الصحوبية

3
*يعنى اية صحوبية

يعنى ايه كلمة صحوبية ؟؟؟؟؟؟

يعنى شابة تروح ضحية...شاب طايش مش بيحمل مسؤلية

يعنى أيه كلمة صحوبية؟؟

يعنى دنيا رومانسية... يعنى لمسة مش شرعية

يعنى أيه كلمة صحوبية؟


يعنى وردة من حبيبى... بس شوكها كله أزية

يعنى أيه كل أيه كلمة صحوبية؟؟

يعنى آه كان جنبى إمبارح... بس بكرا هيغدر بية

يعنى أيه كلمة صحوبية؟؟

يعنى فترة وبيقضيها ... ولو جوازمش هبقى هى

يعنى أيه كلمة صحوبية ؟؟

يعنى اضيع عمرى ونفسى...وملقاش حد بيبكى عليه

يعنى أيه كلمة صحوبية؟؟

يعنى أعيش اللحظة الجاية...وأبيع كده جنتى بأديه

يعنى أيه كلمة صحوبية؟؟

يعنى ربى هيغضب منى...يعنى أهلى هانوا عليه

هى دى بقا معنى الصحوبية


يلا فوقى لنفسك...قبل ما تقعى بكره ضحية
ولو غلطي مرة عادي .. كلنا بنغلط عشان نتعلم و نصلح جوانا النية
ادعي ربنا يرضى عنك .. ويهون عليكي ايامك الجاية
لحد ما يجي فارس حلمك .. وتعيشي في بيته متهنية
هي دي اخلاقي .. هو ده ديني
مخليني جوهرة غاليه و بيكرم فيا
عمر ما كان ديني بيخنقني .. ولا كان قصده يظلم فيا
ربي اختار لي تاج العفة و الشرف .. و ده من حبه و كرمه عليا
عايزة اقوم و اقول للعالم .. لأة من قلبي اللي هان في يوم عليا

رامى جمال

 

إضافة 2011-06-09
loleta1
14181
غير محدد
تعديل 2011-06-09
loleta1
14181

التعليقات

shady 2011-06-09
بقولك اية سيبك من الكلام دة واسمعى الاغنية دى :P

loleta1 2011-06-09
بحبها كتير ياشادى ياريت تعملها فى بند الموسيقى لأنها أغنية تستاهل
shady 2011-06-09
اعمليها انتى وانا ادعمك
shady 2011-06-09
ميرسى , حاضى هحطها
محمد عبد المنعم 2011-06-09
كلام موزون مفيد وهادف وفيه فن ... يا ترى ده كلامك؟
محمد عبد المنعم 2011-06-09
طيب واجب نذكر هو مين وبرضه تقولي انك عدلتي
loleta1 2011-06-09
تكسب جبتها من مصدرها وعرفت مؤلفها ونقلتها صح وشيلت التعديل وكدة تمام
محمد عبد المنعم 2011-06-09
100 100
zedony.com - A mmonem.com production. عن زيدوني - Privacy Policy