رز بلبن

2
أنا كان عندي رز بلبن كتير فايض من عزومة ممكن طريقة أستفيد بيها منه لأني مستخسرة أرميه

 

إضافة 2010-12-04
سلوى
1771
غير محدد

الإجابات

3
عندى كذا حل:
------------
1-ممكن تحطيه فى حلة تانى وتضيفى له لبن بحيث يصبح طرى ولين وتضيفى له الزبيب والمكسرات او الفاكهة مثل الموز فهو يعطى نكهة وطعم حلو للأرز بلبن وتضعيه بالثلاجة ولكن مغطى علشان وشه ماينشفش

2- وممكن بعد ماتزودى عليه اللبن تحطيه فى الفرن علشان وشه يحمر ومش هاتحسى بفرق

3- لو عندك اطفال وعايزة تجددى لهم :
كورى الرز بلبن (وهو ناشف علشان تعرفى تكوريه) كور صغيرة متماسكة وممكن تضعى بداخلها(تحشيها) زبيب او مكسرات ورشى عليها او دحرجيها فى جوز هند او المكسرات المجروشة او سودانى مكسر

وبالهنا والشفا
إضافة 2010-12-15

التعليقات

safaa 2010-12-15
الحل الاول والثانى كويسين جدا بلاش الثالث
الباشمهندسة 2010-12-15
انا مش مع صفاء الحل الثالث جميل وبسيط ومافيهوش مواعين ودربكة وكمان مبتكر خالص .... صيني صيني يعني
زغباوية 2010-12-16
ياصفاء الولاد يحبو الحاجات دى لانها شبه المصاصةوالحلويات اللى بنشتريها وده بديل صحى اما بالنسبة للباشمهندسة حل مبتكر خالص يعنى مصرى اصلى صنع فى مصــــــــر يعنى
zedony.com - A mmonem.com production. عن زيدوني - Privacy Policy