أنا عندي فكرة تحفة للعجينة
الفكرة دي جديدة وسهلة ورخيصة ولذيذة وسريعة جدا جدا ونتيجتها مضمونة كمان
هتجيبي قطايف نية وترصيها وتحطي فوقيها الحشو اللي انتي عايزاه وعلى الفرن على طول ... وبس!
ممكن تعملي القطايف في البيت لو انتي عايزه
انا كمان عندى فكرة تانية
نجيب عيش كيزر ونقطعه نصفيين ونرصه فى صنية وندهنه بالصلصة
وزيت الزيتون ونحط علية اى حاجة موجودةعندك زيتون فلفل الوان
اى نوع جبنة عندك تونة
وتدخل الفرن وتشغلى عليه الشواية من خمسة الى ستة دقيقة
وبالهنا والشفاء..
التعليقات
لأ معلش البيتزا يعنى عجبنة معمولة صح ومخدومة سجلى عندك بقى
1ك دقيق أحط عليه كيس خميرة ومعلقة صغيرة ملح ونص معلقة سكر ومعلقة صغيرة زعتر واقلب المقادير الجافة دى وبعدين احط عليهم 2كوب زبادى ونص كوب زيت زيتون واعجنهم كويس واسيبهم فى مكان دافى يخمرو مش أقل من ساعة
ملحوظة : لما آجى أقطع العجينة علشان أحطها فى الصوانى ياريت أحدد الجزء اللى هاخده واقطعه بالسكينة ماشدهاش يإيديا علشان ماخرجش الهوا منها وتطلع العجينة مكتومة
التعليقات
ملحوظة صغيرة لطريقة tafatifi الخميرة البيرة اللي بتجبيها من الفرن بتعطي طعم وريحة ونكهة الذ من الخميرة الفورية
وايضا اسجل عجابي بطريقتك في البيتزا والكشري لانهم قريبين من طريقتي
وياريت تعلمينا بالمزيد من الاصناف اللذيذة
التعليقات
اهم من طريقة العجينة سمك العجينة يعنى لو خليتيها تخينة وسميكة والاضافات قليلة هايكون طعمها وحش زى ماتكونى بتكلى عيش لكن اذا كان سمك العجينة رفيع والاضافات عليها كتيير يكون افضل وتعطى مذاق احلى كمان الزعتر حلو اوى فى عمل البيتزا
التعليقات
العجينه:
نصف ملعقة كبيرة سكر، 1/2 ك دقيق ،4 ملاعق كبيرة زيت زيتون،
1 ملعقة كبيرة ملح 2 ملعقة كبيرة خميرة بيرة (خميرة الخبز) 400 ملل ماء دافئ لجمع وعجن البيتزا
الصلصة:
يقلي البصل (2 ملعقة كبيرة) في الزيت مع 3 فصوص ثوم وزعتر
نضيف 2 ملعقة كبيرة معجون طماطم مع طماطم مفرومة طازجة تقريباً 500 جم أو معلّبه
مع ريحان وملح وفلفل حار وفلفل اسود
طريقة التحضير:
يفرك الدقيق مع الزيت والسكر وتضاف الخميرة .
يضاف الماء والملح وتعجن
تغطي العجينة وتترك لتختمر ثم تفرد وتشكل وتحشي بانواع مختلفة من الحشو
بعد تشكيل البيتزا تضاف الصلصة والحشو وتخبز لمدة 10 الى 15 دقيقة في اسفل الفرن متوسط الحرارة
ثم تضاف الجبنة وتوضع تحت الشواية كي تذوب وتقدم
التعليقات