البنات لما تعمل نفسها فاهمة فى الكمبيوتر

6
واحده دخلت محل للكمبيوتر وقالت لصاحب المحل
لو سمحت انا عايزة ويندوز إكس بي ملون



ده على اساس ان فيه اكس بي ابيض واسود

—————————————————————————-



واحده اتصلت على محل الصيانة وقعد الخبير يشرحلها الانترنت بكل اهتمام فجأه قاطعته بسؤال ماعرفش جاي منين ……؟

قالت: يعني دلوقتي أيهم أفضل الإنترنت أم الهارد ديسك…..!


خبير الصيانة دلوقتي في الانعاش بين الحياة والموت


—————————————————————————-


ودي واحده اول مااشترت الجهاز وهي لسه في المحل عملت نفسها فاهمه وقلت لصاحب المحل بكل برود : لو سمحت.. عايزه حبر للشاشة


دي علشان انا عايزاها تكون الوان مش ابيض واسود


—————————————————————————-


ودي واحده اشترت طابعه من احد المحلات وماعملتلهاش تعريف على الجهاز

اتصلت بالمحل وقعدت تزعق لصاحب المحل وقالتله انا حاطه الطابعة قدام الكمبيوتربقالها 5 ساعات ولسه ماتعرفش عليها


بس الحمدلله لحقوا صاحب المحل بمعجزة وهو كان هيرمي نفسه في النيل

—————————————————————————-


طب بصوا على اللي اتصلت باكبر محلات الصيانة وقالتلهم ان جهازها مابيشتغلش

سألوها ايه اللي حصل قالتلهم مافيش الجهاز كان في فيروس رحت رشه جواه فيلت


بعدها المحل أعلن افلاســه بسبب اغلاقه طول العام

—————————————————————————-


ودي واحده فاضيه ماعندها لاشغله ولا مشغله راحت لمحل بتاع كمبيوتر وقالتله انا سمعت ان في حروف جديدة للكيبورد ياترى نزلت ولا لسه


وطبعا مش هقولكم ايه اللي حصل لصاحب المحل لأني مابحبش اجيب في سيرة الأموات


مع الاعتذار لكل سيدات وفتيات الموقع هههههههههههههههه

 

إضافة 2011-05-24
MaDa
11058
غير محدد

التعليقات

hamada 2011-05-24
+1 آخر أب ديت ( update )
loleta1 2011-05-24
+1 عسل ياmada انا فى مرة أتقدمت انا وصحبتى لمقابلة شغل فى مكتب طباعة ونشر وقبلونى ورفضوها عشان كان الكمبيوتر(ابل ماكنتوش)فسألتهم في الكيسه ههههههههههههههههه والله كانت ايام
MaDa 2011-05-25
هههههههههههههههههههههههههههههههههههههههههههههههههههه دي بالموضوع كله
shady 2011-05-25
ههههههههههه حلوة يا محمد وحلو الموضوع بتاعك يا لوليتا ههههههه +1
loleta1 2011-05-25
لأبجد كان يوم تحفه وعايزة أقولك دى صاحبتى الانتيم وايام الشقاوة والشغل دى ماتتعوضش
طب هضحكوا تانى اناأول عهدى بالكمبيوتر كنت بشتغل رسامه لكتب أطفال المدارس الخاصة وكل شغلى يدوى وعندى جهل تام بالكمبيوتر فعلمونى أرسم وألون بالكمبيوتر قعدت أشتغل يجى 15يوم شغل متواصل وبعد كده جه مديرى عايز يشوف الرسومات قعدت أدور عليها ومالقتهاش وفجأة سألنى انتى كنتى بتعملى ايه قلت كنت برسم قاللى كنتى بدوسى على سيف قلتله لأ ليه قاللى لأن كده شغل 15 يوم راح فى الهواء وطبعا مش هحكيلكوا على هسترية الضحك اللى كانت فى المكان ومن ساعتها بقيت أضغط عليه طول الوقت وانا بشتغل عشان مجهودى مايروحش
shady 2011-05-25
هههههههههههههههههههه
MaDa 2011-05-25
ههههههههههههههههههههههههههههه .. معلش تعيشي وتاخدي غيرها
انا بقى حصلت معايا في بروجكت كامل بعد شغل ترم كاما ومكنتش بنام لحد ما خلصته وفي الآخر مسحته من غير ما اقصد .. كنت حاسس اني عايز ارمي نفسي في النيل .. بس الحمد لله كنت كاتب جزء كبير من الكود في الdocumentation وكملت عليه .. ربنا ستر
loleta1 2011-05-25
ههههههههههههه والله ذكريات حلوة
loleta1 2011-05-25
دلوقتى بدوس سيف بسبب وبدون سبب كل 5 دقايق عقدةعشان ممكن النور يقطع ويروح المجهود
MaDa 2011-05-25
اللي اتلسع من الشوربة هههههههههههههههههه
loleta1 2011-05-25
أى نعم ههههههههههههههههه
shady 2011-05-26
ما تتعبيش نفسك وتدوسى سيف كل شوية اختصرى ودوسى على
control s
shady 2011-05-26
ما اعتقدش ان فى حد دلوقتى بيدوس كوبى او كت او بيدوس سيف او حتى بيدوس برينت احنا فى عصر السرعة وكل حاجة وليها اختصار اسهل واسرع
MaDa 2011-05-26
جبت الزتونة يا شادي هههههههههههههههههه
shady 2011-05-26
زتونة اية بس , لية الكلام الرخيص دة انت المفروض تسكت خالص بعد قصيدة الصعيدى دة كلام يا عبد السلام
MaDa 2011-05-26
ههههههههههههههههههههههههههههههههه انا مش عايز اقولك ايه اللي حصلي اول ما قريتها .. انا عيط من كتر الضحك
shady 2011-05-26
looooooooooooooool
loleta1 2011-05-26
ياعزيزى ماأنا بدوسctrl+sبس بتكلم انى بقيت طول ماأنا بصمم كل كام خطوة أعمل كدة خوفا على تعبى بس دلوقتى خلاص بقيت ربة منزل من الطراز الاول بس هموت وأنزل الشغل تانى
zedony.com - A mmonem.com production. عن زيدوني - Privacy Policy