هدية عيد الأم جبتوها ولا لسة بتفكروا عايزين افكار مبتكرة

5
يالا كل واحد فينا يفكر ويقترح وناخد كام فكرة حلوة
وطبعا يادوب مفيش وقت على بال مانفكر وندور ايه المناسب ونعمل حسابنا
وكل سنة وكل الأمهات بخير ويبقى انا اول واحدة اعيد على امـــــــى

وكل سنة وانت طيبة ياامــــــــــــــــــــــــى

 

إضافة 2011-02-26
من تأليفي
تعديل 2017-03-15

التعليقات

loleta1 2011-02-27
لأ مش لسه بدرى ده أحنا لازم نفكر أزاى نسعدها وده ليوم واحد [مابالك هى اللى بتفكر فينا وفى سعادتنا وأستقرارنا كل يوم]
زغباوية 2011-02-27
عندك حق ومزهقينها وقارفينها وشايلنا همنا حتى بعد ماتجوزنا
الباشمهندسة 2012-03-21
الظاهر مفيش حد بيشتري هدايا في الموقع دا :D
انت كتبتي السؤال دا من سنة وانا كتبت السؤال ღღ °° ست الحبايب °° ღღ دا من عشرة ايام وبردو مفيش حد بيجاوب يا عيني علي الام

عارفة لو كنتي كاتبتي هتجيب ايه لحبيبتك في عيد الحب الفالنطيّن :(
كان يمكن نلاقي عشرين اجابة لسؤالنا :'(
زغباوية 2012-03-21
:( ههههه فعلا بس انا لسة شايفة السؤال وجاوبت عليه
loleta1 2012-04-01
هههههههههههههه ولا حتى الفالنتين بقه بيتجاب فيه ولولا التعب كنت قلتلكوا قبلها مش بعدها

الإجابات

6
عيد الأم ده يوم بنقدر فيه أمنا[ياعينى على الأم وحنان الأم]الهدف منه سعادتها وأحساسها أنها أثمرت أولاد صالحين مش مهم أيه هى الهديه ولا أيه قيمتها المهم أنها تكون مفيده ويفضل لو كانت [الأم]محتاجاها يعنى أنا مثلاأجمل هديه فرحت بيها أمى كتيير كان سكر مخصص لمرضى السكر وهى مريضة سكر وبرضه الهديه بتبقى أجمل وأظرف لوتعاون كل الأولادوالبنات فيها يعنى بنجمع من بعضينا كلنا باللى نقدر عليه مش لازم كله زى بعض ونجيب هديه واحده وجبنا لها[حلق دهب]سابت كل دهبها ولبسته لأنه دليل على تعاون حب الأخوات لبعضهم وحبهم ليها.
أما بالنسبه للهديه نفسها مش شرط تكون ماديه ممكن تبقى معنويه يعنى نفسحها نخرجها نوديها سينما أو مسرح نمشيهافى نادىأو على الكورنيش مع زر بطاطا حلو نحاول نتجمع كأخوات فى اليوم ده عشان تحس بلمتنا مع بعض لأن ده عند كل أم بالدنيا ومافيها وتدلعوها فى اليوم ده لاتطبخ ولاتعمل اللى تقدر تطبخ تطبخ واللى تعمل حلووتملئوا الجو فرحه ونكت وبهجه.
الأفكارالجديده:
ممكن تعملوا بوستر فيه صور الأولاد كلهم وتحته كلمه[بنحبك ياأمى]ويتبروز جنب هديه رمزيه بسيطه من كل واحد من الأولاد.
او تجيبو دلاية ليزر وعليها صوركم.
أو مثلا تشوفوا أهتمامها أيه وتجيبوه يعنى:
لو بتحب قراءة المصحف نجيب لها قاعدة المصحف أومصحف حجم كبير وحروفه كبيرة أوجهاز تعليم ترتيل القرءان.
لو بتحب اللبس نجمع ونجيب طقم كامل تايير مثلا بشنطه وحذاء وأيشارب
لو بتحب النت نعمل ندفع لها فاتورة سنه مقدم.
لوبتحب التحف نجيب حاجه كرستال رقه.
لو بتحب المطبخ.نشوف حاجه ناقصاها ونجيبها أو نجيب حاجه مكمله [ساعة مطبخ_مقياس حرارة الطبيخ-ميزان -دوارق ومعالق عياريه بالمللى والجرام-ألخ]
ممكن نجيب أجهزة قياس الضغط والسكر والحراره اللى بالبطاريات فماتحتاجش تنزل عشان تقيسهم.
ممكن نجيب مخدات أوسابوه طبيين عشان الراحه.
ولو شغلنا قلبنا شويه هنلاقى أفكار لاتعد ولاتحصى لأن حب الأم مالوش حدود
إضافة 2011-02-27
loleta1
14181

التعليقات

زغباوية 2011-02-27
الله الله الله من الأول للأخر افكار حلـــــــــــوة
safaa 2011-02-27
جميل قوى يالولو.. يعنى السنة دى هيكون فيه اختيارات ياسلام!! وعلشان كده هتأخذى +1 ياله
أم العيال 2011-02-28
إنتي كده زودتيها ياست لوليتا
إيه الأفكار الجامدة دي
تستاهلي+1
safaa 2012-03-21
لوليتا افكرها كلها حلوة ....وكل سنة وكل الامهات الصغيرات طيبين
loleta1 2012-04-01
والله ياطنط خلاتي وبنات خلاتي وإخواتي كله إتجمع السنه دي عند ماما وانا الوحيده اللي مارحتش عشان كنت تعبانه كتير وهي اللي جاتلي وفيوم عيد الأم عشان تتطمن عليا في تعبي (ربنا يخليكي ليّا ياأمي )
وهدية السنه دي كانت (ريسيفر بالفلاشه عشان ماما وبابا بيتابعوا البرامج ويسجلوا منها على الفلاشه على طوول جمعنا كإخوات وجبناه ليهم)
زغباوية 2012-04-01
حلو اوى الهدايا العملية دى:( ربنا يخليهالك
الباشمهندسة 2012-04-01
ازيك يا لولو ...الف سلامة عليكي
5
انا جبت لمامتى شنطة يد وازازة برفيوم
وكان نفسي طبعا اجبلها الدنيا كلها نور عيونى مامتى
وكل سنة وكل الامهات بخير وسعادة وصحة جيدة
إضافة 2012-03-24
zeze
4034

التعليقات

زغباوية 2012-03-26
ياعم ياعم .....ربنا يخليهالك
zeze 2012-03-27
ويخليلك ماما صفاء يارب ويحفظهالك
زغباوية 2012-03-28
يــــــارب
loleta1 2012-04-01
أمين+1
الباشمهندسة 2012-04-01
ربنا يخلي كل الامهات ويديم عليهم الصحة والعافية
zeze 2012-04-12
اللهم امين
safaa 2013-03-18
ربنا يخليكى يازيزى بجد حبيبتى
zeze 2013-03-18
ويحفظك يا ماما يارب ويبعد عنك اى شر
3
الهديه موجوده من زمان ، انا الهديه يعني :D
إضافة 2013-03-17
Shady Taha
3658

التعليقات

زغباوية 2013-03-17
:(
safaa 2013-03-18
فعلا احلى هدية ربنا يخليك لهاياشادى وتفرح بك وتشوف اولادك يارب
zedony.com - A mmonem.com production. عن زيدوني - Privacy Policy