لكل اعضاء زيدونى ومن اجل موقع متميز ومختلف

4
الموقع فعلا مميز ومختلف عن باقى المواقع فى شكله والموقع لسة فى بدايته فعايزينه يبدأ قوى
والحمد لله كل مواضيعه او اغلبها حلوة ومفيدة وده طبعا بفضلكم وتعبكم

وعايزينه كمان فى محتواه يكون مميز ومختلف وشامل

واقترح:
ان يكون المواضيع المنقولة قليلة جداًجداً واذا وضعنا مواضيع منقولة او اجبنا على سؤال يكون شامل يعنى ننقل من اماكن عديدة ومتفرقة وليس مكان واحد كباقى المنتديات والمواقع بمعنى نلم الموضوع
وياسلام بقى لو لاقينا عن الموضوع اللى بنتكلم عليه معلومة فى كتاب من عندنا يكون طبعا افضل وكمان لو فيها خبرة من عندنا نوضحها وتكون نيتنا ان احنا نفيد نفسنا ونفيد غيرنا وهو ده هدف الموقع ولعله يكون فاتحة خير علينا كلنا ونقدر فعلا من خلاله مساعدة الناس وتسهيل المعلومات والمعرفة عليهم بطريقة مجمعة وسهلة وبسيطة

ياريت بلاش نقل رسائل الايميلات لان مصدرها مش معروف الا اذا فعلا دورنا على المصدر او على اصل هذا الموضوع ووضحناه

وياسلام لو كلنا فكرنا وابدعنا وطلعنا الافكار والاسئلة والابداعات النايمة عندنا وتكون حصرى على موقعنا ننفرد بيها وده كله بيدينا دفعة لاننا كلنا بداخلنا طاقات وابداعات والنظام الروتينى بتاع حياتنا دفنها بداخلنا وجه وقت ظهورها

معلش الموضوع محتاج مننا شوية تعب بس التميز والاختلاف لهم قيمتهم

وياريت كل عضو عنده اقتراح بخصوص هذا الموضوع يحطه كاجابة علشان الكل يستفيد ونعمل هذه الاقتراحات ونبدأ خطوات قوية لرفع هذا الموقع لاننا كلنا فريق عمل واحد


بالنسبـــــــــة للصور:
1- مفيش صور أو فيديوهات مبحبحة شوية لا من قريب ولا من بعيد
2- مفيش صور أو فيديوهات شخصية


شكــــــــــــــرا

 

إضافة 2011-04-21
غير محدد
تعديل 2011-10-22

التعليقات

محمد عبد المنعم 2011-04-21
+517
زغباوية 2011-04-21
شكرا بس ليه مش 824
محمد عبد المنعم 2011-04-21
عشان أبقى مخنلف
زغباوية 2011-04-21
ماشى ياعم اى خدمة
safaa 2011-04-21
أنتى عارفة المكتبة والكتب اللى عندنا فى البيت أد ايه كثير.. بس مافيش مانع لو لقينا شيىء جديد ومفيد على مواقع الاخرى ىبنكتبها
زغباوية 2011-04-21
انتوا بتستسهلوا حطوا شوية من هنا على شوية من هنا وبلاش كسل
عبد المنعم 2011-04-23
لو سمحتم بسرعة اعملوالنا ركن للسياسة .. الموقع كله دخان وروايح الصوانى اللى خارجة من الفرن .. الناس تبقى جد بقى ويحطوا دماغهم فى احوال البلد المختافة .. ونعمل حوارات ومناقشات ونتوصل لنتايج وننشرها على كل المواقع .. احنا كده بنهرج وانا عندى بلاوى عايزة تتكتب .. ولما باكتب مقالة هنا بتكون المشلركات ضعيفااااااااااااااا..تخيلوا كده رأى شديد اتكتب واتنشر على تويتر او الفيس بوك واتنطور منهم على مصراوى وقمحاوى وبنهاوى وغيرهم !! متخيلين المنظر ..
زغباوية 2011-04-23
ماتبدأ ياعم وكلنا معاك ودخل لنا اصحابك فى الموقع مع العلم ان اغلب الاعضاء النشطاء فى الموقع ستات والنشاط الاساسى بتاعنا (نحن الستات)الاكل والتنظيف وتربية العيال فعايزين تدخل رجالى كثيف لانقاذ الموقع من دخان وريحة الاكل
safaa 2011-04-23
واللى ملوش فى السياسة يعمل ايه ياعضو عبد المنعم !!المسألة أنك كسلان حبتين والستات اللى بيكتبو فى ركن التغذية والتدبير المنزلى أشطر ..ولو سمحت مش عاوزين نفسنة
زغباوية 2011-04-23
وانا مع صفصف كل واحد يكتب فى المجال اللى متخصص فيه او بيحبه وهايلاقى تفاعل وبالنسبة للفيسبوك المواضيع الجامدة والابداعات والاراء الجيدة بننشرها يافندم فحضرتك ابدأ ونحن ورائك بس انت ابدأ
الاستاذة 2011-04-23
+1
زغباوية 2011-04-23
لا ياستاذة مش المهم +1 المهم اقتراحتكم وتفاعلكم هو ده اللى انا عايزاه
زغباوية 2011-04-23
وبعدين شكراً جزيلاً على +1
عبد المنعم 2011-06-09
انشاء الله هافكر لكم فى سلسلة تبسيط المعارف
زغباوية 2011-06-10
في انتظارك ياعبد المنعم فكرة حلوة طبعا
MaDa 2011-07-23
الرجال قادمون :D
الاستاذة 2011-07-23
انا مش بحط +1 على الفاضي بس انا شايفة ان الكلام ده بيتحقق فعلا مننا بدون تعمد فابنلاقي اسئلة عن حاجات جوانا ومش نسأل عنها وبنلاقي افكار جديدة في اجابات بعض الاسئلة وبنلاقي اقتراحات جديدة ما تخطرش على بالنا لاشياء في حياتنا
يعني فعلا +1 عن جدارة
زغباوية 2011-07-29
فى انتظار الرجال يامـــادا
شكرا يااستاذة بس بستفزكم علشان تخرجوا كل ابداعاتكم:-P
loleta1 2011-10-22
انا بحاول على قد ماأقدر وخصوصا في المجالات الفنيه وربنا يسهل واكون عنصر فعال
زغباوية 2011-10-22
احنا عايزين حاجات تزود وتنمي ثقافة وفكر الناس خلى الهدف ده ادامك على طول وربنا يعينا عليه يارب
bigestman 2011-10-22
ياسيد عبد المنعم بقي ده اسمه كلام يتقال لك ---- ياعضو عبد المنعم --- كده وتسكت
عبد المنعم 2011-10-23
اعمل ايه ياعم بجست باحبهم ومش هقدر امد ايدى عليهم
زغباوية 2011-10-23
واحنا بنحب نهزر معاك فيها مشكلة:(

الإجابات

zedony.com - A mmonem.com production. عن زيدوني - Privacy Policy