مختلفين بس مش مُتخلفين

7
كل الناس بقت بتتدخل في حياة كل الناس بطريقه تضايق كل الناس ...وكل الناس بقت بتأسفن وتحبط وتحقر كل الناس بطريقه برضه بتضايق كل الناس
هو انا لازم عشان ابقى حلو انت تكون وِحش ...ولاَّلازم عشان أكون فوق تبقى تحت؟؟؟
هو مينفعش نبقى احنا الاتنين حلويين؟؟؟
انا الفراولة وانت التين؟؟
انا الخيار وانت اليقطين؟؟
انا فنانه وانت من المُلتزميين؟؟
انا زمالكاوية وانت من الأهلاويين؟
انا يساريه وانت من أهل اليمين؟؟
انا عصرية وانت من المتحنطين؟؟
مينفعش نبقى مُختلفين؟؟؟
مُختلفين بس متربيين؟
مُختلفين بس متفاهمين؟
مختلفين بس مُتحابين وعندنا شرف وأصل ودين؟
ياريت دايماً نبقى مُختلفين بس مِش متخلفين.

 

إضافة 2015-07-21
loleta1
14181
من تأليفي
تعديل 2015-07-21
loleta1
14181

التعليقات

زغباوية 2015-07-21
ايوا بقى فينك من زمان وحشتينا ووحشتنا كتاباتك
زغباوية 2015-07-21
للاسف اغلب الناس بقت كدا ومحدش عايز يسمع حد... الكل عايز يتكلم وخلاص ويثبت انه صح
عبد المنعم 2015-07-22
ياسلام على حنكة السنين!!!!
loleta1 2015-07-22
موجودة يازوزو.....لا بس بجدحقيقي استفزوني اني اكتب عن الأختلاف من وجهة نظري وابسط مثال مبارة القمة بتاعة امبارح دول بيشتموا في دول ودول متغاظيين من دول ودول بيسخنوا بين دول ودول :-)
والنتيجة النهائية تخلف عام :-)
زغباوية 2015-07-23
عندك حق ربنا يهدي
mohamedhamdy 2015-07-26
كلام مظبوط
أم العيال 2015-07-26
ياسلااااام على كلامك يالوليتاااااا
safaa 2015-07-26
بصراحة كل يوم باكتشف انك عبقرية
وحشتنا مواضيعك يالولو
safaa 2015-07-26
بس فى تنافس دلوقتى بينك وبين الفنان ابو شهاب
جميع المقالات موجودة على الرابط:
http://zedony.com/u/470
zedony.com - A mmonem.com production. عن زيدوني - Privacy Policy