كووولنا بلوظة !!!

6
من شهرين بالضبط رميت هنا : ( سؤال جاد جدا) : راجعوه فى قائمتى ..
تفاعل معايا اتنين تلاتة .. وبالسلامة ياشربات ..نسينا الموضوع ..
احنا بقى لنا شهر فى ثورة .. حد اهتم ؟؟ يراجع السؤال ؟ ؟ او يعيد طرحه للمناقشة ؟ ؟ اهو الواقع الثورى طرح نفسه فعلا !!!
هل سكان الموقع ده ما عندهومش غير الأكل والشرب!!!!
ماحدش منكم بيتكلم ليه فى السياسة والاقتصاد والانتخابات وووووووووو!!!!
فين بقى زيادة المعرفة وترقية الوعى وتوسيع المدارك !!!!
مش بأقولكم كووولنا بلوظة !!!

 

إضافة 2011-02-28
غير محدد
تعديل 2012-07-24
HoSSaM
2975

التعليقات

loleta1 2011-02-28
وأى بلووظه ياأفندم واضح أن أحنا أخدنا على الخرس السياسى وسياسة تطبيق خليك فى حالك جنب الحيط وكمان لاأرى لأأسمع لاأتكلم .
أو أن الناس من كتر ماقاطعت الأنتخابات نسيت
عارف لوالأولاد اللى ماتوا فى التحرير صحيوا وشافوا كده هيموتوا تانى بس بغيظهم.
أنا بضم صوتى لصوتك أتكلموا عهد السكوت خلاص ولا ورحل
مابقاش فى أى حجج لأظهار الأراء
محمد عبد المنعم 2011-02-28
فعلا خاجة تشد ... تنظيف - مقبلات وشوربة - معجنات ... هايل جدا
أنا محتاج حد يشجعني - بشكل عملي طبعا - عشان عندي فكرة كمبيوترية تنفع تتعمل برنامج أو موقع هيكسر الدنيا مش بس مصر.
الفكرة دي unique وبتاعتي 100% وهتعمل طفرة في الأنظمة السياسية العالمية ... أو على الأقل هتساعد
loleta1 2011-02-28
يلا أيدينا على برنامجك توكل على الله وربنا معاك
محمد عبد المنعم 2011-02-28
ياللا ... آدي صوت
فين الباقي؟
أم العيال 2011-02-28
أوعدك ها أقرا وارد عليك
علي فكرة حلوة قوي التصنيفات دي يا عبودة
safaa 2011-02-28
ايوه ياسى عبده ..طلع كل اللى جواك ..داأنت بقالك أكثر من 30 سنة وانت بتشتكى من الحكومة واللى بيحصل فيها لحد ماخلاص كنت هفقد الامل الحمد لله ..
الباشمهندسة 2011-02-28
ربنا معاك يا Monem ويوفقك ويهديك لخدمة المجتمع والناس والاسلام
الباشمهندسة 2011-02-28
علي فكرة يا عبد المنعم بقترح عليك تغير تصنيف معجنات الي تصنيف ديكور عشان يبقي ملائم اكتر للموضوع .... والاختيار ليك طبعا :-)
زغباوية 2011-03-01
حضرتك انا من ساعة الثورة ماحصلت والنت رجع كل مواضيعى عن اللى بيحصل والمفروض نعمله واراء وماشابه وحضرتك ما دخلتش اى موضع فيهم وكنت مستنية تدعيمك (وممكن نخلى شعارنا دعمنى وادعمك)
وياريت تكتب لنا اسم الموضوع ايه بدل مانراجع كل مواضيع للتسهيل على الاعضاء
زغباوية 2011-03-01
وبالنسبة للعضو Monem انا هاشجعك ابدأ واحنا معاك بس ابدأ وبالش كسل
<الصحافة فين واحد بيفكر اهو>
<الصحافة فين واحد بيفكر اهو>
حلو التشجيع ده
ومدام هاتعمل طفرة سياسية عالمية ساكت ليه ولا مستنى لما حد ياخد فكرة ويا يشتروك يايخطفوك
safaa 2011-03-01
هو ياختى من ساعة الثورة وهو فاضى لنا العضو عبد المنعم ،دا كل وقته بيضيع امام التلفزيون وسماع الاخبار محلية وفضائية مش مخلى حاجة، حتى الاخبار على النت، وسايب مصالحو كلها حتى ملكات النحل مش فاضى يروح لها
محمد عبد المنعم 2011-03-01
انتي بالذات تسكتي يا زغباوية ... أضمن منين ان مصير الموقع الجديد مش هيبقى زي مصير زيدوني.كوم كده؟ أقعد أشتغل شهر وكل اللي بيخش على الموقع مايكملوش 100 يوميا ... ما كنت عملت كوبي لبرنامج مواقع في ساعتين وخلاص بقى ... بلا بتاع بقى !!!
loleta1 2011-03-01
والله عندك حق
زغباوية 2011-03-01
معلش انت عايز الموقع يتشهر كدا فى 3 شهور دى منتديات معروفة جدا دون ذكر اسماء ماتشهرتش غير بعد سنتين وبعدين الموقع يحتاج شغل جامد علشان يشد الناس
وبعدين برضوا محتاجين دعاية جامدة من ادارة الموقع لحسن هانقوم بانقلاب عليها وانت عارف اسهل حاجة اليومين دول الانقلاب
ممكن حضرتك تعمل اجتماع طارئ او حفلة افتتاح لأعضاء الموقع فى مكان عام (وده انا طالبت به كتي لكن سيادتك مشغول) واللى مش هاييجى نخصم منه 100 نقطة
زغباوية 2011-03-01
وبعدين ليه عدم الثقة دى حضرتك اجتهد وتوكل على الله ولكل مجتهد نصيب
وكمان شهر شغل على موقع مش كتيير عارفين انك تعبت جدا جدا وكل الفنيين اللى اشتغلو معاك والمواقع محتاجة شغل باستمرار وتطوير دائم مانتوش اد المواقع بتعملوها ليه
وبعدين لو الهدف واضح امامك ابدأ وتوكل على الله وماتهتمش بالنتيجة السريعة
واصلا حضرتك فى الفترة الاخيرة كنت مقل جدا فى كتاباتك للموقع وممكن نطالب بخصم رصيد نقطك لو استمريت
وانا وراك لحد ماتعمل الموقع الجديد ونبقى ضمنا دخول اعضاء موقعنا زيدونى للموقع الجديد واللى مش هايدخلو هانعاقبه بخصم نقط ايه رايك
محمد عبد المنعم 2011-03-01
أفضل خصم فلوس مش نقط ... النقطة تساوي مثلا جنيه
وممكن نبيع النقط للي عايزين ... الخير كثير والنقط كثير ... كمان ممكن يبقى فيه خصومات ... يعني مثلا ممكن تتفع عشر آلاف جنيه وتاخد عشرين ألف نقطة ... كده
ياللا هنبتدي بيكي عايزة بكام؟
زغباوية 2011-03-01
هو الموقع ده فيه صناديق خاصة ولا ايه؟
وبعدين مش عايزة نقط ياعم انا عايزة تفاعل
أم العيال 2011-03-01
إن الله مع الصابرين يا monemوعلي فكرة زيدوني ده أحسن موقع دخلته وبدون مبالغة ومختلف عن أي حاجة تانية ولو سمحت ماتغلطش فيه وتتكلم عنه بطريقة أحسن من كده ...إنت صحيح الريس بس معلش يعني إحنا برضه لينا بصمه
عبد المنعم 2011-03-02
انتم فعلا اكدتم بأنفسكم أن كلنا بلوظة بالفعل مش بس بالكلام .. راجعوا كده اللى كتبتوه كلكم .. خرجتم من الموضوع الأصلى .. هاهاهاهاهاهاهاها ى صباح المهلبية !!!
loleta1 2011-03-02
معلش لو تدخلت ياأخ منعم بس فعلا موقعك مميز وبسييط وده اللى شدنى ليه من أول مادعيت لزيارته وبعدين كل واحد بيأخد رزقه وأعمل اللى عليك وكمان عندك حق ينقص الموقع التفاعل لازم اللى يدخل يكون مهتم بالتفاعل .ويازغباويه الرحمه حلوة هو ده موسم الأوكازيون ولا أيه خصم خصم خصم ده كده أسلوب تطفيش مش ترغيب أعكسيها يعنى لو تفاعلت ليك نقاط لو حضرت الندوات ليك نقاط كده لو حد دخل الموقع وأتعلق بيه هيحاول يعلى ويحصد أكبر عدد من (البونس)أو المكافئات النقطيه
محمد عبد المنعم 2011-03-02
على فكرة ... أنا كنت بهرج طبعا ... الموقع ده هدفه نشر المعرفة بشكل سهل لكل الناس ... المشكلة اني ما بقتش قادر أوفر له وقت لتنفيذ كل المطالب والأفكار بتاعتي وبتاعت كل الأعضاء.
لكن ان شاء الله هتتدبر قريب
أم العيال 2011-03-02
أولا ياريس ربنا معاك ويقدرك وعلي فكرة أصبر حبة و
هاتلاقي زيدوني في العلالي
أما الباشا عبد المنعم أنا حاسة من بدري إن الكل بيتكلم في حاجة غير اللي حضرتك تقصدها وكنت باقول يمكن أنا اللي مافهمتش كلامك كويس (الظاهر إن ده طبع بقي ...نعمل إيه؟!!
زغباوية 2011-03-02
loleta1 عندك حق ونخليها ترغيب مش تطفيش

عبد المنعم خليها صباح البالوظة اوقع لتتماشى مع اسم الموضوع اللى خرجنا عنه بس كله للموقع

Monem شوفت بقى لاقيت ناس كتيرة تدافع عن الموقع ازاى مابقاش بتاعك لوحدك ياريس ومقدرين انك مش فاضى بس برضوا وراك لحد ماعرف الموقع التانى واخليك تعملوه وانت عارفنى لما بحط حاجة فى دماغى
HoSSaM 2012-07-24
[ __مشاركة محذوفة__ ]
HoSSaM 2012-07-25
الله عليك يا عمو عبده وأنت بتقيّم شعرى بـ -1
عموماً دا رأيك الشخصى وأنا شخصياً بحترمه جداً
والحمد لله قدرت أوصل للى كنت عايز أوصله خلاص:D
فاكر لما سألتنى بتفاخر الناس بإيه ؟؟؟ قلتلك بعلمى
علشان تتأكد بس إنى صح:(
zedony.com - A mmonem.com production. عن زيدوني - Privacy Policy