مفيش حاجه اسمها دلع الاحتكاك عامة كويس للاطفال وبيكون شخصيتهم واكيد هيتعلم حاجات مش هيتعلمها فى البيت بس المهم اختارى مدرسه كويسه تكون مهتمه بتنميه المهارات وذكاء الطفل ولو هيلعب بس هيكون ده كويس وبعدين بيكتسب الطفل مهارات لغويه مش هيعرفها فى البيت واستخيرى برده والله الموفق
التعليقات
اولا هو كدا سنُّه يٍدخّل المدرسة لو خدوا صغار سن
ثانيا فيه مدارس وللاسف بيكون اختيارهم لدخول الحضانة الاولوية للبيبى كلاس بتاع مدرستهم فانتى بتوديه تحجزى مكانك لو المدرسة حلوة اوى وتستاهل
ثالثا اؤيد طبعا كلام توتو انه هايتعلم وكمان ياخد على جو المدرسة ومايغلبكيش بعد كدا وانتى ومتابعتك له مع المُدرسة بتاعته
التعليقات
انا مع TOOTOOMEX في ان الاحتكاك كويس للاطفال وبيكون شخصيتهم بس اللي فهمته من سؤالك انك محتاره بين البيبي كلاس الغالي والمكلف وبين انك تقعديه في البيت من واقع معرفتي في حل اخر هو انك توديه حضانة تمهيدية وده نوع من الحضانات مش معروف لكثير من الناس بتكون زي الحضانة العادية وبيكون فيها جزء بيمهد الطفل للمدرسة ولمناهج رياض الاطفال وبتكون هذة الحضانات معتمدة من وزارة التعليم ولو مش متوفره عندك يبقي حاولي معاه في البيت من ديلوقتي واذا لاقيتي استجابته كويسة وبيتعلم معاكي يبقي مش محتاجة بيبي كلاس لكن لو عنيد او مش مهتم يبقي دخليه عشان يتعلم الالتزام.
اما عن اجابة زغباوية .... الخطأ هو ان تنسيق مرحلة رياض الاطفال الاولي (كي جي 1) بيكون من الادارات التعليمية وليس للمدرسة اي دخل فيه يعني ممكن يكون الطفل اللي في بيبي كلاس بتاع مدرسة اقل من سن المتقدمين للكي جي فلما يتعمل التنسيق بردك سنه يبقي صغير وما يتقبلش في نفس المدرسة.
التعليقات