أنا زهفت من الشغل

6
الست ملهاش غير بيتها

بجد الأمومة دى حاجة صعبة جدا ومسئولية كبيرة جدا جدا لأ وبنكمل عليها بقى ونروح نشتغل بالذمة مش حرام

نفسى حد يشجعنى ويقولى انتى صح سيبى الشغل

 

إضافة 2010-12-06
tafatifi
5264
غير محدد

التعليقات

أم العيال 2011-02-28
إنتي صح فعلا سيبي الشغل
بصي أنا مش بضحك عليكي أنا واحدة مدرسة قديمة قوي في التدريس قالتلي جملة لما عرفت إني باأدور علي شغل
قالتلي ماتشتغليش وربي العيال بهدوء ومن غير سربعة لأن الست اللي يتشتغل بتبقي مستعجلة في كل حاجة
لكن الشغل في نفس الوقت مفيد لأنك بتغيري جو وبتفكي من البيت والعيال شوية وبرضه منه بيبقالك قرشيبن بتشبرقي بيهم علي نفسك وتقدري تجيبي اللي تتكسفي تقولي لجوزك عليه ,(زي هدية إبن أختك مثلا )
أنا قولتك جزء من المزايا وجزء من العيوب وإنتي إختاري ,أنا عن نفسي لسه محتارة ومش عارفة أقرر
ياريت أي عضو يشاركنا برأيه
الباشمهندسة 2011-05-22
ايه التأميز اللي من تحت لتحت ده يام العيال.
مفيش حد بيعمل حاجة ضد رغبته ولو انتي حاسة انك تعبانه احسنلك تسيبي الشغل لانك اكيد مابتعمليش اللي عليك وهتبقي مقصرة في كل النواحي وربنا هيحاسبك علي التقصير في عملك وبيتك ووتبقي ضعتي علي الاخر
زغباوية 2011-06-01
انا عن نفسي حسمت الموضوع من زماااان وقررت انى ماشتغلش الست فعلا مالهاش غير بيتها فيه حاجات كتيرة مابلحقش اعملها وبكون مقصرة فيها وحياتي كلها جري في جري طيب لو اشتغلت بقى هاعمل ايه؟
ثم ان تربية العيال فعلا محتاجة صبر ومجهود وطولة بال وتفكير طويل وعميق طيب لو خرجتي تشتغلي طبعا هاترجعي هلكانة ومش هاتقدري تقعدي معاهم حتى لو نصف ساعة كل كام يوم حتى وده علشان يتربوا صح محتاجين فعلا الفترة اللى بيقعدوها معاكي دي كل يوم وانا اصلا مش بلحق غير كل كام يوم طيب لو اشتغلت بقى هاعمل ايه؟
وبعدين لو اى واحدة زهقانة ممكن تشغل وقت فراغها في اى حاجة مفيدة او حتى تدور على شغلانة تديرها من البيت
الاستاذة 2011-11-12
انا مختلقة معاكم
الانسان مننا مش بيعجبه حاله لو بيشتغل يبقى عايز يسيب الشغل ولو مش بيشتغل يبقى عايز يشتغل ماهو ده طبع الانسان مش بيعجبه العجب
انا اول ما اتخرجت اشتغلت ولما اتجوزت وخلفت قعدت في البيت اجازة ومش عايزة اقولكم اني كنت شبه منعزلة عن العالم تماما ده غير النفسية اللي كنت فيها والمعنويات العالية جدا جدا جدا
وقررت طبعا ارجع الشغل وطبعا قلت فين ايام الراحةولما تيجي ايام الراحة اقول فين ايام الشغل
المهم دلوقتي وحلا للموضوع عملت اجازة نصف راتب اشتغل 3 ايام واريح يومين مع الاجازة يبقوا 4
بس بجد في الشغل بلاقي نفسي وبعرف اخبار جديدة وبسمع مواضيع جديدة وقيسي على ده حاجات كتيرررررررررر
الباشمهندسة 2011-11-12
موضوع العمل نصف وقت فكرة حلوة جدا بس هي للاسف عندنا في مصر بتتطبق خطأ جدا جدا من كل الجوانب سواء الموظف او صاحب العمل .
zedony.com - A mmonem.com production. عن زيدوني - Privacy Policy