مشاعر أون لاين

3
وانت بتتصفح الفيس بوك هاتلاقي فى اللحظة الواحدة جمعت بين كل المشاعر الموجودة بالدنيا فهذا نشر بوست حزين فتحزن معه وبعدها آخر ينشر نكتة او موقف مضحك فطبيعي هاتضحك وبعده خكمة فتقول فعلاً وصحيح بتحصل وبعدها دعاء فتتأثر به وتقول آمين ونرجع تانى ....

حتى العلاقات الأسرية بقت عبارة عن بوست ينشره احد الزوجين او الأبناء ويتعمله لايك من باقي افراد الاسرة ولو في نفس اللحظة حد منهم اتكلم وطلب حاجة من اللى قاعد ينشر يروح شاتم ومزعق في اللى طلعه من تركيزه ووقته الثمين

حتى الدين بقى بوست من ضمن البوستات فى قرآن او حديث كل علاقتنا بيه اننا بندوس لايك

كل ده ليه لأننا فقدنا طعم الحياة الاجتماعية والمشاعر الحقيقية فأصبحت كل حياتنا عبارة عن تأثير لحظى وضغطة على الماوس بلايك او شير

لدرجة اننا بقينا حتى لو اتجمعنا تلاقى كل واحد فاتح الفيس بتاعه وبيتجاوب معاه وفجأءة يضحك وفجأءة يدمع وهكذا ومش حابب حتى يقعد مع اللى جنبه ويعيش ويستمتع بحياته الواقعية وليست الوهمية مع نفسه

تحياتي بحياة حقيقية افضل واسعد
زغباوية

 

إضافة 2014-08-12
من تأليفي

التعليقات

Menem 2014-08-13
طب لو انت جدعة تعالى نمتنع !!!
محمد عبد المنعم 2014-08-13
الله ده انتي كاتبة بقى!
محمد عبد المنعم 2014-08-13
الموضوع حلو والأسلوب كمان ... 100 100 يا زغباوية
محمد عبد المنعم 2014-08-13
رائع
زغباوية 2014-08-13
بحاول يامنعم بس ساعات مش بتقدر علشان فيه حاجات بدخل ادور عليها فتلقائي بتتفاعل بس اللى نقدر نظبطه هو عدد الساعات او الوقت يتحدد ويتقنن مانسيبش نفسنا لهذا الإدمان
زغباوية 2014-08-13
محمد عبد المنعم 3 تعليقات مرة واحدة ....شكراً جزيلاً ...رفعتوا معنوياتى ......
الباشمهندسة 2014-08-13
دا مش صحيح .. ... دي قلة مندسة هي اللي بتعمل كدا .... .... ممكن تعملي ورقة تعلقيها علي باب الشقة من فضلك قبل الدخول اغلق الواي فاي او الفيس بوك زي الجوامع كدا لما بتقولك اغلق التليفون المحمول :(
زغباوية 2014-08-13
حلوة اوى قلة مندسة :D بس هى في الواقع كثرة مندسة
Menem 2014-08-14
حطيتلك المقال على تويتر ...علشان الحياة يصبح لونها لبنى!!!!!!!!!
Menem 2014-08-14
بس اجمل حاجة تكة الاضافة دى !!! فرقت كتير
زغباوية 2014-08-14
ايوا فعلا فرقت كتير ونحتاج المزيد دعواتكم للريس ...وشكرا على النشر في تويتر :( ...
zedony.com - A mmonem.com production. عن زيدوني - Privacy Policy