هنبنى مصر ازاى؟
- ايه ازاى دى ؟؟ هنبنيها بالكفاح والصبر ... بالجهد والعرق .. بالبذل والعطاء .. بالخرسانة المسلحة ..والطوب الاحمر .. ونمحر بقى وندى سكاكين معجون وندهن ونروشها اخر روشنة..
شفتم الحماس الفارغ ... حدش قال لازم نبدأ نفكر ياجماعة بجد .. نفكر !! كلنا .. مش ننصرف كل واحد منا فى حياته اليومية ونسيب غيرنا هو اللى يفكر وبعدين لما ييجى يشتغل نبدأ نهاجم افكاره .. اصحوا معايا شوية يااخوانا ولو سمحتم هاجمونى او فتحوا معايا تفاصيل فى اى مجال .. ممكن مع بعض نوصل لفكر جماعى ايجابى .. ننشره او نرفعه للمسئولين او نديه لاى حزب ينادى بيه .. .. واضح ان البلد كشفت عن احشائها وعفشتها ، واصبحنا نرى فيها مالم نكن نراه .. وواضح ان كل حزب بما لديهم فرحون..
من هؤلاء كثيرون ليس لديهم الا صوتا عاليا وغوغائية هجومية ، وليس لديهم اى فكر .. انا لسة باتكلم عن البناء .. ولن نتمكن من بناء مصر الا اذا تغلبنا على مشكلة بناء الانسان المصرى من جديد.. وهذا معناه ان نتكلم جميعا . ونسمع بعضنا البعض ، ونرد على بعضنا ونتحاور ولا نسب بعضنا ،وتدخل البلد كلها فى حالة من الطحن الفكرى والاحتكاك العقلى .. ونظل هكذا حتى تتطاير الافكار الضحلة والسلبية من عقولنا جميعا كما يتطاير التراب من السجادة بعدتنفيضها ( حلو قوى التشبيه ده) ..
ياسلام ... لما مصر يصبح عقلها رايق ، وشفاف ، وهادى ، واهلها بيحبوا بعض .. والحاكم فى خدمة شعبه وليس سيده!!
شكرا ياريس على الرابط ده وهو من رئاسة مجلس الوزراء
بنك المبادرات والافكار التنموية
وعلى فكرة انا حطيت الموضوع ده كمان على صفحة زيدونى عايزة تفاعل هنا وهنا
احنا ممكن ناخد رأى الاعضاء بس يارب حد يفكر معانا
ياتوتو مستنياكى فى الموضوع ده قبل امانزله على صفحتى
الشعب يريد بدأ العمل
الشعب يريد بدأ العمل
الشعب يريد بدأ العمل
يعنى باختصار عايزين نحـــــــــــل شغال ليل نهار البلد مش هاتقوم غير كدا وكل واحد فينا يبدأ بنفسه
وبعدين لو هانستنى لما تبطل هوهوة هاتكون الدنيا باظت لازم مبادرات وبدأ فعلى
وبعدين احنا لسة هانستنى لما دماغنا تروق عمرها ماهاتروق ايه رايك بقى فى الكلام ده