سؤال لكل اعضاء الموقع بجد عايزة الكل يجاوب ويفكر معايا

6
وبعدين؟  
هانعمل ايه؟
 ولا هانقف نتفرج ؟
هو مش الموقع ده معمول لزيادة الوعى والمعرفة ؟
طيب هانقول لولادنا ايه ؟
طيب هايكونو فخورين بينا لما نموت ولا هايقولو اهى صفحة وراحت؟
طيب محدش نفسه يشارك سواء موافق ولا مش موافق؟
طيب مش الناس اللى فى المظاهرات دى هى اللى خلت فيه حاجات كتيرة فى البلد تتغير؟
ووجودهم ضمان لينا ان الأوضاع مش هاترجع تانى زى ماكنت عليه ؟
طيب ايه بقى؟
مش الواجب ان احنا حتى لو معرفناش نشاركهم ندعمهم او حتى نشكرهم 
محدش عنده فكرة نشارك بيها حتى لو كانت صغيرة؟
بتهيألى نفكر سوا هايكون افضل
 الكل يعصر دماغه بدل مانندم 
 وولادنا يقولولنا هو انتوا كنتوا فين 
هو انتوا مش من البلد دى ولا ايه ؟
حبة فوقان بقى لوسمحتم وحبة تفكير وحبة انتماء على شوية يقين وبلاش بقى خوف وبلاش سلبية خلينا بقى ايجابيين ولو كنا حتى مختلفين
وفكرة على فكرة اكيد هانعمل حاجة كبيرة
ونفسى نفسى نفسى يكون ليا دور حتى لو محدش ساعدنى بس اعمل حاجة اقابل ييها ربى واقوله يارب ماكنتش بتفرج وخلاص 





يارب استخدمنـــــــــــــــــــــــــــا ولا تستبدلنا


 

 

إضافة 2011-02-08
غير محدد

التعليقات

الباشمهندسة 2011-02-09
+1 انا سعيدة انه معنا عضوه نشطة زيك
زغباوية 2011-02-09
شكرا بس يارب اكون نشطة بجد مش كلام وخلاص
زغباوية 2011-02-09
من زمـــــــــــــــــــــان وانا بفكر اعمل حاجة بجد بس مش عارفة ولو ترجعى بالذاكرة لوراء حوالى 6 سنين كنتى الوحيدة اللى ساعدتينى

الإجابات

1
كل المشاكل اللي كنا متعايشين معاها قبل كدة وبنتعامل معاها بسلبية وفي الآخر نشتم ونقول هو الشعب المصري كده ... لازم نعمل حصر بكل المشاكل دي ونبتدي نتناقش في الحلول ليها
إضافة 2011-02-08

التعليقات

زغباوية 2011-02-08
حلو بداية موفقة يالا نبدأ
زغباوية 2011-02-08
وده كان موضوعى القادم بس لو تحب نناقشها هنا
1
ماتيجو ننزل التحرير يوم الجمعة من بدرى وناخد كام كيلو موز على كام علبة بلح على كام كرتونة عصير وممكن يكون باسم الموقع او كل واحد لوحده اللى نتفق عليه ونروح نشوف ايه اللى بيحصل هناك اكيد اكيد دماغنا وتفكيرنا هايختلف وممكن نرجع نفكر نعمل ايه بجد
إضافة 2011-02-08

التعليقات

زغباوية 2011-02-09
شكلى هاروح لوحدى ولا ايه طيب وصيتكو العيال
أم العيال 2011-02-09
روحي إنتي بس وماتخافيش عليهم ...هاهاهاي
أم العيال 2011-02-09
وبعدين يا زغباوية هاتخدي كام صوباطة موز علشان تكفي العالم ده كله ...ولا أقولك شدي في إيديكي تلات أربع شجرات موز عشان تضمني أنك تكفيهم
زغباوية 2011-02-09
لا حضرتك انا مش بقول كدا انى هاكل كل الناس دى ربنا يزيدهم ويكترهم يارب ويحفظهم انا بقول لو كل واحد عمل اكل يكفى 10 اشخاص مثلااو جاب كرتونتين عصير مثلا او 5 ك موز مثلا كل واحد ومقدرته حتى لو كيلو واحد يكون شارك ولو بقدر بسيط وفعلا فيه ناس كتير بتعمل كدا انا مش جايبة حاجة من عندى
3
بصي يا زغباوية أولا عمر ميدان التحرير ماهايكفي ال80مليون فانتي أقصري الشر وكني فبيتك وخافي علي عيالك ...وكفاية أوي أنك تدعي ,,,وممكن تزودي الدعا قدام الولاد علشان يعرفو أنك من البلد دي وإنك ليكي دور
إضافة 2011-02-09

التعليقات

زغباوية 2011-02-09
ده كلام ناس خايفة وسلبية والحمد لله مش خايفة وان شاء الله ماكونش سلبية
safaa 2011-02-20
ايه الكلام الجامد ده ياأم العيال والله عندك حق ..هديكى+ 1
3
اعتقد ان اللى تم حتى الان انجاز كبير جدا جدا يوازى ايام الضنك اللى احنا عشناها بل يفوق ..واحنا ما علينا الا إن احنا ننتظر ونلتقط الانفاس حتى تظهر اثار هذا التغيير ... وانا حاقرب العمل اللى اتعمل ده بالضبط زى الفلاح اللى بيبذر البذور فى لارض ...هل هو بيجنى الثمار فى التو واللحظة ..ولا بينتظر حتى تنبت النبتة وتطرح وفى خلال الفترة يتم مراعاتها من الرى والتطهير والعلاج بالمبيدات الى اخره من الاعمال التى تضمن له الحصول على اعلى انتاجية .
اهو دة بالضبط اللى يجب علينا عمله فى هذه الفترة .....
اما الناس اللى لسة مستمرة فى ميدان التحرير دية :
اما مخرب
اما دماغة لسعة ، وافقه ضيق
اما غاوى عناد على اى حال
اما عميل لاحد الدول او الجماعات التى تريد الانهيار لمصر
* اما مش فاهم اى حاجة فى اى حاجة خالص ....
والانواع دى كلها مرفوضة من المجتمع عامة ، وايضـــا مرفوضه من اصحاب التغيير الحقيقين شباب يوم 25 يناير 2011 .. وعليه لا يصلحوا ابدا من تبقوا فى ميدان التحرير حتى الان ان يكونوا من حملة مسؤلية هذه الامة مستقبلا بشكل او بآخر .
ودعائى الى كل من يحب هذا الوطن ان يتحلى بالكياسة ، والحكمة ،والصبر ... وان ينبذ العصبية ، والرعونة ، والطيش ....
وفقنا الله جميعا الى ما فيه خير هذة الامة .....
إضافة 2011-02-09
hamada
9325

التعليقات

زغباوية 2011-02-09
معلش اختلف معاك فى النقطة دى لان مجرد بقائهم فى ميدان التحرير ضمان لكل الشعب على ان لاترجع ريما لعادتها القديمة وان كل فاسد اكيد هايوقف نشاطه ويحاول يتراجع ولو مشيو فعلا بتهيألى هانرجع للوراء كتيـــــــــــر
أم العيال 2011-02-09
أنا معاك جدا يا حمادة
hamada 2011-02-09
هو فيه ضمان بعد ما الدنيا كلها عرفت الاحداث واللى تمت علنا على كل وسائل الاعلان المسموعة والمرئية والمقروءة فى جميع انحاء الكرة الارضية ....واهو الشباب موجود وميدان التحرير موجود والحماس موجود والصحوة بدأت ولن تنطفئ الى نهاية العمر ...ولا ايه رايك يا زغباوية مش عايزين ننكسر كفاية خراب لغاية كده .
زغباوية 2011-02-09
معلش الاختلاف لايفسد للود قضية طول ماالرجالة دول واقفين فى الميدان وهما الاقوى اولا بيجمعو ناس كتيرة حولهم وناس كتيرة ماكانتش فاهمة بتفهم اكتر
وثانيا الطرف التانى وهو ضعيف الان بيقدم تنازلات اكبر واكبر
تالت حاجة برضو لو الولاد مشيو الطرف الأضعف هايقوى ويستفحل ومن ادراك ممكن كمان يقوم مظاهرة المرة دى اشد من الأولى تطالب النظام بالبقاء
صح ام خطاء
وبعدين اللى بيحصل دلوقتى مع الناس اللى مسكوهم هما الأكبر منهم ماكانوش عارفينه قبل دا وخايفين ان كل المستخبى يبان
ولو ماكانوش عارفين ايه اللى بيحصل من وراهم تبقى خيبة منهم وماينفعوش
زغباوية 2011-02-09
وعلى فكرة انا مسئولة مسئولية كاملة عن كلامى
hamada 2011-02-10
ده كله وارد ... بس احنا عايزين نطلع باقل خسائر ونحقـــن دماء الشباب اولا واخيرا .
zedony.com - A mmonem.com production. عن زيدوني - Privacy Policy