين كاكاو غامق لو عايزاها بالشيكولاتة)
قلبي المكونات الجافة دي مع بعض بالمعلقة وبعدين انزلي عليهم بالمكونات اللي في الخلاط حبة حبة مع التقليب في اتجاه واحد
ممكن بعد ماتحطيها في الصينية تحطي عليها زبيب أو فواكه مجففه زي التين واتغطي علي حبات الزبيب بالراحة لحد ما تتغطي بالخليط
قللي درجة حرارة الفرن لحد 180 درجة مئوية ودخلي الصينية 45 دقيقة
بس خلاص
وبالهنا والشفا
إضافة 2011-06-17

التعليقات

safaa 2011-06-17
+1
زغباوية 2011-06-17
+1
الباشمهندسة 2011-06-18
ايه العظمة دي يا ام العيال 100 100 بس ليه زيت بيخليها ناشفة ولونها غامق شويه السمن افضل في الكيك ولا ايه ؟
mero 2011-06-18
دا انا اللى هااستفيد من خبراتك وثقافتك والله يابشمهندسة
mero 2011-06-18
بس حفزونى بس الاول على الثانوية اهم حاجة
الباشمهندسة 2011-06-18
شد حيلك ولو عايزه نصائح او معلومات نقدر نساعدك تجيبيها منين ولو عندك اي استفسار ولو كان بسيط اكتبيه علي الموقع وان شاء الله تلاقي اللي يفيدك
mero 2011-06-18
ماشى شكرا
أم العيال 2011-06-20
جري ايه ياست ميرو بقي انا اتعب نفسي واكتبلك الطريقة وفي الخر تشكري الباشمهندسة الله يسامحك ,,,,,,أنا باعمل لربنا
6
دي كيكة الزبادي وبتبقي خفيفة وروعة
المكونات
2كوب زبادي
2كوب دقيق
1كوب سكر
اكيس فانيليا
1كيس بيكنج بودر
1ربع كوب زيت
3 بيضات
رشة ملح
الطريقة
حطي الزبادي والبيض والسكر والزيت والفانيليا في الخلاط واضربيهم كتيرلحد ما الخليط يهيش ويعلا
في طبق العجن حطي الدقيق والبيكنج بودر ورشة الملح
والباقي زي مكونات الكيكة السابقة مع مراعاة نفس درجة الحرارة
أول ماتطلع من الفرن تسقي بكوب من الشراب البارد(كوب ماء علي كوب سكر)
إضافة 2011-06-17

التعليقات

safaa 2011-06-17
شاطرة يادودو+1
زغباوية 2011-06-17
تسلمي يام العيال
الباشمهندسة 2011-06-18
علي فكرة الكيكة دي ليها اسم وهو .... رواني
زغباوية 2011-06-18
كويس زيدنا معلومة
أم العيال 2011-06-20
وليها كمان اسم الباباز
الباشمهندسة 2011-06-21
لا الباباز بيبقي مقلي في الزيت زي فكرة الدونتس
beroo 2011-06-22
ايه الحلويات دي 10/10
zedony.com - A mmonem.com production. عن زيدوني - Privacy Policy