بلاش تبكي (شعر)
بلاش الدمع ف عيونك
عشان مابكيش
سيبيني بالأمل عايش
عشان أيامي متعديش
صحيح أنا ف الطريق واقف
ومابامشيش
لكني لسة صالب طولي
مبوطيش
ولسة السكة قدامي
ومش ناوي أبطل سير
لحد سنيني ماتعدي
وتتهدي يارجليا
هكمل خطوتي لبكرة
لحد سنينك الجاية
وهازرع ف الطريق شجرة
تخللي الظل يملا الكون
وهابدر ف السنين قمَرَة
عشان تملا الطريق بالنور
ولو قالوا ان انا مجنون
منيش هابكي ...
وهامسحلك دموع عينك
عشان توعي لطريق بكرة
ومتوطيش
بلاش تبكي
عشان مابكيش
=======
العزب فتحي
إضافة 2013-06-04
من تأليفي