حملة اتثقف .... ما هو السيفون ؟

2
السيفون
كلمة بنقولها كتير جدا طول اليوم ،بس هل حد يعرف المعني الحقيقي ؟

 

إضافة 2011-05-07
غير محدد

التعليقات

محمد عبد المنعم 2011-05-07
أنا مستني الإجابة بشغف
زغباوية 2011-05-08
طيب هو انا ينفع اخمن ؟؟
الباشمهندسة 2011-05-09
طبعا الهدف من الحملة ان احنا نشوف كلنا كنا فاهمين ايه وهيطلع ايه في الاخر.
زغباوية 2011-05-09
حلوة جدا الفكرة عجبانى اوى وجديدة وعاملة روح فى الموقع
بس تقريبا مفيش حد غيرنا بيدخلها ولا ايه؟
عبد المنعم 2011-05-11
على فكرة ياالمهندسة السباكين زى الميكانيكية بيطلعوا مصطلحات خاصة بيهم مالهاش علاقة بالمعنى الصلى لاى كلمة واحنا بنرددها من غير تفكر علشان نمشنى امورنا

الإجابات

2
فى اللغة الانجليزية siphon وتعنى فى القاموس مَثعَب او سحارة او ممص

وسيفون فى اللغة العربية لفظة دخيلة دارجة وتعني:
صندوق الطرد الذي يكسح ما في المرحاض

المصدر المعجم الوجيز ومعجم المصطلحات الهندسية انجليزى عربى

شكرا للثقافة ومعرفة اصول الكلام
إضافة 2011-05-08

التعليقات

محمد عبد المنعم 2011-05-08
100 100 يا زغباوية
زغباوية 2011-05-09
شكرا شكرا
الباشمهندسة 2011-05-09
لو راجعتي اجابتك هتلاقي تناقض كبير ازاي يبقي المعني بالانجليزية ممص و معناه في العربيه طرد ؟
وهو ده اللي كنت عايزه اوصلة للناس احنا فاهمين كده لكن غلط صندوق الطرد هو combination اما السيفون هو حاجة ثانية بس بردو من مصطلحات السباكة ومش هتخرج عن الحمام والمطبخ :)
زغباوية 2011-05-09
بصى كل الكلام مصدره فعلا المعجم والقاموس وانا قاريتهم بنفسى اما ممص وسحارة فهى فى قاموس وجدته على النت وانا ببحث
محمد عبد المنعم 2011-05-09
مينفعش ناخد الترجمة بالعربي كده زي ما هي ... الأحسن دائما اننا نبحث في قاموس انجليزي انجليزي لأنه بيشرح المعنى مظبوط وبالأمثلة كمان
زغباوية 2011-05-09
ده صعب عليا
محمد عبد المنعم 2011-05-09
لأ ياللي بتقولي طريق الألف ميل
مش صعب خاص
محتاج محاولة مش اكثر ومش هترجعي للقواميس الهبلة دي ثاني الا قليل جدا
زغباوية 2011-05-09
احم احم
5
فى الواقع لما ترجعوا لواحد عجوز زيى ومخضرم وشاف اللى ما كنتوش توعوا عليه واللى ركبه وصلحه بايده العديد من المرات وهو السيفون اللى انتوا عرفتوا ان اسمه الممــص وده كان بيبقى موجود بالمرحاض البلدى زمان معلق فى اعلى الحائط على ارتفاع متران وهو كان عبارة عن صندوق من الزهر يتسع لحوالى 2 جالون مياه وبه ناقوس زهر فى الوسط معلق بذراع مركزه حافة الصندوق ومن الطرف الاخر للذراع سلسلة بمقبض لجذب الذراع الى اسفل فيرتفع الناقوس بالداخل فيمتص المياه المخزونة فى الصندوق ويخرجها عن طريق ماسوروة رصاص قطر بوصة داخل الحائط بطول لاتقل عن متران فتندفع المياه الى الخارج .
اما الكومبنيشن اللى بتشوفوه حاليا خلف التواليت ولزق فيه واللى برضه الواحد صلحه كتير .. ففكرته مختلفة انه يوجد فتحة قطر 2 بوصة فى قاع الصندوق عليها كاوتشة للغلق وصلة بالذراع باى شكل حسب نوع الماكينة ..عند الضغط على الزراع تتفتح الكاوتشة وتسمع للمياه بالخروج... اظن كد بان الفرق بالتفصيل فالاثنين صح يا بش مهندسين .. والاجر والثواب عند الله .
إضافة 2011-05-11
hamada
9325

التعليقات

الباشمهندسة 2011-05-11
+1 طبعا ده تحليل منطقي ومقنع جدا ..... بس احب اضيف كمان ان السيفون حاليا هو الجزء اللي متركب اسفل الحوض او بمعني اصح الكوع اللي تحت الحوض اللي بيأخذ الصرف من الحوض الي ماسورة الصرف وكان قديما يصنع من الرصاص وحاليا من النيكل.
وفي لغة السباكين يوجد سيفون الارضية وهو البلاعه اللي في الحمام (البيبة) اللي بيصرف عليه الحمام وبتطفح احيانا :-)
زغباوية 2011-05-11
حلوة اوى حملة اتثقف دى زودتنا معلومات جديدة
شكرا جزيلا
عبد المنعم 2011-05-11
الحمد لله .. كده مش ناقصنا غير صندوق عدة ومحل فى مكان راقى !!
زغباوية 2011-05-11
وأهو يبقى ثقافة ولقمة عيش بنجرى عليها ههههههههه
محمد عبد المنعم 2011-05-11
اعملو حسابكم عليا هكون معاكو ... سبوبة هنية تكفي 100 ... انا هشيل موضوع إضاقة تعليق للسيفون
عبد المنعم 2011-05-11
مش فاهم الجملة الاخيرة
زغباوية 2011-05-11
ولا انا
زغباوية 2011-05-11
وعموما هانخدك معانا ماتقلقش محتاجين بيلة كتير
عبد المنعم 2011-05-11
قصدك بليات جمع بلية صح؟
hamada 2011-05-11
كله من العضوة الباشمهندسة لما هى عارفة كل المعلومات ان الكوع بتاع الحوض اسمه سيفون ولما البلاعة فى الحمام اسمها سيفون ...يعنى من الاخر نقدر نقول ان اى حاجة فى السباكة الحالية اسمها سيفون بالجملة ... وانا شايف ان احنا نشد السيفون على هذا الموضوع طالما ان العبارة بقت تهريج...
محمد عبد المنعم 2011-05-11
يعني زي ما انا أضفت التعليق للأسئلة والمقالات ... هضيف تعليق للسيفون ... يعني هاعلقة يعني ... يعني شوية خفة دم ... انتم مش مصريين ولا ايه؟
عبد المنعم 2011-05-11
هيهيهيهيهيهيهيهيهيهيهيهي
زغباوية 2011-05-11
ههههههههه بس ساعات الذكاوة بتشتغل
beroo 2011-06-11
@ hamada: مشاء الله عليك اجابه تدل علي الخبرة والاطلاع ....
@ عبد المنعم: صندوق العده عليا بس خدوني معاكو في المشروع نص بلية
zedony.com - A mmonem.com production. عن زيدوني - Privacy Policy