قلبى وجعنى

4
قلبى وجعنى من شوقى وعيونى بتبكى بالدموع
وعذاب الحب قاللى ذوقى طريقى واحد مالوش رجوع
عشقاك عشق قالب كيانى حرم عيونى تشوف النوم
وأن نمت تيجى برضه فمنامى وأصحى وأفوق منك محروم
مشاعرى مش متظبطه وأفكارى كتير متلخبطه
نفسى أجيلك وأجرى عليك وأنيم روحى بين أيديك
وأملاعيونى من عينيك وأطفي نار حنينى ليك
وفنفس الوقت مش ملكاك ولاعارفه أتكلم معاك
ولاقادرةأحددأكون وياك ولابأيدى أمتى ألقاك
وبرغم الضغط والظروف مش حاسه بأى ضعف وخوف
لأنى بحبك بقيت قويه ولاأى هموم تقدرعليا
أطمن حبيبي ملكت فيا كل ذرة من الشعور
وروحى ليك وحبى قايد مهما بتبعد بالشهور


تأليف:شاعرةالموقع:لوليتا1

 

إضافة 2011-04-21
loleta1
14181
غير محدد
تعديل 2011-06-10
loleta1
14181

التعليقات

loleta1 2011-04-21
ده من تألفى ياشباب
زغباوية 2011-04-21
طيب ممكن تمضى تحت الكلام الحلو ده
عبد المنعم 2011-04-23
ايه ده يااخوانا دا اللى بيحصل فى الموقع دا .. مش ممكن شعر !! ولوليتا اللى كاتباه ؟ يانهااااااار .!!
safaa 2011-04-24
وكمان شاعرة !! ايه الجمال ده+1
loleta1 2011-05-02
طيب همضى وهاشجيكم كمان وكمان
زغباوية 2011-05-02
واحنا مستنينك وحمد الله على سلامة الكمبيوتر
الباشمهندسة 2011-06-10
الله يفتح عليك ايه الحلويات اللي عماله اقرها دي من الصبح
عبد المنعم 2011-06-12
انا قريت كلامك تانى النهارده ... اللى فيه يخوف !!!واتمنى اكون غلطان ..
loleta1 2011-06-14
والله ياعمو ده شعور زوجه ناحية زوجها فى أوقات انشغاله عنها ولو بالتفكير والسكوت (هى بتوصف أحساسها بس بصوت عالى)بتاعتبه بطريقة ظريفةوختمت الكلام بكلام مايخوفش هى بتقول أنها بتعشقة حتى لو كان صامت وساكت وبعيد أو مشغول
الباشمهندسة 2011-06-14
الظاهر ان الاناء ينضح بما فيه ؟؟؟
عبد المنعم 2011-06-15
الرجاء عدم التخبيط فى الحلل ياست المهندسة .. وشكرا طمنتينى يالوليتا
الباشمهندسة 2011-06-15
انا بتكلم عن المشاعر الرقيقة في حوار واحده بتتكلم عن جوزها اللي علي الرغم من انشغاله عنها بتألف له شعر توضح حبها ليه
loleta1 2011-06-19
طبعا ياباشمهندسة مشاعر رقيقه وأجمل مشاعر بتكون بين الزوج والزوجة
zedony.com - A mmonem.com production. عن زيدوني - Privacy Policy