استفسار عن الموقع

4
اولا احب ان اشكر القائمين علي هذا الموقع لانه حلو فعلا ومتميز وبيختلف عن مواقع كتير انا دخلتها بس بسأل لما الموقع بقاله 6شهور واكتر شغال ليه عدد الاعضاء قليل كده هو في سياسة خاصة بتقنين عدد الاعضاء ولا ايه؟
واحب اسأل كل عضو/عضوة ليه مش بيقول للناس اللي يعرفهم عليه عشان الموقع ده فعلا بينشر المعرفة بطريقه لذيذة وسهلة ومحترمة واحنا لازم نشجع المواقع اللي زي كدة عشان تبقي في الصدارة بدل المواقع التافهه والسافرة اللي الشباب بيدخلو عليها ويضيعوا فيها وقتهم وطاقتهم .

 

إضافة 2011-05-20
beroo
445
غير محدد
تعديل 2011-05-20

التعليقات

beroo 2011-05-20
علي فاكرة انا هقول لجوزي وصديقاتي عليه بس بعد رد المسؤلين عن الموقع .
safaa 2011-05-20
يمكن علشان الناس اليومين دول مشغولة بالثورة واللى بيحصل فى البلد أو مافيش الدعاية الكافية..لان صاحب الموقع أهم حاجة عندة الاتقان فى شغلة الاساسى وبيعملة على أكمل وجه..والمفروض الاعضاء هم اللى بيعملوا الدعاية..وطبعا الراى الاخير لصاحب الموقع ا
محمد عبد المنعم 2011-05-20
نشكرك جزيلا على الاشتراك بالموقع ... إحنا في إدارة الموقع مهتمين أكثر بالتطوير ... موضوع الانتشار ده متروك للأعضاء حتى الآن ... أكيد هنبقى مبسوطين بإن في أعضاء بيعملولنا دعاية طيبة وأكيد ده هيقابل بترحاب شديد وتمميز للأعضاء اللي بيقوموا بكده
زغباوية 2011-05-21
اعتقد يابيرو ان الموقع هايزيد اعضاء طالما انتى داخلة كدا داخلة شديدة وكلك حماس
وهاقولك على الموضوع بالظبط مفيش طبعاً سياسة لتقنين عدد الاعضاء بالعكس احنا عايزن نتوسع جدا ونوصل المعرفةلكل البشر
واحنا كاعضاء طبعا قولنا لكل قرايبنا واصحابنا دخل بعضهم والبعض الاخر لم يدخل لسببين
1-انهم مش فاضيين وبيدخلوا على النت في السريع او مش بيدخلوا الا على الفيس بوك
2- مالهمش في النت اصلا

وبنحاول دلوقتي نفكر في افكار للدعاية منها مثلا رحلة او اجتماع للاعضاء في مكان عام ولسة ماظبطناش الفكرة ولا المكان فلو عندك افكار قوليلنا

مستنين آرائك
beroo 2011-05-21
حلوه اقوي حكاية الرحلة او حفلة بس من الصعب انك تجمعي 50 60 واحد في مكان وتظبطي ميعاد يوافقهم كلهم
بس تمنياتي ان الموقع ينتشر ويبقي من Top Hundred علي مستوي مصر ان شاء الله
beroo 2011-05-21
هو ليه في ناس تقدر تعدل علي كتاباتي وانا ماقدرش عدل الا حجاتي بس
زغباوية 2011-05-21
يابيرو اللى مجموع نقطه يوصل ل 1500 نقطة يقدر يعدل مقالات اى عضو يالا شيدي حيلك
beroo 2011-05-21
يااااااااااااااااااا 1500 المشوار طويل قوي ربنا يعينا وعايزين حبة تشجيع
زغباوية 2011-05-21
طريق ال 1500 يبدأ بمقال او سؤال او اجابة انتى الاول عارفة نظام النقط في الموقع ولا لأ؟
safaa 2011-05-21
ياعبير لو انتى ركزتى شوية مع زيدونى زى صفحتك الجميلة على الفيس بوك هتجيبيههم ال1500 نقطة فى شهر واقل كمان.. علشان كده انا هديلك+1 وربنا يسهل
zedony.com - A mmonem.com production. عن زيدوني - Privacy Policy