لمحبي الفول السوداني

8
الفول السوداني
يحتوي الفول السوداني على كميات كبيرة من فيتاميني ( هـ , أ ) وعلى حمض الفوليك, والكالسيوم, والمنغنيزيوم, والزنك, والحديد, والألياف.
وبالرغم من أن الفول السوداني وزبدته يحملان نسبة عالية من الدهون ويحذر من الإفراط في تناولهما؛ لكن عند اعتماد الفول السوداني جزءاً من حمية غذائية متوازنة قد يساعد في توفير ما يحتاجه الجسم من احتياجات يومية من العناصر المختلفة.وايضا طاقة وتركيز .
وأكد الباحثون أن الرجال والنساء والأطفال, الذين يأكلون جرعة يومية من الفول السوداني ومن زبدته يحصلون على حاجتهم من الفيتامينات والمغذيات, بشكل أفضل من الذين لا يتناولونهما.
وللفول السوداني القدرة على تخفيض نسبة الكولسترول لاحتوائه على نسبة من الدهون الغير مشبعة, التي تساعد في الحد من الكولسترول وذلك لدى الأطفال والرجال فقط , بينما لم تتأثر النساء كثيراً بهذه الخاصية.

طيب ممكن نعمل منه ايه علشان مابيقاش مظلوم:
1-زبدة الفول السوداني وطريقتها:
نجيب الفول السوداني محمص ونشيل القشرة الحمراءونرمي القشر ونخلط الفول في الكبة مع زيت لحد ماتبقى ناعمة . الزبدة هتدخل معانا في وصفات كتيرة اوووكي
الذبدة ممكن تتاكل كدة وممكن يتحط عليها مربى او عسل وبتدي طاقة وتركيز هايلين للاولاد في المدرسة .
2.نجيب الزبدة اللي عملناها ونعمل منها ميلك شيك فول سوداني .
3.ممكن نعمل عصير فول سوداني بالموز وممكن نعملو ميلك شيك فول سوداني بالموز.
4.نعمل بسكوت بزبدة الفول السوداني ونحط كاكاو او من غير.
يارب يكون الموضوع لذيذ ومفيد.

{{uf:116}}

 

إضافة 2011-05-23
من تأليفي
تعديل 2020-09-06
safaa
50523

التعليقات

محمد عبد المنعم 2011-05-23
أول الأسئلة في الموقع ده كان بتاعي وكان بخصوص الموضوع ده
http://www.zedony.com/index.php/article/view/id/2
Eng Ahmed 2011-05-23
انا اول مره اسمع عن زبده الفول السودانى ده ومتاكده انها بتتعمل من قشرته؟؟؟
زغباوية 2011-05-23
موضوع لذيذ ومفيد طبعاً وحطيته في مفضلتي علشان ارجع له وانا بعمل زبدة الفول السوداني وأهي فايدة برضوا مانرميش القشر
بسمة امل 2011-05-23
معلش انا عملت تعديل للجملة ياريت تقروها انا قصدي الفوووووووووووووووووول مش القشر.
loleta1 2011-05-23
ياجماعة انا أعرف كمان ان الفايدة الاكبر فى القشرة الحمراء
محمد عبد المنعم 2011-05-23
قشر ايه اللي انتو بتتكلمو عليه !!!
أما حاجة عجيبة قوي !!
زغباوية 2011-05-23
حضرتك القشر اللى مش عاجبك ده فيه فوايد عظيمة زي قشر البرتقال اللى بنرميه بردوا بيحمي من السرطان وبيزود مناعة الجسم
زغباوية 2011-05-23
كدا يابسمة بقى تعدليها بعد كل الضرب اللى خدناه ده طب ندافع عن ايه دلوقتي
عموما انا بحب اكله بقشره برضوا مش برميه ولا بقشره
محمد عبد المنعم 2011-05-23
الأحمر وللا الناشف قوي؟
الأحمر أنا باكله عشان بكسل أقشره وبعدين لسة هرمي القشر في طبق ... شغلانة يعني !!
زغباوية 2011-05-23
ايوة انا كان قصدي على الاحمر اكيد يعني مش هاناكل القشرة الناشفة دي ولو اني اشك انها برضوا مفيدة بس لسة معرفش في ايه ؟ بس مع زيدوني هاندور ونلاقي!!!
بسمة امل 2011-05-23
انا لما باكلو باكلو بقشرو
لكن كل اللي عندي ابدا مبيرضوش ويقشرو رغم بقلهم على فوائده.
بس اي وصفه حلو لازم يتقشر كويس
وبعيد تاني انه بيتعمل الزبدة وكل الوصفات من الفول
beroo 2011-05-23
انا اعرف ان زبدة الفول السوداني دي حاجه مشهورة جدا بره في اوربا والناس بتحبها جدا وطول عمري نفسي اعرف هي مصنعه ازاي
بسمة امل 2011-05-23
كدة ان محرمتكوش من حاجة
لما بيتبقى مني فول سوداني يكونو زهقو منهم ومش هيتاكلو
بعمل الزبدة وتبقى تغير للافطار.
beroo 2011-05-23
وبس نسيت اسألك الميلك شيك فول سوداني بيتعمل ازاي .... زبدة الفول علي اللبن واضرب والا له طريقه علشان يطلع فوم زي بتاع ماك دونالدز
أم العيال 2011-07-15
أنا هاسيبكو ربعاية كده عشان هاقوم أإعمل ذبدة الفول السوداني أدعولي انها تطلع كويسة
أم العيال 2011-07-15
باركوووووووووولي عملتها وطلعت تحفة وزكمان عملتها للعيال في ساندوتش مع العسل الأبضيض وعجبتهم قوييي
شكرا ليكي يا (بسمة أمل)"وشكرا (زيدوني)
الباشمهندسة 2011-07-15
بالهنا والشفا .... بس اللي ياكل لوحدة يزور :(
أم العيال 2011-07-16
بس انتي تعالي بس وشوفي التزغيط اللي هاظغطهولك
beroo 2011-07-27
كدا عيني عينك ... طيب ياريت تقوللي علي ميلك شيك السوداني
safaa 2011-10-02
شاطرة ياام العيال
زغباوية 2011-10-02
اين انت يابيرو وحشتينا
زغباوية 2011-10-02
وبسمة امل مش بتدخلى ليه لعله خير
أم العيال 2011-10-02
كده تعلقونا بيكو وتخلعو مننا
عموما يابسمة أمل ويابيروو وحشتونا ومستنيينكو
zedony.com - A mmonem.com production. عن زيدوني - Privacy Policy