ذات يوم تقومي تجهزي السحور ....... آن آن آآآآآآآآآن

4
بالمناسبة آن آن آآآآآآآآآنن دي موسيقي تصويرة فيها عنصر تشويق

الحكاية دي حقيقية وحصلت معايا بالفعل بالامس

بالليل خالص بعد ماخلصت صلاة اتفجأت ان معنديش عيش طيب اعمل ايه اتصرف ازاي الوقت اتأخر قوي وماعنديش جلاش ولا رقاق ولا اي حاجة ممكن تبقي بديل ...

بس الجيش قالك ايه .....إتصرف

قررت وفي لحظة تجلي اعمل عيش بيتي بس ماكنتش عايزة اشغل الفرن وكمان ماعنديش خميرة بيرة ولا حتي جافة ... بس الحمد لله عندي دقيق

المقادير :
كوب دقيق
ملعقة كبيرة زبادي = نصف كوب جاهز تقريبا
ملعقتين زيت
ذرة ملح
ذرة سكر
ملعقة صغيرة بيكينج بودر
ملعقتين كبار دقيق ذرة لو متوفر عندك .... مش مشكلة دي اضافة وممكن لو كان عندي ردي كنت استخدمتها
لبن حسب الحاجة

الطريقة:
اخلطي كل المواد الجافة مع بعض وبعدين الزبادي والزيت وشوية لبن لحد ماتحصلي علي قوام عجين متماسك ولا يلتصق بالايد او طبق العجين.

قسمي العجين الي قطع متساوية وكوريه .... وبعدين افرديه بالنشابة الي ارق طبقة ممكنة وبعدين في طاسة ساخنة جدا وعلي النار وممكن تدهينيها زيت بسيط جدا جدا

وهيطلعلك احلي عيش بيتي

وعلي فكرة لو مش مستعجلة علي التسوية ممكن تحطيه في الثلاجة لحين الحاجة ودا مش هيؤثر علي شئ لانه مافيش اساسا اي حاجة هتبوظ.

وهذة المقادير تكفي لعمل 6 ارغفة تقريبا متوسط الحجم.

ودي الصور.... معلش الكاميرا مش شديدة












وأخيرا ... شوفتوا منفوخ ونافش ازاي

 

إضافة 2014-07-22
من تأليفي
تعديل 2014-08-05

التعليقات

الباشمهندسة 2014-07-22
مش عارفة انزل الصور المرفقة .... هانحل المشكلة ان شاء الله وانزل الصور
زغباوية 2014-07-22
هههههههههههه 100 100
طيب سؤال بقى العيش طلع مفقَّع ولا لأ :(
الباشمهندسة 2014-07-22
اه اه جدا جدا
زغباوية 2014-07-22
طيب هانتخيله لغاية ما الصور تنزل
Menem 2014-07-23
عاوزين الصور لو سمحت .. انا باحب الحاجات دى جدا .. ويبقى عيش طازة بطازة .. ولو فاضية حطى عليه شمر او كمون او حبة البركة وكله للتخسيس ..
الباشمهندسة 2014-07-24
من عُنيا :(
Fayez Eneim 2014-07-24
Engineers make it happen.
وزوجة جيش؟ نور على نور.
الباشمهندسة 2014-07-24
الله ينور عليك يا دكتور ... دا اجتهادات مطبخية وربنا اللي بيوفق وبيسترها
الباشمهندسة 2014-08-05
أتفرجوا علي العيش البيتي .... وبالهنا والشفا :(
Menem 2014-08-06
جميل جدا
زغباوية 2014-08-09
تحفة جدا جدا جدا لدرجة انى شامة ريحته :D لا صحيح فتحتى نفسي وهاجرب اعمله ان شاء الله
zedony.com - A mmonem.com production. عن زيدوني - Privacy Policy