ايه رأيك فى أغنية ازاى اللى قالها محمد منير أثناء ثورة 25 يناير أغنية جامد وقوية ... مش كده ؟طيب ايه رأيك انه يقال ان محمد منير كان بيقول الغنوة دى على لسان مبارك لمصر يعنى مش زى ما كلنا فهمناها بالعكس على لسانا احنا لمبارك بس لو ركزنا فى كلمات الأغنية هنلاقيها فعلا لايقة انها تكون من مبارك لمصر
ثانيا الاغنية دي اتعملت من قبل الثورة بشهرين ولكن اتمنع عرضها لان اتقال ان فيها حماسية شديدة وممكن تحث علي الاضراب ولكن تصويرها هو اللي اتعمل بعد الثورة يعني لم تؤلف وتلحن وتغني اثناء او بعد الثورة علشان بس ندي للراجل حقة في النقطة دي.
ثالثا ايه علاقة مبارك بالاغنية يعني عشان هي بتقول .... أنا اقدم شارع فيكي باعتبار مبارك هو اقدم حاجة ولا ايه؟.
أزاى ترضيلى حبيبتى
أتمعشق إسمك و انتى
عماله تزيدى فى حيرتى وما انتيش حاسه بطيبتى إزاى ؟
مش لاقى فى عشقك دافع
ولا صدقي فى حبك شافع
إزاى أنا رافع راسك و انتى بتحنى فى راسى إزاى ؟
أنا أقدم شارع فيكى
و آمالك من اللى باليكى
أنا طفل اتعلق بيكى فى نص السكه و توهتيه
أنا لو عاشقك متخير
كان قلبى زمانه اتغير
و حياتك لفضل أغير فيكى لحد ما ترضى عليه
ازاى سيبانى فى ضعفى
طب ليه مش واقفة في صفى
وأنا عشت حياتى بحالها علشان ملمحش فى عينك خوف
وفى بحرك ولا فى برك
ازاى أحميلك ضهرك
وأنا ضهرى فى آخر الليل دايما بيبات محنى ومكشوف
أنا أقدم شارع فيكى
و آمالك م اللى باليكى
أنا طفل اتعلق بيكى فى نص السكه و توهتيه
أنا لو عاشقك متخير
كان قلبى زمانه اتغير
و حياتك لفضل أغير فيكى لحد ما ترضى عليه
و ازاى ترضيلى حبيبتى