ما علاج العصبية عند الأزواج؟

6
العصبية لها أسباب عديدة، والسيدة التى تريد معرفة كيفية التعامل مع زوجها العصبى، عليها أولاً معرفة سبب عصبيته، هل السبب وجود مشكلة اقتصادية أم هو متضرر من سلوكياتها أم من جو المنزل أم من الأبناء وتصرفاتهم، فهى يجب وأن تجلس مع زوجها للتعرف على الأسباب التى قد تؤدى لعصبيته وتجلس معه أيضاً لعمل خطة للسيطرة بها على هذه العصبية، ولكن لا توجد نصيحة ما نستطيع نصحها للمريض للإقلاع عن عصبيته، ولكن الشىء الوحيد هو الجلوس معه والتعرف على أسباب هذه العصبية، والتعرف كيف يمكن التعامل مع عصبيته، لذلك لابد من البحث على أسباب السلوك، فلا يمكن معالجة الشىء دون معرفة أسبابه أى حتى يمكن علاج الحالة، لابد من تشخيصها أولا على سبيل المثال تشخيص حالة العصبية، ثم نبدأ بعلاجها بعد ذلك، وهذا يطبق مع كل الشخصيات العصبية التى نتعامل معها، سواء خطيب أو زوج أو ابن أو حتى والد أو والدة، فلابد من تحديد أسباب العصبية ثم التعرف على كيفية التعامل معها.

 

إضافة 2011-06-07
shady
8277
غير محدد

التعليقات

Hatem 2011-06-07
تغير المكان بمعني السفر له فعل السحر علي بشكل خاص
shady 2011-06-07
كويس انك عارف علاج لعصبيتك , حاجة جميلة فعلا
loleta1 2011-06-07
جميل بس ياريت يكون الشخص العصبى قابل للحوار أصلا لأن بعض الاشخاص حتى بعد هدوءهم مش عايزين يفهموا العصبية جاية منين والحوار معدوم
hamada 2011-06-07
الموضوع فعلا جميل والعبرة هى معرفة الاسباب حتى يمكن الحد منها لتفادى العصبية ويسود الهدوء والود بين اعضاء الاسرة ...
+1
زغباوية 2011-06-08
+1 الموضوع جميل فعلا بس ملاحظة انه بيتكلم على الازواج فقط طيب ليه مش بنعمم ونتكلم ايضا على الزوجات ودول بيكونوا اكتر من الازواج علشان جلوسهم طول النهار مع الاولاد وشايلين كل حاجة فوق دماغهم والاب فين وفين على بال مابيسأل
loleta1 2011-06-08
يازوزو عصبية الستات مقدور عليها لوجوزها سألها مالك مع كلمتين حنينين فى لحظة صفا تبقى الست زى الفل لأنها عندها قابلية لتحمل الضغط
لكن الرجل عصبيته غالبا بتبقى من مشاكل خارج البيت(شغل-أصحاب -مصاريف)وأحيانا بتبقى من البيت أنه بيدخل يلاقى هم فوق همه مش بيلاقى ست تمتص همه ولذلك الكلام موجه للستات بس فى ستات بتعمل كل ده والرجل أصلا مابيحبش يشاركها مشاكله معتقد أن دى رجولة وفى رجالة مابتحبش تحلل حياتها عايزة تعدى وخلاص
زغباوية 2011-06-08
ماشي يالوليتا نعديها بس هو الحل فعلا وجود تفاهم وحوار مُدي بين الاطراف او بين الاسرة
loleta1 2011-06-08
معلش يازوزو أصل علم الفلسفة والنفس ساعات بينقحوا عليا
زغباوية 2011-06-08
لا طبعا كلامك صحيح بس يظهر الولاد كانوا مجنني ساعتها
shady 2011-06-08
مش بس كدة على فكرة لكن الرجالة دايما مطحونين فى دوامة الحياه ومش بس كدة ودايما بيفكرو فى المستقبل وشايلين الهم , لكن الستات بقى الحنان كله والدلع كله والجزء المنور فى حياة الواحد
loleta1 2011-06-08
سيدى ياسيدى أكيد لسه ماأتجوزتش ياشادى ههههههههههههههه
shady 2011-06-08
ههههههههههههه مخدوع انا مش كدة
loleta1 2011-06-08
وأى خدعة واااااااااااااو بس بص أحلى حاجة فى الجواز أنك ماتعملش فيه فصيح لأنك مهما أعتقدت أن أختيارك مثالى بتكتشف حاجات كتيرة بعد الجواز ولذلك تتوكل على الله وتتزج وأنت ونصيبك
shady 2011-06-08
هو مش بس الاختيار يكون مثالى ,, شوفى يا لوليتا انا ليا طقوس خاصة كدة وهحاول انفذها , انا عارف ان الحياة مش وردى خالص بس انا لما بكون عايز احقق حاجة الحمد لله ربنا مش بيخذلنى وبعملها والايام جاية ,, واللى هيعكر الايام مشاكل الحياه نفسها اللى مش بتخلص وربنا يستر و مش عايزين أر والنبى
زغباوية 2011-06-08
بص ياشادي اللى بيخلي فيه تفاهم في الزواج... فترة الخطوبة دى تتفقوا على كل صغيرة وكبيرة في حياتكم مش نقضيها كلام معسول وخلاص ...الاتفاق على الاهداف المشتركة ولازم يكون ليكم مرجع ترجعوله في حالة الاختلافات وهو الدين ده بيخلي الاختلافات بسيطة وبتعدي
وكمان الحوار الهادئ وكل واحد يحط نفسه مكان التاني
shady 2011-06-08
كلامك 100-100 يا زغباوية مع اضافة مراعاة ان الرجل رجل والنثى انثى
زغباوية 2011-06-08
طبعا وكل واحد له اولوياته وطبعا وجود التكامل بين الراجل والست
loleta1 2011-06-08
هههههههههههه بالعكس ياشادى انا لما بقول كلام زى اللى قالتهولى ماما قبل الجواز للى ناويين على الجواز انا بعقلهم وبحميهم لأن والله انا ليا بنات أصحابى منهم اللى أتطلقت بسبب أنهم فاكرين أن الحياة ورد ولوز وان حبيبها لايتغير نهائى بعد الجواز وليا برضة أصحاب قدروا يتعاملوا بذكاءويتقبلوا تغيير أزواجهم نتيجة للى أتقال لهم ويظبطوا نفسهم عليه ويصبرواويخلوا الحياة بينهم أكثر دلع وحب لدرجة أن الزوج بيعتبر زوجته حبيبته وأمه وأختة وصديقه ويجرى على البيت جرى شوقا ليها لأنها نور حياته زى ماقلت ياشادى
shady 2011-06-08
هو دة انا عايز الكلام دة
loleta1 2011-06-08
يازوزو وياشادى حتى مع كل اللى بيتقال وفترات الخطوبة وكل دة برضة بعد الزواج حاجات كتير بتبان لأن خلاص كل القيود والحواجز بينهم بتروح المهم يبقى الواحد عنده أستعداد ليها ويتقبلها ويتعامل معاها
loleta1 2011-06-08
هتلاقى الكلام ده أكيد وخصوصا لوكنت حنون على زوجة المستقبل لأن كل الستات ممكن تهد جبال لو حست بحنان زوجها وتقديره لفتفوته من مجهودها مش هقول كل مجهودها
زغباوية 2011-06-08
100 100 يالوليتا
shady 2011-06-08
اما نشوف بقى
zedony.com - A mmonem.com production. عن زيدوني - Privacy Policy