هو انا شخصياً درست فترة فى مدرسة اعدادى بنات ازهرية بس طبعا المستوى كان وحش جدا زى الحكومى بالظبط
لكن هناك مايسمى الازهر المميز او الازهر اللغات ودى مصاريفها اغلى شوية من العادى ومش موجود فى كل مدينة بس برضوا سألت استاذ فيه علشان ادخل ولادى قالى برضوا ان المستوى مش حلو اوى هو طبعاً احسن من العادى بس احتمال كبير ان الاحوال فى مصر كلها تتغير بما فى ذلك التعليم وان شاء الله يكون افضل سواء الحكومى العادى او الازهرى وعموما اسال تانى جايز الامور تغيرت
لى خاله دخلت تؤم الازهر وحلفت ما تدخل التؤم التانى لان المناههج هى هى وزياده عليها القران والمواد الشرعيه والاولاد كانو ممتازين بس النتائج عاديه اما عن الشغل لسه مشتغلوش رغم انهم مميزين فى الكليه فقررت متخلش التؤم التانى والله ولى التوفيق صلى استخاره
الازهر مميز بدراسة الدين بشكل أوضح وأفضل وخير الامور الوسط ليه ماتدخليش بناتك مدارس تجريبيه وتديلهم دروس دينيه وتحفيظ قرآن وبكده تبقى أخذت رجل من كل قبيله
التعليقات
من زمان معروف ان التعليم الازهري العادي بيهتم بالدراسات الدينية التي تصل الي مرحلة التعقيد في سن صغيرة جدا ويصاحب ده ضعف كبير في المواد الاخري وخاصة اللغات ...عشان كده لاينصح بيه الا اذا كنت انت شخصيا ازهري ومثقف جدا في جميع النواحي الدينية عشان تقدر تواكب ابناءك.
وبالنسبة للتعليم الازهري الخاص لغات انا كنت بسأل فية من سنتين ووجدت انه الاكثر تعقيدا علي الاطلاق لانه بيهتم بالجانبين الديني والتعليمي بشكل ايضا معقد يعني العيال بتأخذ دين كتير وفي نفس الوقت بتأخذ جميع المواد بالانجليزي + دراسة مادة لغة تانية فرنساوي يعني العيل يبقي معاندوش وقت يتنفس حتي.
عشان كدة خير الامور الوسط كما قالتلك loleta1 ممكن تدخل اي مدرسة تجريبي او لغات كويسة وتهتم بالجانب الديني بشكل مستقل عن المدرسة.
التعليقات