حوار بين اتنين سمعهم تقيل

10
تخيلوا لو اثنين سمعهم ثـقيل يتكلموا مع بعض!! . ايه اللي ممكن يحصل ؟ تعالوا نشوف.

أثنين مصريين سمعهم ثقيل جداً واقفين على محطة الاتوبيس ودار بينهم الحوار التالي

الأول : الاتوبيس ده بيروح مــصر الجديدة؟
الثاني : على الحديدة !!... ليه انت طالب احسان ؟

الأول : بذرة الكتان !! لا ..دي تلاقيها عند العطار
الثاني : جزار!! اه ..قوللي كده .. عايز تشتري لحمة

الأول : معك حق.. الدنيا زحمة ..علشان ده ميعاد خروج الموظفين
الثاني : نور الدين !! لا والله .. ماعرفوهش

الأول : ما بتشربوش!! ليه ..كفا الله الشر
الثاني : رأس البر !!! ..ده مــصيف هادي

الأول : عايز تركب للمعادي... دي منطقة جميلة
الثاني : بليلة !! انت شكلك كده جعان

الأول : عيان!!! أي والله .انت باين عليك عيان ..طيب ما تروح للدكتور
الثاني: الحنطور!! ده احسن من الأتوبيس ، وبيوصلني لحد الباب
هههههههههههههههههههه ههههه

الأول : هبــــاب !!! وانا اللي كنت فاكرك محترم
الثاني : اتخـرم !! هو مين ؟؟

الأول : عاوز اسـبرين ! ليه انت عندك صداع ؟
الثاني : قراع !!! ينهار اسود . ده مرض خطير

الأول : فطير !!! لا والله مش عايز. وبعدين مش بأحب الفطير. تقيل على المعدة وتمنه غالي
الثاني: خالي !!! انت تعرف خالي ؟ ده راجل كبير في السن

الأول : الجن !!! نهارك مش فايت ..انت عليك عفريت .!؟
الثاني : لا والله ..ممعاييش.. انت عايز الكبريت ليه ؟ عايز تولع؟

الأول : أدلع !!! أدلع عليك انت!؟ انت ما تملاش عنيا
الثاني : يقبضوا عليا !! ليه !؟

الأول : انت غريب يا راجل انت..شكلك شحات ، ( يدفعه من القميص) روح اشتغل شغلة تاكل منها عيش
الثاني : خيش !!! والله ده صوف انجليزي

الأول: بنتك زيزي !!! ربنا يخلي...
الثاني : أنتاج محلي !!!! ده مستورد

يمر شاويش من بتوعنا ... يلفت انتباه الحوار، : بتعمل ايه يا جدع منك له!!!

الاتنين: ايوة يا شاويش ...احنا مستنين الأتوبيس

الشاويش : جواسيس !!!! نهاركم مش فايت ....قدامي على القسم بسرعة

 

إضافة 2011-05-08
MaDa
11058
غير محدد
تعديل 2011-09-20
MaDa
11058

التعليقات

محمد عبد المنعم 2011-05-08
هي دي نهاية كل ظالم
MaDa 2011-05-08
ههههههههههههههههههههههههههههههه
loleta1 2011-05-08
بجد السماعه فى الحالات اللى زى دى ضرورة قصوى+1هههههههههه
safaa 2011-05-08
بجد ضحكتنى يامحمد أنا هديلك+1.. بس للاسف مش هقدر ازودك أكثرمن كده
زغباوية 2011-05-08
ههههههههه حلوة
الباشمهندسة 2011-05-08
ياتري مأمور القسم ظروفه ايه ؟ ......... :)
MaDa 2011-05-09
ميرسي يا خالتو .. أي حاجة من حضرتك حلوة :)
MaDa 2011-05-09
بالنسبة للمأمور فاللي حصله متروك لخيال القراء عشان ننمي الطاقات الإبداعية عندهم D:D:
safaa 2011-05-09
مش بايدى هو بس مسموح لأى حد يزود مرة واحدة فقط
mora 2011-09-20
+1 الحمد لله اننا بنسمع والا بقت مشكلة
MaDa 2011-09-20
أكيد .. ده غير ان شكلنا كان هيبقى تحفة :D
mora 2011-09-20
ايون بالضبط هنبقى تحفة
zedony.com - A mmonem.com production. عن زيدوني - Privacy Policy