حاليا وكمان مستقبلا مش هيبقى عندنا غير لونين أو يمكن بالكثير ثلاثة للكتابة عشان أسباب كثير أهمها عدم الفوضى اللونية للناس اللي بتنسخ المواضيع من منتديات وبتبقى عاملة زي فرح العمدة.
اللونين دلوقتي هما الأخضر للعناوين عن طريق علامة ^ حول العنوان المطلوب واللون البرتقالي للكلمات المطلوب إبرازها وتمييزها عن طريق وضع علامة * حول المطلوب تمييزه
الألوان دي كانت اختياري ومستقاه من الثيم العام للموقع
لكن لو أي حد عنده اقتراح لألوان أفضل مفيش مشكلة أبدا
وعموما لما هنغير الألوان هتسمع في القديم والجديد على حد سواء أوتوماتيكيا بدون مشاكل ان شاء الله
loleta1
2011-05-26
+1بالعكس ياريس اللى عملته ده عين العقل توحيد الالوان فعلا أفضل وأجمل وأقيم وخصوصا ان اللونين دول من ألوان (اللجو زيدونى) وده بيميز الموقع عن غيرة وبيدل ان فيه ذوق ونظام وفن فى الموقع وأن الموقع مش بغبغانى الالوان
محمد عبد المنعم
2011-05-26
شكرا على الدعم يا loleta1
محمد عبد المنعم
2011-05-26
وياريت اللي عنده فكر في الألوان يبعته واحنا نطبقه على طول ... لكن طبعا مستشارنا الحالي Hatem في موضوع الألوان ممكن يعترض ... خلو بالكم منه ... عايزين نضغط عليه وعلى زوجته ... هي كمان خريجة فنون جميلة
loleta1
2011-05-26
العفو بس فعلا حتى فكلية فنون أرقى وأقوى التصميمات هى اللى بتتعمل بلون أوأثنين وبالكتير ثلاثه لانها بتبين أسلوب الفنان فى التصميم ومابتعملش فوضى لونية
محمد عبد المنعم
2011-05-26
بس ما تنسوش موضوع الضغط كما في تعليقي السابق
محمد عبد المنعم
2011-05-26
لأنه بيقول ان الموقع بشكله الحالي مفيهوش أي نوع من الآرت ورك ... وعشان أنا مش أكثر من ناقد أو حتى ذواق ... مش عرف أرد عليه إزاي
محمد عبد المنعم
2011-05-26
مع كامل تفهمي ان الموقع فعلا محتاج تظبيطات ألوان في مواضع كثير
loleta1
2011-05-26
ماهو شاف رسمه سريعة منى فعيد ميلاد أحمد وعقيقة اسر قعد يسأل مين اللى عملها ويسعدنى ان ليا زملاء فن (بس بالنسبه للالوان بيهيألى ان الجمال فى البساطة ممكن فى الخطه الخمسينيه القادمة تدخلوا درجات اللونين الاساسين (البرتقالى-الاخضر)ومن نفس لونهم وكأنك بتفتح اللون بالابيض واحدة واحدة وبكدة تأخذ تنوع بدون أخلال بالصورة العامة ولافوضى لونيه
loleta1
2011-05-26
ماهو مشكلة الارت وورك انه سلاح ذو حدين يايجمل الموقع يايقلبه بغبغانى(لوكدة ليه مايكونش حاتم هو مسئول الارت وورك ومعاه 2او3يعنى كله يكتب طبيعى وهو يضع اللمسات الفنيه الموزونه ونضرب عصفورين بحجر
محمد عبد المنعم
2011-05-26
ما هو هو ده الوضع الحالي ... لكن دايما بيعمل حاجات بتتطلب تعديلات جذرية مش هينفع أفرغ نفسي ليها ... نفسي انه يبص على الوضع الحالي ويديني تاتشات مش أكثر
loleta1
2011-05-26
تمام قله البساطه البساطة ياتيمو
بسمة امل
2011-05-26
يمكن انا حظي معاكم وحش لان (االاسود مع الاخضر بيتعب عيني في التعليقات) ، وكمان اللون مبحبش لا البرتقالي ولا الاخضر ،وانا دائما بكتب باللون( النبيتي ) فكان طلبي ترك حرية للاعضاء باختياراللون اللي يريحهم. لكن لو الموضوع فرض راي من ادارة الموقع. فدة استسلام مني من عدم المناقشة في اي امر اخر.
loleta1
2011-05-26
الاختلاف فى الرأى يابسمة لايفسد للود قضية لأ اتكلمى وقولى رأيك ده من حقك ونتشاور كلنا واللى نوصله يتعمل أوعى تستسلمى ووصلى صوتك صوتك يعنى انتى ولا انتى مش حاسة انك حته من قلب الموقع
محمد عبد المنعم
2011-05-26
اللي ما ينفعش نعمله هو إضافة عدد مفتوح من الألوان ... دايما هناك عدد ثابت ... اللي مفتوح للأعضاء اختياره هو ايه الألوان دي ... انا اخترت اللونين دول مع إني مبفهمش في الألوان ... اللي عنده رؤية في الألوان يطرحها لكن يا ريت تبقى متماشية من الموقع أو على الأقل نعمل استفتاء عليها عندنا في الموقع
حتى الوان الموقع الأساسية ممكن نغيرها ... لكن عايزين حد يبقى عنده رؤية واضحة ويعرض علينا الرؤية دي بشكل محترف
loleta1
2011-05-26
ياريس حلو موضوع الاستفتاء ده عشان العداله الحقوقيه بين الاعضاء وعشان الاعضاء يبقوا جزء من الموقع مش مشاركين فيه والله يعينك علينا
زغباوية
2011-06-08
يابسمة قولي رايك ومتخافيش صوتك هايوصل ونعمل بيه ممكن يكون فى فترة لاحقة لان الموقع لسة تحت التظبيط بس الريس بتاعنا ديموقراطي وبيسمع للراى الاخر طالما انه فايدة للموقع وماتقلقيش وماتستسلميش ابدا وناقش رايك وكل اللى نفسك فيه بكل حرية
اللونين دلوقتي هما الأخضر للعناوين عن طريق علامة ^ حول العنوان المطلوب واللون البرتقالي للكلمات المطلوب إبرازها وتمييزها عن طريق وضع علامة * حول المطلوب تمييزه
الألوان دي كانت اختياري ومستقاه من الثيم العام للموقع
لكن لو أي حد عنده اقتراح لألوان أفضل مفيش مشكلة أبدا
وعموما لما هنغير الألوان هتسمع في القديم والجديد على حد سواء أوتوماتيكيا بدون مشاكل ان شاء الله
فكان طلبي ترك حرية للاعضاء باختياراللون اللي يريحهم.
لكن لو الموضوع فرض راي من ادارة الموقع.
فدة استسلام مني من عدم المناقشة في اي امر اخر.
حتى الوان الموقع الأساسية ممكن نغيرها ... لكن عايزين حد يبقى عنده رؤية واضحة ويعرض علينا الرؤية دي بشكل محترف