طيب ابدأ أنا في الأول علشان اشجع الناس :(.. تصوري كالآتي :
# ألوان الحوائط تكون مريحة للعين و للأعصاب زي الأبيض و الأزرق و الأخضر.
# زهـور، و نباتات ليها رائحة عطرية زي الريحان مثلا.
# شبابيك واسعة تدخل ضوء كافي، و الإضاءة الكهربية تكون إضاءة ذكية.
# لازم يكون فيه تحكم في درجة الحرارة طبعا.
# مش لا زم سبورة متعلقة على الحيطة، سبورة ذكية متصلة مع أجهزة الكمبيوتر لكل كرسي، اللي بيحفظ كل حاجة اتكتبت على السبورة مع صوت المحاضر.
# ممكن يكون فيه اكتر من نظام للجلوس فى الفصل الواحد، ويتم التنقل بينهم خلال الشرح و النقاش.
التعليقات
انا هاتكلم على الاطفال الصغار يعني كيجيهات وابتدائي وممكن نعدلها فتكون للأكبر:
1- ممكن تكون الفصول بداخل الحدائق بجدران زجاجية لان الحوائط نفسها تجيب اكتئاب
2- ممكن وضع الدرس بالصوت على كمبيوتر بداخل شخصية من الشخصيات الكارتونية اللى الاطفال بتحبها بطريقة جذابة بحيث يقوم المدرس بوقف وتشغيل الصوت مع حركة الشخصية ويشرح نقطة نقطة
3- يتغير سقف وجدران الحجرة بحسب الدرس يعني لو عن التاريخ مثلا يجيب مناظر تاريخية حسب الحدث...لو فى العلوم والفضاء يكون زى البانوراما...وهكذا....بحيث يكون الجو كله مهيئ حسب الدرس
التعليقات
أنا كطالبة ثانوي : شايفة انه يااااريت بس يوفرو الفصول التقليدية ، الفصل التقليدي اللي المفروض مايزيدش عدد الطلبة فيه عن 30 ، ويكون فيه اضاءة عااادية جدا بس تكون موجودة :( ،ويكون فيه مستوي ولو متوسط من النظافة ، وفيه مدرسين بيشرحو بجد وبضمير ، وفيه حصص الرسم والموسيقي فعلية مش بالاسم وبس ...لو اتوفرت الفصول التقليدية بالفعل هبقي افكر في فصول غير تقليدية :D
التعليقات
على فكرة الـ اي باد هيبقى احسن :D