أنا عاملة زى النحلة يازوزو عندى قدرة غير طبيعية أنى أعمل كذا حاجة فى نفس الوقت ودى من نعم ربنا عليا والحمدلله بس حقيقى بأعانى من الموضوع ده لأنى حاليا مش بشتغل وعندى فراغ غير طبيعىلأنى أتعودت على أنى أشتغل وأتواصل وأكون عنصر فعال دايما يمكن الحاجة الوحيدة اللى قدرت تنسينى الفراغ دة موقع زيدونى لأنى حسيت أنى بعمل حاجة وبقدم معلومة وبفيد وأستفيد ياترى هل ده عيب ولا أيه؟
التعليقات
أنا عاوزة برنامج لتعليم اللغة الانجليزية بالمنزل للاحفاد
التعليقات
يازوزو دى تانى عقدة عندى أنا مابحبش الأنتقاد نهائى عشان كده باجى على صحتى ووقتى يعنى
لازم كل حاجة عندى تبقى مثاليه قدر الأمكان عشان ماسمعش كلمة من حد أو مأسمحش لحد من أصله أنه يعلق عليا
يعنى بيتى وكل متطلباته فله وانابكل مافيا طول الوقت فله وأخلاقى فله وبنتى ونظافتهاوسلوكها فله وزوجى وطلباته كاملة فله وموجودة وحاضرة ومضيافة ولذيذة ومتجدده ومحافظه على كل ده طول الوقت وفى كل مكان عشان ماسمعش كلمة من كلمات الأنتقاد(مهملة-كسلانة-نكدية-منغلقةعلى نفسها-ماربتش-دماغها قفل-مش مراعية جوزها ألخ ألخ ألخ)وطبعابرغم ده كله لازم أسمع تعليقات مثلا هى مالها واخده بالها من نفسها كده ليه لأن الناس مابيعجبهاش أى حاجةبس انا مش قادرة ألغى التفكير ده من دماغى وحتى فى أكثر لحظات تعبى بدارى كل ده وأبقى مازنجر والأبتسامة على شفايفى وسع180 درجة
التعليقات
مشكلة تأخر الانجاب:لحل هذه المشكلة وعن تجربـــــــــة:
مع الأخذ بالاسباب واستشارة الدكاترة الموثوق فيهم توجد عدة نقط في غاية الاهمية وعن تجربــــــــــــــــة:
1- اليقين فى الله: بان كل اللى يجيبه خير حتى ولو لم يرزقك الله بابناء عملا بالحديث "عجبا لامر المؤمن امره كله خير ان اصابته ضراء فصبر فهو خيرله وان اصابته سراء فشكر فهو خير له.
2-الاستغفــــــــــار:استغفرى الله بان تعملى لك انت وزوجك ورد كل يوم استغفار مثلا 100 او500 او حتى 1000 (الامر سهل مش صعب لو وزعتيهاعلى مدار اليوم مثلا بعد كل صلاة وفى الليل حسب ظروف كل واحدة)فى الاول هيبقى صعب ولكن مع التعود ربنا بيسهلهاعملا بقوله تعالى فى سورة نوح"فقلت استغفرواربكم انه كان غفارا يرسل السماء عليكم مدرارا ويمددكم باموال وبنين ويجعل لكم جنات ويجعل لكم انهارا".
3-المسارعة فى الخير: تذكرى انك خليفة الله فى ارضه وان لم يرزقك الان ففكرى ان تشغلى نفسك بعمل الخير ومساعدة الناس والمسلمين وان لم تقدرى ابدائى بمساعدة نفسك واخلصى النية لله وابدائى بتعلم القران وتجويده ربنا هيسهلك وتجدى صحبة جيدة تجتمعوا مع بعض وتعينوا بعض وياسلام لو ان تشاركي وتعيني زوجك على فعل الخير(وتذكري آيات القران الكريم عن المسارعون في الخيرات.
4- استشعرى كرم الله عليك فى كل نعمة اعطاها لك وانه رزقك بنعم لاتحصى ولاتعد وتأملى فى الكون وما حولك وتأملى وتفكرى فى ايات القران ومعانيه(هيساعدك على الهدوء الداخلى والطمانينة) واحمدى الله فى كل لحظة واخرجى صدقات بنية ان الله يرزقك وقومى الليل وادعى لك ولكل من ترغب فى الانجاب واجعلى كل من حولك يدعو لك باختصار تقربى الى الله وادعى ولاتنتظرى سرعةالاجابة
5-الرضا التام والاستسلام بقضاء الله: ومش علشان انتى مضطرة لا لازم يكون رضا داخلي لان لكي رب رحيم كريم قريب مجيب ودوود رزاق علام الغيوب
اخيرا عفوا للتطويل بس انا كنت فى مشكلة واحس بمن لديها نفس المشكلة ادعوا الله ان يرزق كل من تريد الذريـــــــــــــــةالصالحة اميـــــــــــــــــن
التعليقات
خدى عندك عقدة جديدة:الأرتباك فى تقديم العصير للضيوف لازم أحميهم بالعصير أو الشاى وببقى طول ماأنا شايلة الصينية بدعى أنها ماتلبسش فى حد
أما العقدة الأبشع والمشكلةالعويصة:أن لما بيحصل كدة بأنفجر فى الضحك لدرجة أن اللى قصادى بيزعل
وده مش فى الموقف ده ده فى أى موقف صعب فى حياتى قبل كدة صاحبتى الأنتيم وقعت فى وسط العربيات وقعة كوميدى خالص بقيت بأقومها وهالكانة من الضحك فزعلت
وبرضة كنا انا وجوزى بنصلح حاجة فى الكهرباء وأنفجرت فى وشنا وأنفجرت فى الضحك وطبعا هو أتنرفز
وحتى لما بنتى بتتخبط أوتقع بأسعفها بس بابقى ميتة من الضحك وأيام أنتحانات الكلية وكل مايبقى الأمتحان مكلكع وهبابا كل مأنشكح وأضحك لدرجة أن كل اللى يشوفنى يقول مافيش فقرة ماتحلتش وانا مافيش فقرة ألا ووقعت
بس والله ده بيبقى غصب عنى ومش عارفة أعمل أية
التعليقات
بصي ياستي بس الاول الموضوع محتاج جهد وصبر وحلم وبهدوء ماينفعش النرفزة والعصبية خالص واول ما يعمل في البوتى اعمليله فرح :-) واعملي نفسك انك بتقولي لكل الناس اللى حواليكم وخصوصا اللى بيحبهم زي باباه و جدته وجده واخوه كدا هايحس انه عمل حاجة حلوة جدا وانجز انجاز عظيم
وكمان تكافئيه بحاجة بيحبها حاجة بيحب ياكلها لعبة صغيرة كدا
اما اذا حدث العكس :-( فحذار حذار الضرب بصة واحدة غاضبة منك كافية تبينله انك زعلانة منه وانك هاتحرميه من المكافاءات وهاتقولي للناس كلها علشان يزعلوا منه بس كدا وكدا تهديد يعني
وربنا معاكي ويعديلك الفترة دي على خير
وبعدين خليه يغير من صحابه وقرايبه او أخواته اللى فسنه وقوليله شايف شاطرين وبيعملوا بوتى أزاى والله دى نفعت مع بنتى يارب تنفع مع أبنك
وبعدين كمان الولاد بيتأخروا شوية عن البنات وبيكونوا اصعب في عملية التحكم عن البنات
ثانيا التهديدات والضرب مش هايجيب نتيجة وهاتلاقيه اخترع طريقة جديدة لوحده غير اللي تعرفيه او سمعتي عنه
ثالثا هاضيف لك طريقة ابني عملها يمكن تنفع معاه وهي انه نا استعملش البوتي خالص واستعمل (عذرا) التوليت على طول وهو لما يشوف اخوه مع المديح شوية لاخوة وتعالى بقى اعمل زيه مع شوية مديح ليه حتى لو ماعملش حاجة برده امدحيه و هايحبها كالعبة لغاية ما يتعود عليها وماتخافيش من التوليت وكتير من الصبر في الموضوع ده وربنا يعينك
والله المستعان علي رأي القوات المسلحة :p
وانتي بتشجعيه وقوليله لما اخوك يخرج هاتدخل انت بقى يا بطل وشوفي رد الفعل وعلى اساسه كملي