فكرة لوزارة المالية علشان مافيهاش مالية لإعانة البطـــالة

2
لسة شايفة حالاً وزير المالية بيقول انهم بيدرسوا موضوع اعانة البطالة وان الميزانية لاتسمح

طيب بغض النظر عن الاموال المنهوبة من مصر بواسطة اللى كانوا ماسكين البلد وعبقال ماتتحول هذه الاموال للشعب تانى

نطت فى دماغى فكرة

بس الاول انا مش بفهم فى الاقتصاد فاللى عنده توضيح و يقدر يفهمنا ياريت مايبخلش علينا وياريت ينقح او يرفض او يوافق على الفكرة دى

الفكرة هى:

ان كل واحد قادر يدفع 10 جنيه مثلا (اظن مبلغ صغير وممكن ان احنا نضيعه فى حاجات تافهة)ونجمع هذه الاموال لاعانة البطالة لغاية ماالبلد تقف وتدور عجلة الانتاج من جديد

خلصت الفكرة

فى انتظار مقترحاتكم وتعليقاتكم

 

إضافة 2011-05-06
غير محدد
تعديل 2011-05-06
TOOTOOMEX
6258

التعليقات

عبد المنعم 2011-05-06
انا مستعد ادفع 20 شهريا
عبد المنعم 2011-05-06
انا مستعد ادفع 20 شهريا
محمد عبد المنعم 2011-05-06
انا مستعد ادفع 30 شهريا مين يزود
زغباوية 2011-05-06
معنى كلامكم ان الفكرة حلوة
عبد المنعم 2011-05-06
طبعا حلوة
زغباوية 2011-05-06
شكرا على التفاعل بس كنت عايزة تنقيح
عبد المنعم 2011-05-06
عاوزة تنتشر الاول وبعدين نبدأ الخطوات التنفيذية
الباشمهندسة 2011-05-07
فكرتك بالظبط زي فكرة همام في امستردام لما قال محمد هينيدي لاحمد السقا هي هولندا فيها كام واحد رد علية وقاله 3 مليون فراح همام قالة مش هامشي من هنا الا لما ابقي واخد جيلدر (ما يعادل جنية) من كل ساكن فيها .

الإجابات

2
عارفه اليابانيين عملوا ايه فى الازمه الاخيره
1- اوفر تايم بلا اجر يعنى اشتغلوا مثلا بدل 12 ساعه اشتغلوا 14 ساعه وبلا اجر

2- مفيش حد بخزن اكل كل واحد بيشترى اللى يكفيه وبس عشان غيره بلاقى حاجه ياكلها ويخرجوا من الازمه بسرعه


وطبعا دى فكره كويسه وهى معروضه من بعد الثوره حتى الارقام فى التليفزيون لدعم الاقتصاد المصرى وانا معنديش مانع انضم لفكرتك الهايله
إضافة 2011-05-06
TOOTOOMEX
6258

التعليقات

زغباوية 2011-05-06
حلو ياتوتو الكلام ده بس ماعتقدش ان كتيير من المصريين فى هذا الوقت وبهذه العقليات وبهذا الاقتصاد وبالاخلاقيات الموروثة والمتأصلة من العهد القديم وان كل واحد بيدور على لقمة عيشه وقوت ولاده يقدر يشتغل بلا اجر

اما بالنسبة للتخزين فدى ممكن ستات البيوت الشاطرة تساهم فى كدا

وكويس انك قولتيلى على انها معروضة قبل كدا ولو مافيهاش تعب ممكن تكتبى لناالارقام دى علشان مش بتفرج على التلفزيون اوى اليومين دول
TOOTOOMEX 2011-05-06
هشوفها حاضر وهقولك عليها
3
والله لو فعلا هاتوصل الإعانة دي لوزارة المالية وفعلا هي هاتوفرها للشباب العاطل ,إيه المشكلة لما كل مصري قادر إنه يدفع 10 ولا 20 جنيه, وأنا شايفة إن أول خطوة نعملها إن إحنا ننشرها عافيس بوك ونشوف كام واحد هايعمللها لايك ,وبعد كده لما نلاقي الموضوع بيكبر ودخل في الجد نبلغ بقي الوزارة وهي تفتح حساب( في أحد البنوك المنتشرة بكثرة)علشان كل واحد يقدر يحط اللي هو عايزه في الحساب ده ولو حتي 5 جنيه
علي فكرة أنا بقالي كتييييييييييييييييييييييييير ما فكرتش فاللي شايف إن فكرتي ناقصها حاجة أو مش مضبوطة ماعنديش أي مانع من إنه يعدلها ؟وتيك إت إيزي.سلااام
إضافة 2011-05-06

التعليقات

زغباوية 2011-05-06
شكرا يام العيال على التفاعل
وانا كمان ماليش فى الاقتصاد خالص بس جايز تكون فكرة حلوة وانا هاحاول انشرها على اد ماقدر فى كل الاماكن المتاحة
عبد المنعم 2011-05-06
ام العيال كبرت ياجدعان وبتتكلم سياسة واقتصاد .. احمدك يارب !!
أم العيال 2011-05-07
من زمان يا والدي بس إنت اللي مش واخد بالك
zedony.com - A mmonem.com production. عن زيدوني - Privacy Policy