كيف اثبت وزنى بعد الريجيم

3
تنزيل الوزن او عمل الريجيم بالرغم من صعوبته الا ان تثبيت الوزن بعده اصعب بكتير لان لو وصلتى للوزن المطلوب وبداتى ترجعى لنظامك القديم قبل الريجيماو حتى زدتى بسيط فى اكلتك بتزيدى زيادة سريعة والمشكلة عندى فى 4 او 5 كيلو كل ماانزلهم ارجع ازيدهم تانى وبسرعة اعمل ايه وازاى احافظ على وزنى اللى وصلتله بعد الريجيم

 

إضافة 2010-12-08
غير محدد

الإجابات

1
يا اخوانا عاوزين نتعلم ازاى -لامؤاخذة- نفهم صح .. أولا كلمة رجيم دى هل هى كلمة عربية ؟ طبعا لأ.. طب معناها ايه ؟ معناها نظام .
ودى احدى المدخلات الأمريكانى .. انا عاوز افهم ازاى الواحد يأكل زى ما نفسه بتسوقه ولما يتخن يقول اعمل رجيم .. رجيم يعنى نظام اى تنظيم يعنى ظبط النظام الغذائى اليومى للفرد على اساس ان الفرد دا عارف مصلحته وعارف انواع الفذاء الصحى والغذاء الذى يفسد الصحة .

احنا اصلا نظامنا الغذائى اللى اتربينا عليه مبنى اساسا على المحاشى وكل انواع النشويات وبنغفل تماما الخضروات الطازجة والبروتين .. حتى الفاكهة تعودنا على تقديمها بعد الأكل وهذا خطأ فاحش صحيا ..كما اننا نهمل اهمية شرب الماء على الريق او شربه فقط بين الوجبات بل اننا نشربه اثناء تناول الطعام .

فلو اتعودنا على نظام شرب الماء.. وعلى جعل كمية الخضروات الطازجة اكبر من كمية الرز والمكرونة والعيش . ونأكل الفاكهة قبل تناول الوجبة بساعة ثم التعودعلى عدم شرب الماء المثلج او المياه الغازية او العصائر اثناء تناولنا الطعام .. ولو اصبح هذا التزاما يوميا لتغيرت الى الأفضل حالاتنا الصحية والنفسية والمزاجية ولأحدثنا تأثيرا ايجابيا على ساعتنا البيولوجية اللى كادت تركن على الرصيف ..
إضافة 2010-12-20

التعليقات

زغباوية 2010-12-20
كلامك صح عن تنظيم الاكل وكطريقة حياة بس مع احترامى لكلام حضرتك بس هناك كثير من الحالات التى تحتاج لتنزيل الوزن سريعا وبدرجة كبيرة وعشان بعد الوزن مابينزل جامد هنام نظام اكل علشان الوزن مايزيدش تانى وده اللى كنت بسأل عليه
عبد المنعم 2011-01-02
ايه بقى هى الحالة اللى تحتم انزال سريع للوزن دى؟ دا من اخطر ما يمكن ان نقوم بانقاص الوزن بسرعة . مش الاحسن نتعود على الأسلوب الغذائى السليم بدلا من التحير بعد كده !!
عبد المنعم 2011-01-02
وعلى فكرة ده احد اسباب ارباك الساعة البيولوجية للجسم
2
بصى يا اختى انا كنت وزنى 86 كيلو وعملت نظام غذائى ونزلت ل64كيلو طبعا فى مدة 5شهور بس المهم انك تنزلى وزنك بنظام الهرم الغذائى ويكون اكلك صحى وشويه شويه بتتعودى على كمية الاكل وطبعا منغفلش فضل التمارين الرياضيه وهو ده اللى بيثبت الوزن
إضافة 2011-01-02
TOOTOOMEX
6258

التعليقات

safaa 2011-01-03
وبما انك وصلتى للوزن المثالى ده ياريت نعرف نظام الهرم الغزائى ايه؟ مع الشكر..........
زغباوية 2011-01-03
شكـــــــــرا بحاول فعلا على تنظيم الاكل بس ياريت تقوليلنا فعلا ايه هو نظام الهرم الغذائى
3
نظام الهرم الغذائى انك تدخلى فى اكلك جميع العناصر الغذائيه يكون فيه بروتين ونشويات وفيتامين هقولك على نظام ليوم وانتى قيسى عليه باقى الايام
الفطار:كوب شاى اونسكافيه بلبن خالى الدسم +قطعة جبن اوبيضه او 5ملاعق فول +رغيف سن او2توست سن اوربع رغيف بلدى
الغذاء:طبق سلاطه كبير+وشوية خضار +وربع فرخه او قطعة لحم او سمك +رغيف سن او5ملاعق ارز اومكرونه حسن الرغبه
العشاء:كوب زبادى خالى الدسم+2ثمرة فاكهه
ولابد من شرب الماء وممارسة الرياضهوالاكل ومحاولة الاكل فى نفس المواعيد كل يوم
إضافة 2011-01-04
TOOTOOMEX
6258

التعليقات

safaa 2011-01-04
جميل جدا ..هحاول اعمله
وكده تاخذى +1
زغباوية 2011-01-04
شكــــــــرا
zedony.com - A mmonem.com production. عن زيدوني - Privacy Policy