اأمن برنامج محادثة للموبايلات

3
انا كنت بستخدم فايبر ولغيته وكنت بستخدم واتس اب وبعد كدا ادانى رسالة ان النهاردة اخر يوم في الفيرجن ده لو عايزة تجددى روحى جوجل بلاى وحدثي البرنامج عملت كدا لاقيت عنده في شروط استخدامه انه ممكن ياخد صور ويسجل صوت كمان فخفت ولاغيته

اعمل ايه هل ده فعلا خطر وممكن يصور او يسجل صوت فى اى وقت حتى لو مش مشغالاه ؟؟؟ولو ده صح فعلا ايع اامن برنامج ممكن ننزله بامان بدون تجسس

 

إضافة 2014-01-05
من تأليفي

الإجابات

3
البرامج المعروف مصدرها مفيش منها مشكلة. الواتس آب ده برنامج بيستخدمه مئات الملايين وأنا شخصيا أتخيل إنه آمن من وجهة النظر دي.

طبعا ممكن أي برنامج سواء كان مشهور أو مش مشهور يبقى فيه نقاط ضعف ينفع الإختراق منها لكن الثقة في حجم وجودة الشركة اللي بتنتج البرنامج ده بتخلي الواحد يبقى متخيل إن الشركة الكبيرة دي عشان هي كبيرة وسمعتها أهم شيئ عندها ، معينين ناس كثير محترفين في مجال أمن المعلومات وظيفتهم بس التأكد من إن المشاكل دي مش موجودة ، ولو لقوها يقومو يحلوها على طول قبل ما تعمل مشاكل عند حد
إضافة 2014-01-05

التعليقات

زغباوية 2014-01-05
طيب ماهو يُقال ان الواتس اب والفايبر دول معمولين للتجسس اصلا فكمان يديني شرط انه احتمال يسجل صوت او صورة فده شكله غير امن
محمد عبد المنعم 2014-01-05
أنا شخصيا ممكن أتعايش مع تجسس الحكومة بتاعتي عليا ... عادي ... وبالنسبة للحكومات الخارجية أنا شخصيا مأهمهاش لكن المصيبة إن بياناتي ومكالماتي تبقى مع حد غير أمين بغرض التجارة أو الإبتزاز أو التهريج وهو ده اللي الناس لازم تخلي بالها منه
زغباوية 2014-01-06
اهو ده اللى انا اقصده
zedony.com - A mmonem.com production. عن زيدوني - Privacy Policy