هل دماغتنا فضيت ؟
ولا احنا اللى مش فاضيين؟
ولا مش فاهمين ؟
ولا مش عاوزين؟
ولا مش عارفين ؟
ولا مش قادرين ؟
ولا مش مهتمين؟
ولا كلنا فرديين؟ ومانعرفش نشتغل مع بعض ؟ او على الاقل نفكر مع بعض؟
شاورولى لى كده فى الموقع دا كله من اول ما اتعمل ، هل فيه موضوع واحد اشتركنا كلنا او بعضنا فى مناقشته والرد على بعضنا ، ووصلنا فى الآخر لاى نتيجة ؟!!!
الواضح لغاية دلوقت ان الواحد بيحط مقالته ويخلع .. والناس تقرا وتخلع .. او تعلق بخفة وبرضه تخلع .. وما شفتش حد شبط فى اى موضوع وسخن فيه دماغه وهرش افكاره وافكار غيره .. مع ان البلد فيها حاليا الف موضوع وموضوع ..
الموقع لغاية دلوقت عبارة عن ارشيف !!
الشعب يريد هرش المخ
الشعب يريد هرش المخ
ياللا اهرشوا كلكم معايا
من الآخر أنا معنديش أي وقت فاضي للتنسيق ما بين الأعضاء .... حلال عليك انت المنصب ده ... وزير التنسيق
انت فكرتنى بالاخ القذافى اللى بيقول
مين انتم......!
على فكرة انا نشرت الموضوع على صفحة زيدونى وعملت كذا تعليق بروابط المواضيع اللى كنت عاملاها عسى ان حد يعبرنى ويقراها
وعلى فكرة ياعبدو العضو دوجلاس كان كاتب مواضيع برضوا في نفس السياق وحدش رد عليه