حد يفهمنا كدا واحدة واحدة

2
هانروح نصوت على الاستفتاء ولا لأ؟
ولو روحنا هانقول أه ولا لأ؟
وياريت كمان اه ليه ولأ ليه؟
يعنى عايزين نفهم واحدة واحدة

 

إضافة 2011-03-14
غير محدد

الإجابات

4

طبعا كلنا لازم نروح ولو ماروحناش نبقي ناس لمؤاخزة ..........



ومبدئيالحد ماحد يفهمنا أكتر أنا مع التعديل
إضافة 2011-03-14

التعليقات

safaa 2011-03-14
وهتاخذى العيال معاكى ؟
الباشمهندسة 2011-03-14
مبدئيا كده العيال عندك ضاعت في العربي

اسمها ... لامؤاخذة
أم العيال 2011-03-14
هههههههههههههههه
لأهاسيبهم عند مامتي يا صفصف
2
اولا ... لازم كل واحد فوق 18 سنة ومعه بطاقة رقم قومي يصوت برأيه اي كان
ثانيا ...أه او ﻷ دي ترجعلك انتي اذا كنتي راضية علي التعديل لبعض المواد والا عايزة تعديل الدستور كله ولا التعديلات مش عاجباكي اصلا
ثالثا ... اللي معلن حتي الان هو ان فيه تعديلات دستوريه لست مواد وهي 76 و 77 و88 و139 ومش فاكرة الباقي وفية مادة الخاصة بتقيد الحريات هتلغي وفيه تعديل في مادة 189 واضافو لها3 مواد ملحقة وكل دي تعديلات خاصة ببنود الانتخابات الرئاسية والبرلمانية فقط من ناحية الشروط للمرشحين للرئاسة مدة الرئاسة والاشراف القضائي علي الانتخابات وهي تقريبا معظم الحاجات اللي الناس في الشارع كانت عايزة توصله بس طبقا لكلام بعض المثقفين في البرامج التلفيزيونية في نقط الناس اللي بتفهم قوي في الدستور معترضين عليها بس الناس العادية اللي زيي وزيك ماعتقدش تفرق معاهم لان اي تغير هيبقي للافضل ان شاء الله.
والله الموفق
إضافة 2011-03-14
2
يا جماعه المليارات عماله تضيع من توقف عجلت الانتاج والاسهم اللى عماله تنزل فى البورصه وعمالين نقول سرقوا فلوسنا واحنا بنضيعها زيهم المهم انا نفسى يضيفوا ماده فى الدستور تقول ان رئيس الوزراء هو اللى يمسك البلد ويبقى رئيس الجمهوريه مجرد رقيب عليه وتبقى السلطات التنفيذيه فى ايد رئيس الوزاره مع مراعاة انه ميقعدش فى الوزاره اكتر من سنه زى كل الدول المتقدمه ده ممكن يضمنلنا شويه الامور العايمه
إضافة 2011-03-17
TOOTOOMEX
6258
1
هو مش المفروض ان المجلس الأعلى يوضح لنا اذا كانت النتيجة نعم هايحصل ايه؟
واذا كانت لأ هايحصل ايه هو ده بتهيألى هايفهمنا اكتر انا امبارح سمعتهم انهم حاطين بدائل اذا كانت النتيجة نعم او لا بس مافهمتش قوى او اتلخبط بين النتيجتين
إضافة 2011-03-17
1
العملية بسيطة جدا اذا الاستفتاء كان تنيجته ﻷ يبقي هيتم عمل دستور جديد من اول وجديد ويكون علي مياه بيضاء من غير ترقيعات بس ده هيأخذ وقت قد يصل الي السنة ، واذا كانت نتيجة نعم يبقي سيؤجل عمل دستور جديد لحين الانتهاء من الانتخابات البرلمانية والرئاسية وهيكون من تكليفات الرئيس الجديد للمجلس الجديد هو ~1عمل دستور جديد وقد يستغرق الوصل لهذة النقطة سنة بعد تعين الرئيس
إضافة 2011-03-17
2
حلو جدا الكلام ده طيب ماهى اللجنة اللى هاتكون موجودة هاتكون تحت قيادة الريس الجديد يعن هانرجع لنفس النقطة دستور متفصل على مقاس الريس
إضافة 2011-03-17

التعليقات

bigestman 2011-03-17
طبعا حانروح ونقول لأ وانا عاوز افهم ايه اللي يعطل عجلة الانتاج المجلس الاعلي للقوات للقوات المسلحة في الرئاسة العليا للدولة كما لو انه يوجد رئيس للجمهورية والحكومة بتدير شئون الدولة وايه يخلي الاعمال تتعطل في البلد ولازم المجلس الاعلي يصدر اوامر بعدم ايقاف اي اعمال واللي يعمل كده يتحاكم واي اعما متوقفة لوجود اصحابها في تحقيقات او ماشابع ذلك فيجب ادارتها بمعرفة الدولة فورا لصالح مالكها
زغباوية 2011-03-17
الله عليك يابجستمان
1
أستأدنكم في كلمة عن الدستور و الديموكراتية <BR>الدى يحكم المجتمع المدنى عندما يتم فية أى إختلاف أو إجراء فالرججوع عند دلك هو القانون,<BR>إختلاف, إقامة شركة معاملات رسمية,بنكية,زواج,طلاق ف كل دلك يحكمه القانون,<BR>نفس الشيئ فى إقامة دولة, من يقود من؟,من يحكم من؟ وكيف (هل الحاكم ملك أم رئيس أم أمير أم إمبراتور) وكل نوع على حدة وضمن هدة النظم النظام الديموكراتى وهى كلمة قديمة جدا يرجع أصلها إلي اليونانية القديمة δημοκρατία وكلمة dêmos تعنى الشعب وكلمة krátos تعنى الحكم (أى أن الحكم للشعب أى هو الدى يِؤسس جميع القواعد كاملة إما بإنتخاب مباشر أو يمثل من يفعل بدلا عنة (مثل ما يفعل الان, أنة إنتخب من يفعل دوستوراً بدلا منه ثم يطلعه عليه عن طريق الاستفتاء))<BR>أما بالنسبة ل أه أو لأ أنا أرجح أه<BR>لأيه؟<BR>تصورو إن حكم البلد ده لعبة, أى لعبة, وإحنا عوزين نحدد قواعد العبة دى أو نغيرها لو كانت القواعد دى موجودة,<BR>جنا فى يوم زعلنا من بض وإتشاكلنا بسبب القاعدة و أجمعنا على إن القاعدة دى لا تصلح.<BR>ف هناك حلين<BR>يا إما نعدل موأقتا و نمشى مصلحتنا و نبدأ تغيرها بالكامل بعد ما المصلحة تمشلى؟ يا إما نأول لآلآلآلآلآلآ و نوأف كول الامور لحد ما نتفق و بعدين نبدأ نلعب من تانى <BR>متنسوش إن التعديل أكثرو شهور<BR>أما التغيير أقلو سنة (يعنى وقف حال لمدة سنةعلى الأقل )<BR>لكن للأسف التغيير له عيوبه<BR>مش من البعيد إن الفريق الجديد يتفق على قواعد جديدة ل (لعبة الحكم) أسخف من إلى عدت<BR>لكن التغيير طول ما هو مش (أبيض) ممكن نفضل نقول لا (مش هنلعلب)<BR>أنا شخصيا بحب المجازفات و خاصة إن الاحتمال الاجابى ل (أأأههه) فيها أكثر من 80% (من وجهة نظري أنا طبعاً)
إضافة 2011-03-18
حســن
1803

التعليقات

محمد عبد المنعم 2011-03-18
هو كل فترة كدة لازم تختفي شوية ... بتوحشنا
حســن 2011-03-18
معلش
إل ألم و المرض وحش
ربنا يشفى كل مريض
محمد عبد المنعم 2011-03-18
يااااااه ... الف سلامة عليك ... يا رب الشفاء ليك
ياريت كان ينفع نزورك ... لو كنت في مصر مكناش هنسيبك أساسا
زغباوية 2011-03-18
الف الف سلامة خير ان شاء الله ورنا يشفيك ويعافيك ويديلك الصحة والعافية وطمنا عليك
حســن 2011-03-19
أنا عارف إن الطريقة دى مش دموقراطية خالص خالص خالص,
لكن صدقونى أحسن لنا إن نروح بكرة كلنا و نقول نعم للأن تحاليليلى بتقولى إن لو النتيجة أصبحت لآ هندخل فى كرسة مش هنخرج منها قبل 4 أو 6 سنيين و الله أعلم
أسف جداً جداً للأسلوب الا ديموكراتى خالص (علاشلان مفيش وقط اتحاور و أشرح).
محمد عبد المنعم 2011-03-19
معاك 100 في ال 100
زغباوية 2011-03-20
ولا يهمك الموقع ديمقراطى ونسمح بكل الأراء فى كل المواضيع
zedony.com - A mmonem.com production. عن زيدوني - Privacy Policy