الحكومة هتطلع قانون يجمد قلب الوزير ليتمكن من اصدار القرارات وذلك بحمايته من تهمة الفساد او سوء النية .. سمعتوا عن حاجة زى كده فى اى بلد فى العالم ؟؟
حكومة عاملة زى القشة المغروزة فى الطين لا بتتحرك لقدام ولا لورا ولا بتغطس ولا بتقب ..!!
مش الوزير اللى خايف يشتغل يخللى عنده دم ويسيب الوزارة ورئيس الوزارة يجيب راجل بداله ؟!!!ده اذا كان رئيس الوزارة اصلا عنده شجاعة لاتخاذ قرار!!!
النظام كله غلط ومش صح يعنى ايه وزير يجي جديد يلغى اللى الوزير اللى قبله عمله ويطلع قرارات جديدة وللأسف بتكون سطحية ومش مدروسة علشان بس يثبت نفسه ويقول انا مختلف.....وده للأسف بيحصل مع كل الوزراء والمديرين والمسئولين.
المفروض يكون فيه لجنة وضع خطط خماسية(لكل 5سنين)مثلا او اكتر ده على المدى البعيد وتنقسم الى اهداف سنوية ماعلى الوزير الجديد إلا تنفيذها واللجنة دى تكون من الشباب والخبرات فى كل مجال...
وتكون فيه لجنة تانية مُشرفة على تحقيق هذه الاهداف والخطط الموضوعة واى تقصير يتعاقب المسئول