وصفات مختلفه لفول الصويا

3
اولا طريقة تحضير الدقيق من فول الصويا:
يحمص فول الصويا لتجفيفه من الرطوبه وذلكبوضعه فى صينيه فى الفرن على درجة حرارة منخفضه لتطرد الرطوبه ولكن لاتغير لون الفول ثم يطحن فيتكون دقيق يستخدم فى المعجنات.
ثانيا طريقةعمل حليب الصويا:
2كوب صويا منظف ينقعوا فى ماء بارد لمدة 12ساعه ثم يغلى الفول5دقائق ثم يشطف بالماء وتكرر هذه العمليه 3ثم يسلق حتى يستوى لدرجة انه يتهرس ثم يشطف ويوضع 3كوب ونصف ماءلكل نصف كوب فول صويا مطبوخ ويضرب فى الخلاط ويصفى بشاش فينتج سائل أبيض هو حليب الصويا يتم غليه لمدة 20ساعه ويحفظ فى الثلاجه.
ويحتفظ بالفول اللى فى الشاش ويسمى عجينة الفول.
كبة فول الصويا:
2 كوب عجينة فول-2كوب بطاطس مسلوقه مهروسه-2بيضه مخفوقه-بصله متوسطة الحجم-ملعقة كسبره ص مطحونه-1/2ملعقه ص كمون-1/2خردل مطحون-ملح وفلفل أسودللتبيل .
الطريقه:
أخلطى فول الصويا مع البطاطس المسلوق ثم يضاف البصل والكسبره والبهارات الأخرى مع أضافة قليل من الماء حتى يتكون عجينه متماسكه أوأضيفى بعض البقسماط تكور وتحشى بأى حشوة مناسبه على ذوقك وتغمس فى البيض والبقسماط.
طريقة كارى فول الصويا:
كوب بصل مقطع -فلفل رومىأحمر ومقطع-4قرون ثوم مفروم -فلفل حار-2ملعقه ص كركم-1/2كسبرة حب مطحونه-1/4ملعقه ص زنجبيل مطحون-تفاحه مقطعه لقطع صغيره-2ونصف كوب فول صويا مسلوق-كوب ماء-عصير ليمونه-2ملعقه كسبرة طازجه مفرومه-2ملعقة زيت.
الطريقه:
نسخن الزيت فى طاسه ونشوح البصل والثوم والفلفل ثم نضيف البطاطس والبهارات ونشوح لمدة5دقائق ثم نضيف التفاح وفول الصويا والماء ويغلى ويترك ليتسبك ويشرب السوائل وتنضج المحتويات وفى النهايه يضاف الكسبره الخضراءوالليمون
هامبورجر بفول الصويا:
1/3ك لحمه مفرومه-توابل-ملعقة نشا-1/2كوبفول صويا منقوع ويفرم كل المكونات
تفردالعجينه وتقطع لدوائر ثم تقلى فى القليل من الزيت
بالهنا والشفا

 

إضافة 2011-03-07
loleta1
14181
غير محدد

التعليقات

زغباوية 2011-03-07
الله عليكى
ده انا بدور بقالى كتير على الوصفات وطريقة عملالدقيق والحليب من زمان وكتبت موضوع فعلا عن كدا بس اللى انتى كاتباه 10 على 10 وسهل التنفيذ
loleta1 2011-03-07
أى خدمه
الباشمهندسة 2011-03-07
كتر خيريك يالوليتا كان لسه جوزي عاوز يدوق حاجات بالفول الصويا بعد مقالتك لحم الروح .... بس عايزة اسألك انت جربتي حاجه منهم وهو بيتجاب من عند العطار وهل له موصافات معينه يكون صحيح مدشوش مقشر اي معلومه مفيدة علشان اول مرة اتعامل معاه
وشكرا
زغباوية 2011-03-09
ايه ده بقى انا جبته حبوب كاملة مش مجروشة شبه حبوب اللوبيا تبقى دى غلط ولا ايه ؟
loleta1 2011-03-09
لأ صح لكل الطرق ماعدا الهامبورجر بيستخدم فيها فول مجروش ومتأسفه لعدم التوضيح
زغباوية 2011-03-09
شكرا ومفيش مشكلة
الباشمهندسة 2011-03-09
ماقلتيش هل جربتي حاجة منها ولا كلو وصفات
loleta1 2011-03-10
فى الحقيقه ماما بتعملهم لكن انا ماليش فيه كبيرى أكله نئ وزى الفل
زغباوية 2011-03-10
ايه ده بقى هو بيتاكل نى ولا ده هزار
وبعدين اخرتها ماما هى اللى بتعمله واحنا اللى افتكرناكى ست بيت ممتازة طلعتى زينا هههههههه احنا عايزين ماما شخصيا فى الموقع وربنا يخليهالك ويديها الصحة والعافية
loleta1 2011-03-10
لا والله فيا أمل بس ماليش فيه غير أنأنئه وهو نئ كده. وللأسف الحاجه ماليهاش فى التكنولوجيا خالص ست بيت من الدرجه الأولى عشان شرقاويه وكمان بتشتغل (د.أسنان )قد الدنياوفظييييييييعه بجد أحنا أمهات أى كلام جنبها ربنا يحميها ويطولنافعمرها
زغباوية 2011-03-10
امين يارب وعلى فكرة أمى برضو كــــــــــانت مالهاش فى التكنولوجيا خالص وكانت الكتابة على الكيبورد بالنسبة لها حاجة صعبة جداوكالنت بتتخانق معايا لما تلاقينى قاعدة على الكمبيوتر وسايبة البيت بس على مين وراها وراها لحد ماجبت رجليها وواحدة واحدة بدأت تدخل وتخرج وبعدين بأت تخلينى انا او بابا او حد من اخواتى اكتبلها مواضيع ودلوقتى ماقولكيش عارفة بقت ايه؟
بقت رقم واحد فى الموقع بقت أعلى الأعضاء نقاطا اكيد عرفتيها هى العضوة safaa لأ وايه اشتركت كمان فى الفيس بوك يعنى من الأخر انحرفت وبقت تتعامل مع هذه التكنولوجيا بمنتهى السهولة لأ وكمان بقينا نتخانق معاها انها تسيب الكمبيوتر شوية
ومن هنا بقولها صباح الخير ياصفصف شكلى كدا قريت عليكى ماتكتبيش مواضيع كتيرة ليه زى الأول
safaa 2011-03-10
لازم تسيحى لى يازغباوية!! ..صباح الفل عليكم جميعا ... انا فعلا دى ماقالت بالضبط ..وعقبال كل ستات البيوت اللى فى سنى يكونوا معانا على الموقع الجميل ده
zedony.com - A mmonem.com production. عن زيدوني - Privacy Policy