الإعتناء بالعصافير

6
عايزة اعرف ازاي اعتني بالعصافير وإزاي أوفر لهم جو جميل عشان أنا حاسة انهم مستغربين المكان في حين اني باشوف عصافير تانية بتصفر وموودها حلو وغزالتهم رايقة

 

إضافة 2013-11-09
من تأليفي

التعليقات

Menem 2013-11-10
العصافير مخلوقة حرة طليقة فى الضوء الطبيعى والاشجار والزهور !!!!انت عاوزة تسجنيها بأكلها ؟ مين قال لك انها قلقانة على الاكل ؟ ومين قال لك انها بتصفر ؟ ممكن تكون بتصرخ !!!
أم العيال 2013-11-10
أوبببببااااااا
أم العيال 2013-11-10
أنا سمعت إن الجرجير مفيد جدا للعصافير وفعلا حطيته بالليل وماشاء الله لاقيتهم كلوه كله والصبح سمعتهم بيصفرو والله أعلم بيصفروو من المغص ولا إيييييه
Menem 2013-11-11
طب كويس .. اعرف ان اكلهم حاجة اسمها فلارس !ّ!! بس غالى !!
أم العيال 2013-11-17
ده مش غالي خالص ده من عند العلاف بتجيب حبة دنيبة علي فلارس ب3 جنيه
Menem 2013-11-18
طيب هو بيض العصافير بيتاكل ؟؟ مادام الاكل رخيص كده!!!
أم العيال 2014-06-18
أولا أنا حبيت أجيلكم بعد ماعصافيري كبرو واتجوزو وخلفو وعيالهم بقو أدهم (قولو ما شاء الله )وبقي عندي خمسة
مش خمسة وخميسة لأ بجد خمس عصافير
Menem 2014-06-18
طب اذبحى واعزمينا !!
أم العيال 2014-06-18
حراااااااااااااااااااااام عليك
ده أنا ماصدقت كبرو وبقو مزعجين أكتر من ولادي
Menem 2014-06-18
ايه اللى مسهرك لدلوقت؟.. آه صحيح انت خالية شغل !!ونصيحة : كبرى القفص قد ما تقدرى خليهم يقدرو يطيروا .. الولاد هيفرحو بمنظرهم اكتر ..
أم العيال 2014-06-18
أنا هادخل أنام أهو وان شاء الله في قفصأكبر
هانجيبه إن شاء الله الأسبوع الجاي
Menem 2014-06-18
جميل !! سلام..

الإجابات

6
أولا لازم يبقي القفص كبير شوية علشان مايزهقوش
بلاش تنقلوهم كل شوية من مكان لمكان ويكفي مكان واحد ثابت ليهم وياريت يكون مرتفع وبعيد عن حرارة الشمس والساقعة الجامده
ونفتحلهم الشبابيك وندخللهم ضوء الشمس بالنهار
ننضفلهم القفص يوم بعد يوم
نحطلهم سيبيا دايما في القفص علشان بتقويهم وبتكون كويسة وقت الفقس
أكل العصافيروالماء كل يوم يتحط وخدو بالكو بلاش ييجي عليه البيبي بتاعهم ولو حصل نغسل المسقاة ومكان الأكل ونحط غيره
ممكن بجانب أكل العصافير المعروف(بلكم -فلارس - دنيبه)نحطلهم شرايح خيار-جرجير-تفاح -بيض مسلوق مع لبابة عيش فينو
طبعا الأكل ده مش مع بعضه يعني تنوعو كل تلت أيام نحطلهم نوع
أكلة البيض المسلوق دي مفيده أوي ليهم وخصوصا وقت ماالبيض يفقس
ممكن كل أسبوع نحط لهم عصرة ليمون مع الماية علشان صحتهم
إضافة 2014-06-18

التعليقات

safaa 2014-06-18
خبرة بقى ياام العيال :(
زغباوية 2014-06-19
هههههه حاسة انهم بقوا زي اولادك...ربنا يحميهم :(
بس ايه ال سيبيا دى؟؟؟
الباشمهندسة 2014-06-24
100 100 ... ربنا يزيد ويبارك العصافير مخلوقات لذيذة جدا ومُسلية
zedony.com - A mmonem.com production. عن زيدوني - Privacy Policy